「你係我心面既一顆恆星，同你相識絕對係神跡。」
所以咪話囉，我成日都同d friend講，失戀咋麻，
洗乜驚wor。一於飲返杯忘情水，唱番首我活得
比你好，日出時讓戀愛終結。睇下將來幾時有
條女比機會你同佢講你是我的女人，跟手生番
件笨小孩，咁咪佢的名字你的姓氏，繼而咪就係
愛是永恆囉，終有一日你會係「Gusto」等到佢咖…👇
-
📌S T A R T E R S -
▪ Steamed New Zealand · Mussels - $168
▫ 作為青口fans一定識嗌呢個「白酒汁煮·新西蘭
青口」，每隻青口size都夠均稱，配以大蒜、番芫荽、
洋蔥帶黎份外濃香；而咬落裡面保持到嫩滑軟腍，
連埋白酒汁一齊食，作為前菜認真唔錯。
-
📌Pasta · Risotto -
▪ Tiger Prawn · Linguine - $248
▫ 跟住有我最愛既「龍蝦汁虎蝦·扁意粉」，大大隻
虎蝦蓋住滿滿既扁意粉，每條意粉都沾滿醬汁，
無論聞落定食落都充滿住濃郁龍蝦鮮味；而虎蝦肉
質爽口彈牙，整體無好重油膩感，好食。
-
📌MAIN · COURSE -
▪ Grilled · Angus Rib-Eye - $338
▫ 輪到主菜環節，牛魔王必點既「安格斯肉眼扒·
蘑菇汁」，脂肪平均分佈得幾完整，食落油香十足，
每啖肉眼肉質都細緻嫩滑，加上牛味濃郁；配搭
埋蘑菇汁，成件事更加豐富。
-
📌D E S S E R T -
▪ C a n n o l i - $88
▪ T i r a m I s u - $98
▫ 期待已久既甜品「意式脆炸·奶油芝士卷」終於
出埸啦，外層炸得非常鬆脆，裡面充滿住mascarpone
cheese香味，非常軟滑，夠哂經典；另一款甜品
「提拉米蘇」同樣餡料擠滿mascarpone cheese，
加埋表面蓋滿既咖啡粉，入口濕潤又幼滑，唔錯。
📌C O C K T A I L S -
▪ Ice · Volcano - $108/H.H
▪ Gusto · Spritz - $78/H.H
▫ Cocktail方面必食佢地既冰火山「Ice·Volcano」
當中包括熱情果汁、RUM、蘿汁、青檸，整體
幾易入口，甜得黎又夠順喉，唔錯；而另一杯
「Gusto·Spritz」主要以開胃酒compari、 sweet
vermouth、prosecco、soda溝埋，口感爽身帶
少少dry，幾岩我。
-
📎 Gusto · Taste Italian
📍尖沙咀麼地道61號冠華中心地下3A, 5及6號舖
