【鯖！全部都係SABA！】#福井 之旅・三日目
福井之旅最後一日，一朝早先嚟到 #明通寺 拜個神。呢座日本國寶係由 #坂上田村麻呂，亦即係興建 #清水寺 嘅著名武將所創建，有超過1200年歷史！同清水寺一樣，明通寺亦係一口釘都冇嘅全入榫設計，認真巴閉。拜完神落山， #燒鯖魚 専門店 #朽木屋，欣賞福井名物 #燒鯖魚 調理過程，之後梗係唔少得試食環節啦。剛燒好嘅鯖魚香甜多汁，魚油咇哂出嚟食落去一啲都唔膩，一朝早補充 #DHA，天氣再凍行步路都醒神啲嘅。
鯖魚専門店隔離，係 #御食国若狭おばま食文化館。我哋先上二樓嘅 #若狭工房，親手磨製 #若狭塗筷子。所謂 #若狭塗 即係以貝殻、蛋殻、金箔，加上十幾層嘅極上漆製成表面，再以砂紙磨出入面嘅材質，呈現出隨機嘅pattern，款款人手精製，支支獨一無二㗎！磨完筷子，再落一樓參觀 #食文化博物館，有專員同我哋講解 #壽司 嘅演化、江戶時代運送海鮮嘅路程，和食與洋式嘅種種關係等等。古人要有啖好食原來有咁多學問，嚟呢度參觀，真係入腦過睇幾十本食文化歷史參考書。
晚餐繼續係福井名物 #焼き鯖，嚟到居酒屋 #吉のぶ 歎鯖魚全宴！從未試過咁鮮甜嘅 #鯖魚刺身，完全冇腥味真係得呢度先做得到！最驚喜嘅係用米飯加鹽發酵鯖魚而成嘅 #なれずし，剛剛響食文化館學過唔，呢個先係壽司嘅原型，估唔到即刻就可以試到，發酵過嘅米飯意想不到鮮甜，配埋鯖魚肉即刻想狂飲日本酒！古代人嘅口福，現代人嚟到福井都感受得到。
一連三日嘅福井之旅要結束了。
衷心感謝 ABC Cooking Studio HK 嘅邀請，有三位開心小伙伴 Carrie、Michelle同 Carmen 同行真係天氣幾凍都唔怕，至緊要仲有 #abccookingstudiohk 嘅 Karman ，隨行細心照顧不特止，仲影咗咁多靚到不得了美照，呢個女子旅五人團實在好玩到唔捨得走啊！！以後一定要再多啲多啲多啲齊齊出走喔～
我哋嘅開心福井旅片段，遲啲仲會響香港四間 ABC Cooking嘅教室播放！各位去學料理嘅同學，遲啲就可以響螢光幕睇到我哋喪玩喪食喪happy之旅囉～
#密切留意影片播放日期
#攝影師助手話我哋係修學旅行wwwww
#夏天著比堅尼再戰福井
#wakasa_abccookingstudiohk
#fukuiwakasa
#peggysensei
#peggy先生
若狭塗筷子 在 ［日本傳統手工藝品系列1～若狭塗筷］ 親愛的幸輝貴賓您好 ... 的推薦與評價
日本傳統手工藝品系列1～若狭塗筷］ 親愛的幸輝貴賓您好! 日本的工藝品一直都是為人所讚賞！ 許多人看到美美的和風筷, 心動卻覺得價錢昂貴, 究竟為何日本的筷子價錢 ... ... <看更多>