《坤哥咁益我》
有日 Yip Kwan Ng 問我，
可唔可以幫佢兩位朋友影輯相
我以為係咩大老闆、地產保險之類
原來係姜麗文Lesley、蘇韻姿 Andrea
今日首先發佈姜麗文部分相片
我按奈住心中澎湃嘅興奮
覆咗一句：「望下有冇期再覆你。」
如是者，經一輪冇乜內容嘅商討
同埋一齊 J 下兩位美女嘅IG 後
坤哥又繼續準備「回到」日本做奧運採訪
我就靜靜期待拍攝日嘅來臨
因為大家都太多嘢忙
所以都冇乜交流過造型之類
甚至hea到化妝都係Lesley 親自落手
到早一日收到Lesley 俾我嘅造型相片
我一睇：「玩咁爆！？」
我都好想寫到好大堆好有藝術感嘅感想
但如果我寫嘢係咁叻
我就揸筆搵食啦係咪？
所以我舒發內心嘅感興
就係用相片
你睇到乜，就係乜
冇咩特別好解釋
如果一張相下下要配一大埋字先睇得明
咁樣就好失敗啦？
不過有一樣嘢係好深刻一定要講
就係Lesley 嘅皮膚真係好得好離譜
拍攝期間我已經懷疑自己眼花
「點解好似PS 咗咁嘅？」
所以喺花絮相片中我果個「WTF？」嘅手勢
就係講緊Lesley 嘅皮膚。
而Lesley 望住電腦咁開心嘅表情
實在係我好大嘅鼓勵
因為我呢啲M底嘅性格
令人開心就係最爽喇
今次同樣有拍製作花絮影片
不過有太多相未執，
太多片未剪 #次次都係呢句
有緣嘅大家一定會好快睇到
係咁先，bye！
#遲少少會開LIVE或拍片玩Tourbox執相
#每一出唔出到一個po可以堅持到facebook執笠
#我都想寫得好笑啲但我個人行偶像派有啲包袱
#多謝坤哥咁益我
Starring: @lesleychianglove
Photo by @dericwongstudio
Hair by @zaptang @essensuals.hk
Styled by @marcomchan #styledbyMMC
Outfit by @yoox #YOOX
Necklace by @gcdswear
Bustier by @rickowensonline
BTS: @ollie_wky
