本打算尋日晨早去康怡Aeon買餸，
為今日的拍攝張羅材料，
諗住晨早九點去早啲返，咁我仲有一日用。
跟住尋日朝早，老闆用溝女的語氣同我講
👉🏾你晏啲去啦，我車兩個女去芭蕾舞，我再車你去😏，跟住先返黎湊返兩個女。
😱😱😱
我有點受寵，但其實呢，去唔係一個問題，
返歸拎住幾大袋嘢先係問題，
👉🏾不如你車我返來啦。。。大約幾多幾多點，你去到Aeon連住地鐵站個出口，巴士站尾到等我啦。
如是者，我一個人出走Aeon，
買咗兩大籃拍攝用材料及尋日晚飯食物，
心諗，有車嘛，買多啲又何況？😌
跟住在約定時間，我到咗相約地點等，
等咗十分鐘未見人，打人地電話又唔聽，
Fine，可能塞車同揸緊車呱～
我再等囉～～👈🏾縱使我拎住三大袋餸
再十分鐘後，我收到電話了。。。
👉🏾我唔知Aeon點去，我泊咗喺太古城酒店果邊你行過黎啦。
😱😱😱好很遠喎，點行？
不如我截的士返歸啦，你又揸返歸啦😑。。。
我拎住好多嘢，行兩步都好吃力。。。
但有人話👉🏾我專登黎車你，你行過黎有幾難？
😡😡😡
因為一度氣，我決定拎住啲嘢行過去，
我要畀人睇下究竟佢做咗啲乜！
三大袋仲要有兩大舊椰菜、味醂豉油，真心好係嘢😑
好唔容易行咗過太古城。。。
👉🏾喂，你架車呢？我見唔到喎。。。
👉🏾喺最前面，你再行到去尾就見到，前面唔畀泊車
上車一刻，我爆咗。。。
爆得來一句聲都無出，
只係情緒大爆發。。。
坐喺位喊咗。。。
😭😭😭
點解人揸車你揸車，你個谷歌唔識帶你去Aeon?
個個都係咁泊車，點解你硬要泊最遠果個？
點解我自己畀錢搭的士都有說話我聽？
😭😭😭
Any肥，今朝我0430起身，為今天工作準備。
無咩事我飲埋杯奶茶開工去。
親💕星期一快樂💕
#死十萬個細胞的工作
#幾多個男神都補唔返
#今朝整簡單飯盒三個
#只有細妹一個有公仔
#家姐興奮帶正常飯盒
#咁樣就代表大個女嗎
