隔離組Ivan係個幾開朗嘅人，加入咗公司一個月已經同我哋混熟晒，雖然佢喺呢度係新人，不過之前都有好多年工作經驗，聽講做sales出身，難怪待人接物相當大體。
佢成日會走過嚟傾計，有時分享下做緊咩job，例如請緊marketing，手上面又冇合適嘅求職者，Ivan就會叫我哋介紹，間唔中佢亦會射啲job過嚟，不過我例牌唔會接。
點解？因為我太清楚佢阿姐嘅為人喇，所有好job淨係留俾自己班愛將，對於Ivan呢啲「外人」，阿姐只會畀啲豬頭骨佢啃，幫公司follow一班冇potential嘅客，做下樣畀老細睇。
由Ivan第一次過嚟話搵緊某公司嘅marketing開始，我已經知道佢嘅前路相當崎嶇，呢個position冇記錯出咗job ad接近九個月，喺Ivan未入嚟公司做之前，佢阿姐已經判過出去畀其他同事，有人發現市場上大部分求職者都耍手擰頭，甚至有啲人已經上過去interview，總之呢份工係正常人都唔會做。
之後Ivan都有問我關於其他職位有冇求職者介紹，有啲job係會計，有啲係shipping，有啲係cs，senior啲嘅manager grade都有，但無論啲position點樣唔同都好，當中梗有一個共通點，就係呢堆公司喺行內出晒名惡做，啲職位唔係經常換人，就係請咗好耐都請唔到人，終於有一日我忍唔住要同Ivan講：
「其實呢……你知唔知你阿姐畀親你啲job都係豬頭骨？」
Ivan：「我知呀，由第一份嗰隻marketing開始已經知，當我自己搵求職者嘅時候，有人同我講半年前上去見過，基本上我搵每一個求職者都會聽到佢哋反映，另外我都check過，佢畀我啲job一般嚟講係mission impossible，唔係公司個名臭晒，就係人工嚴重underpaid，再簡單啲講啦，即係冇忽好肉。」
「原來你係知嘅，不如咁啦，我睇下點幫你內部轉team，好唔好？」
Ivan：「多謝你先，不過唔使喇，我辭咗職，跟住做埋個小手術就轉去另一間recruitment agency，有朋友介紹我，唔使擔心。」
「吓？做咩手術？點解唔休息下先？咁快又返新工？」
Ivan：「小問題，係一個飛秒激光白內障治療。」
「你好似講得好輕鬆，大佬，講緊手術喎，又要入院又要停工。」
Ivan：「No no no，白內障治療會喺局部麻醉下進行，雖然治療過程清醒，但大多數患者都唔覺得痛，而且我喺眼科診所接受治療，無需去醫院過夜，醫生仲會根據患者眼睛情況同埋日常生活需要嚟決定人工晶體類別，通過植入合適人工晶體可以矯正術前嘅屈光不正，例如近視、遠視、散光，或者老花眼，所以治療後大多數都唔需要戴眼鏡。」
「咁就好喇，坦白講，你係咪好憎你阿姐？」
Ivan：「憎佢又唔使憎到出面嘅，一早睇清佢啦！而家終於有時間去醫對眼，第日唔影響工作同埋生活，咁先係最重要，呢行好細，與其用力去憎一個人，不如第日搶晒佢啲客。」
呢番說話令我諗起之前出過一個post，睇清一個人唔使去揭穿，討厭一個人亦唔需要反面，做好自己份工，過自己想要嘅生活，咁先係最重要，關於呢種人生哲學，我冇嘢補充喇，但如果你想了解乜嘢係飛秒激光白內障治療，我就留低以下連結等大家慢慢睇啦：
https://www.hklasereye.com/tc/treatments/cataract
