［今日寫呢啲］首先講返，你見到呢篇嘢時，NetFlix應該剛剛出業績（香港星期三早上）。但我週末寫咗篇NetFlix Twitter Snap，已經講晒仲整理晒啲數。一早畀定個錦囊（即係基金經理幫你「睇住」咁，睇住跌咯），自己去睇
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
今日呢篇真係訊息量大，講大市部份反而唔多，因為根本驚都冇驚過。你見事隔24小時就再冇人講咩Delta變種封城之類。根本即使道指跌1000點當晚，市況都唔係好恐慌，只係人人都畀咩「道指跌1000」「美股今年最大單日跌幅」嚇親。最衰係呢啲都係事實喎！
所以呢，好多時不能畀啲新聞牽住你走，睇少啲股票，投資先會好。我？我就冇計，我食呢行飯。但應該好多人知道，我有時瞓到港股收市先起身，要睇架咩？睇住就跌少啲？
更重要嘅係，好多人等等等等等調整，有冇諗過錯失幾多嘢？本人買股票從來都market price掃，痴撚線啦，你買幾億咩，爭嗰一兩格。Patreon有講，美股由舊年10月開始（大選前！）到而家，差不多一年，都冇5%嘅調整，然後你睇下升咗幾多？
更大鑊嘅係，美國即使長升長有，但過去廿幾年（你冇睇錯），差不多年年有5%嘅調整，得兩年例外。偏偏今年就冇！賭王即係賭王，你唔好彩啦！但我明點解啲人不停咁想等等等，因為你唔夠大志，買股票望先一兩成，咁你咪好想等跌5%然後你買之後彈返上去。你係貪幾倍嘅，點會理5%？
之後講IBM業績，勝預期呀，股價都升。不過，收入講緊按年升3%！但，已經係三年最勁！死未。實不相瞞，而家一季先188億美金。但，2000年，一季收入都200億美金。咁，其他嘢都唔使點討論啦下話？你可以睇Patreon慢慢講，又估下公司見底未。但好簡單嘅故事話你知，股價點解唔得？冇生意，冇盈利咯。有幾難明？
然後到新創建，出盈喜喎。但正如我張圖都話你知，佐丹奴709夠出盈喜啦！我週末都有寫，都話唔係好消息。星期一你都可以話跟大市跌，星期二就冇嘢好講啦。當然呢啲只係皮毛嘢，但學會呢啲基本嘢，你已經勁過好多人。Patreon就教你呢啲。
仲有，免費話埋你知，盈喜未必係好消息，好消息又未必會升，升又未必等於你要買。四樣嘢。可惜好多人連花幾分鐘望下個盈喜都懶。咁明嘅，都市人忙嘛，所以你咪訂我 Patreon我幫你搞晒。就當我寫嘅都係平庸嘢都好，你都可以諗下你嘅時間值幾錢。
而我本書都有講，WTF哲學，卒之我將呢三樣嘢放埋一齊。Writing, Teaching, Finance．W同F不用多講，但T係乜？你見我唔止會話你知啲友見盈喜就當好消息狗衝係錯，我仲會話埋你知點解錯，仲會教你點睇先啱—最正係我甚至係會引導你自己搵個答案。我都係注定食教書呢行飯，正如我注定食寫字呢行飯，注定食股票呢行飯。不過而家我將佢三合一。
最後講，Nvidia，之前有人話自己識Tech做乜要睇個唔識嘅人寫。Well，首先，我唔係同你去砌機或出論文，我係講買股票，我使唔撚使識晒愛馬士每個袋咩來歷賣幾錢我先識買佢嘅股票？我又要知部光刻機點操作先可以識買ASML？你見有冇人早過我講？咁邏輯成立嘅，基本上所有寫足球嘅人都可以收皮，除非你好波過美斯。
講完廢話，都講返，「星期一我唔明做乜逆市升」，都唔記得咗係拆細。但，拆細嚟做乜？入道指咯。BTW，公司已經係美國十大公司了，你又知唔知？但我一年前已經買。
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
delta t 都市 在 Delta T x 楊雅餘- 都市~Lonely Night~ 【OFFICIAL MV】 的推薦與評價
Delta T x 楊雅餘- 都市 ~Lonely Night~ 【OFFICIAL MV】. 148K views 1 year ago. Delta ... ... <看更多>