Search
🍁 #女孩自家煮
雖然天氣好熱，但我哋兩個典型香港人就梗係開住冷氣喺屋企shabu shabu啦😝～呢日俾咗個驚喜比👦🏻，就係買咗 #松葉蟹！有人完全開心到雙眼發光，笑死我🤣
食材主要喺DON DON DONKI Hong Kong買，松葉蟹唔貴，$298有一大盤，鮮甜又啖啖肉！ #A5黑毛和牛 入口即溶，肉味濃郁😆 #鹿兒島豚肉 嘅肉味都好突出。比較推薦呢個 #火鍋湯底，有咗佢即刻味道似餐廳出品咁，湯底濃稠鮮美，好多超市都有得賣😏 今次仲好揼本咁買咗好多日本蔬菜，務求製造家鄉嘅感覺 🇯🇵 丸類除咗有打邊爐必備嘅 #振興肉丸 外，仲試咗 #大阪王將水餃，不過個人就覺得太細隻，同埋味道一般般，應該唔會encore🙊 #魚皮蝦餃 類似魚皮餃，不過多咗蝦肉，味道同口感都更加豐富。
－－－
📍FOLLOW MY INSTAGRAM：https://www.instagram.com/missfoodies/
📚BLOG: https://mantung88.blogspot.hk
💖MEWE Group: Mewe.com/join/missfoodieshk
【#火鍋湯底】過兩日天氣涼返啲，又可以喺屋企 #打邊爐🤤🤤
►看全文 https://bit.ly/2YgCfs0
#日本滿點 #日式火鍋 #味之素 #Mizkan #無印良品 #食玩買 #01旅遊 #好食玩飛 #香港01
---------------------------------
👽 Cyberpunk 2077電馭叛客全攻略
► https://bit.ly/34KiYTl
😎 iPhone 12 SE2最新消息／功能合集
► https://bit.ly/33cAJe4
🧐 家電評測／使用保養貼士／買前必看
► https://bit.ly/3pwJozV
👾 PS5＼Switch＼Xbox遊戲情報及攻略
► https://bit.ly/313oUV1
📱 手機教學合集＼一鍵清機＼實用好App
► https://bit.ly/2PbRdek
---------------------------------
下載《香港01》App即睇最貼心數碼生活資訊💪
►立即下載 → https://hk01.app.link/cDzRrmV2vO
［長假期前的高流灣］訊息量都幾大。任君演繹。睇你咩角度切入。
1. 最簡單嘅，咪「咁情勢都仲打邊爐」。但話我疫苗撚都好，我就唔係好有乜科學根據。話氣融膠定乜傳播，咁其實都係講同我一齊打嗰個啫。而講過好多次，打邊爐呢味嘢對我嚟講好神聖，我唔輕易同人打邊爐的。都話，上過床嘅女仔，一定多過同過我單邊打邊爐嘅女仔。咁反正我都係同埃汾太打，要感染嘅都唔爭在。
2. 況且，金融海嘯又好，反送中又好，肺炎都好，我都仲係維持住呢個每個星期五打邊爐嘅習慣（有冇人試過星期五晚約到我食飯？）。又話時話呢個傳統應該係上手女朋友（都十年前）留低，因為佢做報紙，但一般星期六放假，咁星期五放完工就齊齊打邊爐，然後就去我屋企（唔係點？）
3. 好啦，乜都睇錢嘅，咪睇價錢。嘩你兩條友食咁貴（或者，你兩條友食咁多嘢！）。咁高流灣的確係偏貴的，值唔值就好深，但埋單係偏貴。唔使同任何嘢比，我就自己同自己比。以我同囡囡嘅食量同叫法，去第度，應該唔使呢個價錢。留意仲免咗我加一（明啦）。
4. 而甚至我都仲未整條魚刺身—多數大時大節，囡囡生日呀，結婚周年呀，情人節呀，就醒下佢咁。好似坐監過節多個橙。拿，上次情人節咪有碟魚！（https://bit.ly/2yaal77）
5. 不過又話說回頭，雖然高流灣係貴，但亦唔係貴過我去其他地方好多。例如其實我近一兩年default 係去九龍城方榮記（呢排好似停業），咁因為我每次都叫嗰啲嘢，次次都係$992
6. 呀另外你留意到嘅，免汽水喎。拿，呢啲就「熟客」，但你咪撚拎住張相去R，走去話「做乜埃汾有我冇」。真係唔好咁low．而其實我從來冇出聲—大佬，有冇咁low呀。熟客呀，茶芥呀，送糖水呀，轉工人地buyout你呀，性交唔使用套（！）呀呢啲，梗係人地開口offer畀你嘛。你自己出聲問人就cheap晒啦
7. 事實係我並冇預約（＊），去到幫襯，呀飛哥已經十分開心咁嚟同我打個拳。老細，我應該2007年去緊喎。咁一路食呀飛哥十分殷切咁問我夠唔夠汽水，使唔使嚟多支—咁我就知佢會免費畀我啦。你估人地咁cheap叫你叫多幾支然後照收你錢甚至收你天價咩。
8. 拿，免汽水免加一呢啲，就熟客啦。但再講多十次，熟客，係人地認你嘅，唔係自認嘅，自認就變咗西客。
9. 而得罪講句，有時我都受之有愧（但當然唔會堅持畀正價咁志鵬（＊＊））。事實亦係，有一期就算飛哥在，其他人見到我都自然免汽水免加一。但後來又有收返，咁我當然都冇嘢，唔通又上網寫幾千字話唔公平。事實，近兩三年，我好似一個月都未必去到一次高流灣，所以「熟客」都受之有愧。當然人地免我我是接受的，但千萬唔好一個月都去唔到一次就R人地著數。（但其實我今年都去咗三次）
10. 不過原來，呢個世界真係好多西人，一年去幾次當自己熟客的。阿叔真係同朋友話自己係熟客嗰時，講緊係一個月去六七次！咁當然你可以話睇餐廳級數嘅，你一年去間米芝蓮三星幾次，照計都可以扮熟客。
11. 呀當然仲有，員工係飛嫂，正係老闆娘，飛嫂當然都認得我。但想講嘅係，嗰日嘅決定過程。咁星期四（星期五紅日嘛）當然要打邊爐，但方榮記收咗皮。咁再上個星期我去到九龍城係摸門釘嘅，去到油麻地再企圖食「滾德棧」又係早收。最後去咗佐敦嘅「淘園」，仲特登打定電話過去。
12. 咁「淘園」當然還不錯，以前食過，但當然亦有我唔鍾意嘅地方（主要係環境，同啲西客），否則一早我就個個星期去啦。
13. 重要嘅，都係嗰個書生嘅故事（https://bit.ly/3aXj0Zg）。「淘園」我就食咗啦，但好似關雲長（！）過五關斬六將咁，我聽到高流灣開返，當然就萬死不辭返去啦。至於點解係寶勒巷新店唔係山林道？純係因為再之前一晚我有事在尖沙咀，行經寶勒巷新店，見到開返，就知道咯。其實之前一晚我都見到飛哥，但我就在佢發現我之前就閃咗啦—鬼咩，又唔係幫襯。
14. 講咗咁多，純粹真係感情。咁啲友，買匯控都可以講感情嘅，我覺得食飯講感情好合理啫。雖然我連飛哥嘅電話都冇，亦都冇同佢合過照，但都係話晒幫襯咗十幾年，啲員工我都見咗十幾年（流失率相當低，可見呀飛哥個人幾好）。唔係話「飲食男女」嗰啲矯情嘅小店風情，但就真係去開有感情
15. 更何況，而家疫情之下，冇乜人幫襯。招呼係咪特別好？第度可能會，但打邊爐冇乜大分別啦。咁好在邊？好在可以靜靜地睇下文咯—係喎，我到而家都唔明點解香港人打邊爐咁撚嘈。
16. 但又不過幾殘酷嘅係，如果方榮記開返，可能我又會去返九龍城了。或者輪住一人一星期？未知。
17. 呢個年代嘅好處就係太多選擇，問題亦都係太多選擇。某程度上，我養成咗某啲習慣，就令到我個腦諗少啲嘢。江湖傳話呀教主又好，朱生又好，做乜成日著同一件衫？因為佢地根本懶諗著乜衫。同樣道理，我啲飲食其實「好有規律」—你見近幾個月都係咁：星期五我就去方榮記打邊爐，每次叫嗰$992嘅東西，單我都唔使睇。然後就去食合成糖水（退步中，我就快發火唔食了）。星期六你就見我在屋企附近食嗰間「VBT」，星期日你就見我外賣Donki海鮮飯然後自己加雞蛋加明太子太刺身（！）。好有規律。諗少好多嘢。
18. 太多選擇有時真係難搞。埃汾唔係食家，但勝在成日街出食飯（無飯家庭嘛）。以前都寫過，晉武帝司馬炎（司馬懿個孫，司馬昭個仔），「羊車望幸」（https://bit.ly/2VkJn4H）（都話埃汾啲文好有教育意義）。咩回事？因為太多女，自己都唔知有幾多，揀都唔識揀，唯有簡單啲，坐住架羊車，架車停去邊個間屋，佢就嗰晚去邊過夜。爽
19. 更絶，當然係有遊戲規則就有人game the system．於是，啲後宮為咗得寵，就自己門口撒鹽，甚至倒鹽水，因為羊鍾意呢啲味道。
20. 即係，以前就玩ICQ Random Chat咁（我一向覺得呢個係上世紀最偉大嘅發明，以色列對人類文明嘅唯一貢獻，條友應該拎諾貝爾和平獎）。但而家去到Tinder啦喎，就可以比錢做VIP會員提高個配對率了
21. 嚟緊可能仲會寫下餐廳。冇乜特別，冇收廣告，純係想寫。但只係嗰啲我真心鍾意，或者至少真心日日食嘅餐廳。我好撚佩服Open Rice嗰啲文妓（＊＊＊），明撚明平時話自己好日唔過九龍，但就去出篇石門（！）嘅食評。辛苦晒。
22. 預告我可能會寫雞功房，或者Patagonia 阿根廷牛扒。咁有加埃汾Personal Page 都知係埃汾常食嘅餐廳（兩間樓上樓下添），主要係……夠近。
23. 當然有餐廳嚟搵合作我都絶對歡迎，誰不愛錢。但又真係要埃汾自己鍾意嘅先得了。文妓都講feel，仲係咪文妓？
24. 而蘇花，係從來冇一間餐廳搵我嘅，很好。因為你見我打咗三千字，都冇講啲嘢好唔好食，連牛肉相都冇張。
（＊）雖然個個星期五打，但有時要就睇戲之類，所以時間難就。咁高流灣以前只係得出林道店，比較爆，walk in 有時冇，所以慢慢地我就幫襯第度。
（＊＊）志鵬嘛，《法外情》嘅劉德華，劉志鵬大狀。年輕，熱血，睇唔過眼行業嘅文化。被老行尊斥責佢「志鵬！你好難適應呢個社會」。呢個詞我地廿幾年前寫文成日用，而家唔注解冇人明
（＊＊＊）當然廣義嚟講涘汾都係文妓，但量變就造成質變嘛。陶傑夠文妓啦，但收得夠貴咪唔係妓。張愛玲話嘅。
——————————————-
版務：收費專欄已推出，支持埃汾高質文章。幾舊水睇三個月，一星期三篇
請去呢度訂：bit.ly/2wVXndj
課程編號填: CC01
科咗水後後有Login及Password畀你
逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。
donki 打邊爐 必 買 在 買個湯底/醬汁，正 ... - DON DON DONKI Hong Kong 的推薦與評價
天氣開始涼，最啱打邊爐 /BBQ 買d靚肉，買個湯底/醬汁，正 湯底 豆乳火鍋和露/味露$37.8 香辣肉汁火鍋和露/味露$37.8 飛魚精華火鍋和露/味露$37.8 鴨精華火鍋和 ... ... <看更多>