Search
E先生班底重聚！
兒登瘦咗又靚仔咗，上鏡好睇～
邊個未睇過《 #E先生連環不幸事件》自己去面壁啦，MV在youtube點擊達290萬次！
#Mirror 成員 #Edan（#呂爵安），兩位演員Mandy（#譚旻萱）及 #Locker（#林家熙）的三角關係撲朔迷離，亦引起品牌關注。
最近 #Tudor 2021 年全新錶款抵港，邀請三位以時尚造型演繹新錶款，造就三位再次攜手合作，再續前緣。
合照錶款：
Edan: Tudor Black Bay Fifty-Eight 925
Locker: Tudor Black Bay Chrono
Mandy: Tudor Black Bay Fifty-Eight 18K
浪漫月巴睇2000（138）
【有幸遇見E先生】
我不知道自己是否已經成為了「爵屎」，只知道已經看了很多次《E先生 連環不幸事件》MV。那過百萬View數中，有十個，是我的。
1.如果計埋那個「強行走女版」，我已經看了這個MV十三次——截至年初七早上寫篇稿為止，而且不排除善款數字會繼續增加。
2.在這個已經沒有太多事物值得你去望多眼的年代，一齣AV，通常都只會睇一次（或半次），睇兩次？已經長情到匪夷所思。
3.但估不到一個MV，竟然令我看上十次。
4.不過是兩男一女愛情故事，故事發生在青春時，所以他們會穿上校服，他們會走在校園，會上學校天台，又會在專上科學堂的實驗室食Lunch，表面在開心食Lunch，各人目光卻注視著自己時刻都不想放過的人，當對方反應不符或超出預期，心，又會不期然亂諗……他們仨返學一齊，放學一齊，放假也一齊，去到海灘，他看見他的手肆無忌憚放在她大腿上，他妒忌，但問題來了：他究竟是妒忌可以把手放在她腿上的「他」？還是妒忌有幸讓自己大腿享受他手上溫度的「她」？好曖昧。青春就是如此曖昧。
5.然後，也是最後，來到一個晚上，三人相約在唐樓天台隊啤，啤酒好快飲完，他叫他落街買，天台上餘下她與他，本來開開心心，他卻令她哭了；他買完啤酒回到天台，再見不到她，然後從整喊她的他口中知道了一些事一些情，是甚麼事情？我們不知道，MV沒有明確交代，但大致估到。
6.必需講清楚，這一篇不是甚麼為你解讀MV的工具文章（現代人已經蠢到中毒，連睇齣戲睇個MV都需要別人拍片為自己解讀），事實上，說穿了，也不過是「我喜歡她但她擺明喜歡他而他又似乎喜歡她點知他真正喜歡的竟然是我」，結果，不論我和她以及他，都得不到自己所渴望的，願望落空，造成遺憾，青春獨有的遺憾。MV傳遞了一份青春的感傷，一種對我這個中年大叔來說已成上古史的感傷。
7.一個MV好睇，因為演員好睇。演「她」的是譚旻萱，Model，20歲，很年輕，卻不販賣霎眼嬌的Cutie，有著一份襟睇的氣質。演「他」的是Locker，林家熙，「試當真」成員，一位相當好睇的年輕演員。
8.這個MV好睇，自然因為首歌（世上應該沒有首歌好難聽但個MV又好好睇喎的例子吧），也因為負責唱的那位「E先生」。Edan，呂爵安，比其他MIRROR成員遲起步，我對他的最深印象，是《男排女將》的阿神，鍾意做直播，鍾意做主角，卻又注定做不成主角；對他的更深印象，來自《膠戰》，原來他可以好玩得，但玩得來又沒有（某些大台綜藝節目藝員的那朕濃厚）撈味，反而是，好青春——青春嘛，自然玩得啦。而當他化身《E先生 連環不幸事件》的不幸E先生，卻又如此深情，叫人黯然神傷。
9.我不是要說MIRROR（或ERROR）正在打救香港娛樂圈，但MIRROR（和ERROR）的確展示了，香港還是可以培養出屬於本土、風格不同的年輕偶像，而重點在——年輕，因為年輕，容許各種可能，容許Try & Error，容許擁有天真，而不需要靠過盛撈味以表示自己入世已深。撈味，留俾Old Seafood。
10.好記得在朱耀偉編的《香港關鍵詞》裡，周耀輝選了「青春」作為他心目中的香港關鍵詞；是的，擁抱青春很重要，願每天青春直到不能。
（原文刊於am730）
#浪漫月巴睇2000
【 2018年舊文重推／Locker本來唔係叫Locker？】
MeWe版本：http://bit.ly/3aeu5WO
MIRROR成員呂爵安（Edan）的第一首單飛廣東歌《E先生連環不幸事件》周三（27／1）在各大音樂串流平台上架後，獲得不俗迴響，獲得多個點播排名第一，而由Sheng Wong與Maggie Leung聯合執導的MV （https://bit.ly/2KY9KfI） ，亦迅即成為YouTube瀏覽熱門，首播後不足兩天，至今（29／1）下午5時半已累積近25萬點擊率，走勢凌厲，連帶MV裏的劇情和演員亦成為網民和Edan粉絲的討論焦點，fb專頁「我睇咗啲乜嘢」更順勢推出MV「走女版」 （https://bit.ly/39sD1Zg） ，笑到反艇。
MV呼應「連環錯愛，有誰夠我不幸？」這句由填詞人黃偉文刻在旋律上的主題鋪展劇情── 我愛你你愛他他愛我，三個人都愛別人，偏偏沒有兩情相悅，剩下三顆受傷的心，相當慘情。呂爵安暗戀譚旻萱，譚旻萱只對林家熙有感覺，但去到最後天台示愛一幕，眼利的網民留意到，林家熙暗暗喜歡的其實是好兄弟呂爵安，他哭，並非因為遭人兜頭淋水，而是他明白，就算自己有多愛呂爵安，也不會開花結果，角色頗有發揮，很多幕都感受到林家熙的用心。
林家熙，這個名字你未必知道他是誰，但如果講「試當真」裏「Locker周圍都係」的那個男生呢？有印象吧！他是新晉演員，現時跟胡子彤、吳肇軒、朱鑑然等都是「Triple S Artiste Management」的旗下藝人。大概因為ViuTV劇集《地產仔》，與岑珈其飾演「文英武傑」，以及「試當真」的短片 （如槍王之王2021： https://bit.ly/2Yp8Goj ），Locker都會令人覺得他走搞笑路綫，但我知道，他一直都渴望可以獲得更多演正劇的機會。在書架上翻開2018年在《100毛》（第247期）撰寫他的專訪稿，才記起他為何當初想入行，又驚覺，原來他本來不是叫Locker！
＃＃＃＃＃＃＃
林家熙，原本有個洋名叫Matthew，後來參演陳志發執導的《點五步》（2016），在戲中飾演沙燕隊成員之一「Locker豪」，由於呢個名易讀易記，台前幕後叫慣叫熟，所以後來當他決定入行做演員後，便以Locker取代Matthew「行走江湖」。過去一年，先後演出三套劇集，包括港台電視《獅子山下2017 ─ 當獅子山遇上陽明山》、ViuTV《VR驅魔人》以及網劇《蝕日風暴》。
Q：你幾時決定入做演員？係咪拍完《點五步》之後？
L：係，拍完套戲之後，去咗澳洲玩3、4個月，本來諗住返來香港考消防員，其實之前考過一次，Pass咗體能，但筆試肥咗，所以返來香港之後就諗，應該考多次消防員，定入行呢？都未諗定，之後就連續兩三個月幫《點五步》宣傳，上映期間又要出去謝票，覺得謝票嘅感覺好正，企喺度，觀眾會拍手掌，呢個感覺好好，身邊嘅朋友岑珈其就話，你做呢行，OK呀，你都啱呀，咪試下囉，於是就決定入行。
Q：過去一年你拍咗3套劇，有長有短，你自己嘅感覺係點？
L：開初拍第一套，就係《獅子山下2017》，喺〈當獅子山遇上陽明山〉入面就係做子樂嘅學徒，所以我一直都抱住一個學野的心態去拍，咩都唔識就問，好用心去問。《VR》就做返學生，之前拍學生作品都有演過學生。
但喺《蝕日風暴》入面扮警察就難喇，首先我個造型係個蛋撻頭，好小白臉，但佢哋同我講，話呢個角色係重案組，咁話死喇，咁樣邊似重案組，點拉人？我有個Partner叫陳少邦，佢就話，冇㗎，你咪諗你由學堂出嚟囉，勇探囉，你係好硬淨嘅，咁我覺得OK嘅，但開頭拍頭半段嘅時候，成日都諗住呢個感覺，所以開始時，無論我做咩戲，都係用同一種方法講對白，冇咩變化，開始慣咗舒服啲呢，阿邦好好，佢就話，會唔會試下拍其他唔同戲嘅時候，或者你唔係對住Madam嘅時候，咪放鬆啲囉，咁個角色先會多啲變化。
同埋呢個劇好玩嘅係，有得試下開真槍，亦有得試反應彈爆炸，Overall嚟講好快完，雖然開頭話要拍3個月，但係好快就完咗，諗返轉頭，覺得蝕咗啲，原因就係自己做得唔夠好，中間諗得太多嘢，應該一早就入咗個角色度。
Q：你自己都話，拍劇嘅時候，好容易畀人干擾到，拍《蝕日風暴》嘅時候，你有冇一啲好深刻嘅例子？
L：有一次就係，我嘅對白只係得一句，但嗰場戲，就講張智霖、薛凱琪企喺度，佢哋準備宣布啲好緊要嘅事，另一個演員就要好遠咁跑入來，衝入來講一段對白，但佢嘅對白係有啲難讀，佢又要講得好急，於是就NG咗幾次，但我望住佢講，我就會好心急，我個心就一直跳，我又替佢緊張埋一份，我又驚佢到佢講完之後到我講我會瀨野，呢件事就令我知道，我會畀人影響到。
Q：咁你平日有冇睇咩電視劇？平日點樣鑽研演技？
L：電視劇我睇Netflix多，剛睇完《Stranger Things 2》，又睇一套叫《Atypical》，講自閉症，我覺得男主角Keir Gilchrist好勁，首先佢唔係自閉，但佢畀我嘅感覺係，佢每一下小動作，諗嘢時啲皺眉呢，都好真，我望咗好耐，我不斷重覆咁樣睇實佢嘅演出。
至於鑽研演技，我真係冇受過專業演戲訓練，其實初初接觸拍學生作品嘅時候，已經發現演技原來有好多方式去演，我有諗過去上堂，但費用太貴，Afford唔起，惟有睇多啲戲、睇多啲書，我自己唔係好習慣睇書，因為吸收得慢，但都要迫自己睇，每日拍嘢都要帶本書出去，喺屋企都要睇，近來睇咗兩本，《演員的挑戰》、《表演技術與表演教程》，前者講修養，後者係講點樣理解劇本同分析角色。
（30012021）
#游大東 #游大東影視筆記 #呂爵安 #E先生連環不幸事件 #黃偉文 #EDANLUI #MIRROR #廣東歌 #林家熙 #譚旻萱 #試當真 #電視框外 Triple S Artiste Management 林家𤋮 Locker Edan Lui 呂爵安 快樂的 論盡音樂 Stupid Music 做乜膠睇電視 我睇咗啲乜嘢 Music Picks 港女講劇 MIRROR 我歌故我樂 試當真 Trial & Error 認真毛群組
Edan呂爵安新歌 《E先生連環不幸事件》MV Reaction！讓女生尖叫的「三人行」三角關係！｜Talk．分享｜韓星．追星｜Lilliansssssss
Edan呂爵安終於要Solo出道了！Yeah！等到頸都長的出道歌《E先生連環不幸事件》昨日一出就已經上香港YouTube熱門！
由《全民造星》到MIRROR，MIRROR到演員呂爵安，最後終於到歌手Edan呂爵安，希望大家會多多支持！
今次的分享是我自己的個人意見，所以大家不一定要認同的，只是希望可以找一下知音人，謝謝大家收看啊！
睇 @Edan Lui 呂爵安 《E先生連環不幸事件》MV：
https://www.youtube.com/watch?v=7FPL4DRizgk
?? 到Patreon專區支持Lillian：https://bit.ly/30B0m5A
－－－－－－－－－－－－
請大家多多支持，喜歡請訂閱啊！
http://www.facebook.com/lilliansssssss/
http://www.instagram.com/lillianxlillian
Contact: lilliansssssss@gmail.com
－－－－－－－－－－－－
熱門影片：
如何成為韓國練習生？必看懶人包
https://goo.gl/vG2aKt
韓留日記Season2 | EP8 | 勇闖SM Studio 練習室大公開
https://goo.gl/2gc0kS
【Vlog】樂善用＄250在葵涌廣場幫我大改造？ （feat. Lok Sin So）
https://www.youtube.com/watch?v=gLt0u...
和李聖經一起SWAG!
https://youtu.be/DhnDWJ0obB4
韓星一天工作時間表大公開！偶像只可睡2小時？
https://goo.gl/6vqQWZ
【關鍵字】
Edan, Edan Lui, 呂爵安, E先生連環不幸事件, 全民造星, MIRROR, ERROR, 黃偉文, 叱吒樂壇, 叱吒, 叱吒2021, 叱吒2020, 香港樂壇, 廣東歌, 香港偶像, 全民造星, 韓國練習生, 韓國, 練習生, KPOP, 韓星, 韓流, 韓國娛樂, 偶像, 入坑, 推介, Lilliansssssss, 追星, 韓星, 韓流, 韓國必去, 韓國必玩
#Lilliansssssss #E先生連環不幸事件 #MIRROR
