關於 fast gourmet 黃 藍 ，我們在網路上蒐集到這些相關的討論、資訊與評價

中上環美食攻略 半價 人均 $130 下午茶架 優惠！Fast Gourmet AFRERNOON TEA SET 流心牛角包 慢煮焦糖燉蛋 黃藍 享慢煮意 all day breakfast
上環中環美食攻略

半價下午茶優惠,即刻同你介紹~
有四款咸點四款甜品
另包飲品2杯,可選茶或咖啡或果汁
另可加錢選特飲
仲可以追加試埋佢既招牌流心牛角包
(龍蝦湯,抹茶朱古力,海鹽咖啡)

分三層,頂層放了一客煎黑松露珍寶帶子
煎得香口,加上松露醬味道更香
中層係西班牙黑毛豬腩,蟹肉牛油果三文治
慢煮雞沙律卷 咸點就四款,份量剛好
下午茶架限量供應,最好先問定餐廳

甜品四款
招牌真空慢煮焦糖燉蛋
白松露芝士蛋糕,鮮草莓酥餅
焦糖爆谷咖啡
先由白松露芝士蛋糕食起,味最輕
一口份量,淡淡白松露香味,不太甜
再食草莓酥餅,酥條上放滿朱古力醬
最後加上草莓藍莓果粒,味道清新
第三次序品嚐 燉蛋
脆脆既焦糖加上香滑既燉蛋
口感軟滑,加上焦糖微苦既糖蜜,味道豐富
最後食帶微苦既濃郁咖啡焦糖爆谷
有咸有甜有苦,層次豐富,平平地百幾蚊一位
同朋友小聚亦唔錯既選擇

中環善慶街9號地舖
G/F, 9 Shin Hing Street, Central

最近疫情令出外用餐機會大減
同大家分享一下食過咩餐又幾好食介紹比你
聖誕節前後點都要搵食,西餐呢間唔錯
午市餐抵食!!仲可以試埋佢獨家流心牛角包
當係全日早餐類型CAFE都得,仲有靚咖啡飲
LUNCH 餐牌,有四種前菜選,法式龍蝦湯牛角
冬季限定,燒紫薯沙律,烤南瓜薑奶油湯
選了龍蝦湯牛角和加錢配日本蟹膏·流心牛角包

最有趣既地方係,佢外層係完全酥脆
中間落刀切開好似溫泉咁湧出黎
影相打卡,相機食先岩曬
當然佢唔止好睇,味道亦都相當唔錯
牛角包身酥脆,中間部份吸滿鮮味龍蝦湯
如可以加少少蝦肉味道會更佳
金黃色既龍蝦湯,用麵包沾湯食法獨特

冬季限定口味
日本蟹膏·流心牛角包

估佢唔到連蟹膏都可以放入牛角包
創意認真夠曬,呢款就唔係湯黎既
餡料係少少液化狀態既濃郁蟹膏
濃郁鮮味之餘帶點咸香蟹籽,有少許日式風味

慢煮安格斯牛扒低脂高蛋白營養餐
少油,高蛋白健康全日版早餐

牛扒用上慢煮,上菜前再煎香
入口肉味濃郁之餘,牛肉既油香同肉汁仍然保留
牛肉中間呈粉嫩,味道稍稍淡了些,加少少黑椒味道會更豐富同美味
另配上一隻看似近乎無用油煎既蛋
蛋中間仍然係半生熟既,可以同沙律一齊食
伴碟大約一半係沙律菜,一半係煎蛋同牛肉
好岩健身或追求味道但又要有營養既朋友食

香煎西班牙黑毛豬腩配芥末籽燒汁及奶油南瓜蓉

豬腩煎至微微帶焦香,層層分明,一層肥一層肉
個豬皮非常脆口,肉質細緻有彈性,入口甘香肥美
配上特製既芥末籽燒汁味道非常夾
仲有奶油南瓜蓉 食入口慢慢有南瓜既香同自然甜味散出黎,整個配搭係非常好味

海鹽焦糖咖啡流心牛角包
灑上滿滿既咖啡粉,入味微甘少少苦澀
中間係海鹽焦糖流心餡
充滿咖啡香氣,同流心湯味道與別不同
牛角包有一鹹一甜好滿足

白松露雪糕配風乾草莓
灑滿開心果仁碎配上風乾草莓

食入口第一時間先聞到白松露既香氣
慢慢係口腔中溶化,味道更濃更突出
配上草莓令到整體味道更豐富
呢個甜品高貴優雅之餘影相仲好靚



最後結尾飲返2杯餐飲
玫瑰鮮奶咖啡 /有氣蜜桃提子汁
用上鮮奶製作,入口細滑,泡沫夠幼,帶淡淡花香
果汁清爽解膩

中環善慶街9號地舖
G/F, 9 Shin Hing Street, Central
港鐵上環站 A2 出口, 步行約6分鐘
開飯介紹
小店以慢煮為概念，少調味少油，保留食材原汁原味，將食物天然味道呈現。招牌菜包括真空慢煮牛頰肉、西班牙黑毛豬及慢煮三文魚配冬蔭清湯，另外自家製龍蝦湯流心牛角包亦很受歡近。

#享慢煮泰 #LemonGrass By Fast Gourmet
#LemonGrassByFastGourmet #流心牛角包 #西環美食 #堅尼地城
#泰國菜 #HKBLOG #hkblogger #HKFOOD #hkfoodblogger #hkfoodblog #hkig #hkigfood #hkigfoodblogger
https://www.instagram.com/p/CIvK1Aene46/
中環好出名食流心牛角包既餐廳
係西環開左新店,泰式新派菜,餐廳走西餐廳風格,環境舒服,服務一流
好彩係禁堂食之前一晚食得到,咁同大家介紹下
呢度而家有優惠餐牌$228便能享用4道菜
有法式龍蝦湯牛角包或泰式冬陰龍蝦湯
牛角包酥脆,最估唔到切開真係流心爆出黎
牛角酥上有好多椰絲碎,記得同湯拌勻先食
唔係好易直接吸左入侯,好易咳
牛角包酥脆,但打完卡就要盡快食,湯汁多
好快包就會變軟身,口感獨特

有牛角既脆口感,但麵包又吸了湯汁帶點軟綿
泰式湯唔辣,但夠香,龍蝦湯夠鮮味濃郁
如果冬陰湯可以再辣D應該味道更好
可選前菜,燒生蠔,花生醬沙爹雞串
我選了一客沙爹雞串,燒得帶點焦
夠香口,表面夠乾,抹上一點特製花生醬
沙爹味濃色重,打得細碎,夠香氣
唔止配肉好食,應該配埋多士都一流
雞串一客兩支,份量夠,一人一串
鍋炒帕能咖哩雞

混入左大蒜,香茅乾式紅咖哩
每件雞肉都沾滿咖哩醬汁
濃香味重,拌飯食一流,口感濃香帶點微辣
係乾式咖哩既另一種食法
配烤酥餅應該也不錯
泰式燒西班牙黑毛豬頸肉
無骨豬頸肉經過調味,再燒香切片上菜
另外配一客特製既酸辣汁配埋食

份量都相當足,厚切片都有6片
邊位燒得乾身,中間位就無過熟
調味本身比較濃重,就咁食會略為單調
加埋佢個酸辣汁食個味道加分好多!
同樣都配一客香米飯,夠爽身夠乾
甜品有三款
真空慢煮法式焦糖燉蛋
椰子雪糕配風乾鳳梨紫米
泰式奶茶流心牛角包

甜品擺盤好靚,底層紫米,中間雪糕,上層鳳梨乾
椰子味香甜濃郁,加埋煮過既紫米,軟綿有彈性
味道幾突出仲有特色,口感豐富

真空慢煮法式焦糖燉蛋
特別香滑既燉蛋質感,完全唔甜,好有蛋香

Lemon Grass Fast Gourmet享慢煮泰 (西環)
西環堅尼地城卑路乍街150號
加多近山地下A號舖