《世上有種報復叫寬恕 / The Art of Persuasion （說服的藝術）》
雖然我哋嘅YouTube頻道訂閱只有唔夠五萬人，我都唔算多人識，但係我都明白喺某啲人心目中我係一個半公眾人物，唔係話我覺得自己好出名，而係我明白到有啲人，係會覺得我有一定嘅影響力。亦因為咁，有少部分人將我每一個錯誤都放到好大，例如聽到我讀錯咗一個字嘅時候，佢哋會好激動，會好嬲，覺得我誤導左學生，甚至會義正詞嚴、義憤填膺咁喺影片下面留言，同我講：「你讀錯咗呢個字就唔好教人啦！」，又或者「你明明錯咗，仲要死雞撐飯蓋！」，又或者：「你英文就好喇，但係中文好多懶音喎，讀個簡單嘅「我」字都冇讀到個NG音。」（佢哋可能冇聽過咩prescriptivism同descriptivism架）
其實佢哋未必係妒忌我啲乜嘢、或者係惡意咁批評緊，甚至可能係出於好意嘅。
面對呢啲所謂嘅hater，姑勿論佢哋啱定唔啱，講嘢有道理定冇道理吖，我自細就好鍾意嘅一個作家，佢叫Steven Covey，佢係一個self help genre嘅writer，你曾經講過一句咁嘅說話：「You can never win an argument.」（你永遠唔係爭辯裡面獲勝）
意思就係，就算你嘅觀點幾有道理都好，你嘅論證幾咁嚴密都好，有時說服其他人或者證明比其他人睇你係啱嘅方法，並唔係同佢地講道理、論邏輯或者嘗試說服佢哋，而係唔介意佢哋嘅批評，一路繼續做落去，甚至好肉麻咁講，用「愛」淹沒佢哋嘅憎恨。
用愛淹沒恨那個策略唔係我講㗎，係著名嘅企業家Gary Vee講嘅。你可能會覺得好奇怪，但其實你諗深一層，好有道理呀，你諗下惡意或者善意嘅批評姐（我哋好難讀心，有時都好難斷定究竟佢哋係善意定惡意的），如果你去謾罵佢哋，或者反駁佢哋，只會引來佢哋嘅進一步嘅反駁，但係如果你對佢哋展示同理心同關懷，就算佢地未必會即刻變咗buy你，佢哋反而都唔知俾咩反應好。我最鍾意嘅作家愛爾蘭才子Oscar Wilde咁講過一句有智慧又抵死嘅說話：
「Always forgive your enemies; nothing annoys them so much. （寬恕你嘅敵人；冇嘢俾呢樣嘢更加令佢地苦惱。）」
點解？冇嘢俾寬恕更令敵人苦惱？因為佢地都好puzzled，點解人地唔係追斬我，反而出其不意咁用寬容對待我呢？
所以啊，面對hater最好嘅方法，唔係反駁佢哋、唔係說服佢哋、甚至未必係唔理佢哋，而係用愛去淹沒佢哋。
或者你會覺得，嘩，講到好神聖咁喎，邊會做到啊，呢啲人咁衰，唔通真係可以以德報怨咩？
其實可以架，對錯，有時唔係人生之中最重要嘅事，佢覺得你錯咪錯囉；你去反駁佢，根本唔會further到你個objective（which is 將佢拉近你嘅觀點），反而令到佢會更加憎你；相反如果你用同理心諗下，其實呢啲人內心可能好唔開心呢，佢哋需要透過踩低其他人，去令自己開心啲，所謂hurt people hurt people（受過傷害的人傷害他人/施虐者就是被虐者），其實呢啲人都好慘架，如果你能夠咁諗，同埋用愛同你解去對待佢哋，就算你未必佢convert你嗰邊，佢都會因為不知所措而收聲。咁咪唔使再嗌交囉！
利申：唔係永遠做到😅
credit：Gary Vaynerchuk
gary vaynerchuk 中文 在 加里·維納查克 的推薦與評價
加里·維納查克（Gary Vaynerchuk）是一位連續創業家，他在文化、潮流趨勢、互聯網領域中，被公認為全球性領導人物。大多數人稱他為「GaryVee」，他在商業領域被視為 ... ... <看更多>