關於 goobne 餐牌 ，我們在網路上蒐集到這些相關的討論、資訊與評價

蜜糖香滑烤雞 ($205)
.
————————————-———-
🧀 蟹籽沙律醬芝士雞蛋卷 ($128)
🦐 海鮮煎餅 ($118)
🐟 砂鍋魚糕湯 ($150)
🔥 泡菜煎餅 ($108)
🍖 慢煮雞胸肉沙律 ($128)
🍹 藍莓韓式米酒 ($58)
———————————————-
.
食過無數次Goobne真心仲係成日心思思想食，
早排去原來又轉咗新餐牌
我哋兩個食咗上列嘅呢堆嘢當中大部分都係新嘅，
烤雞都出咗新味仲要係唔少人嘅飛佛蜜糖芥末醬😍
.
.
烤雞表面塗滿蜜糖味道香甜，
雞皮嫩滑而肉質亦一如既往緊緻並唔乾韌，
另外附上一碟蜜糖芥末醬沾上烤雞更加濃厚；
我就唔太食得出雞肉本身帶有蜜糖芥末醬味，
不過我個fd食第一啖已經同我講好香蜜糖芥末醬味，
大家試完不妨話返我聽我條脷係咪真係虧虧哋😂
.
.
以前嚟親都例牌嗌份雞蛋卷，
新出嘅蟹籽沙律醬芝士雞蛋卷立即成為咗我新歡，
大大條雞蛋卷中間極多極厚一層芝士，
太鍾意佢所以遲啲另外再為佢獨立出post啦🤪
.
.
雖然魚糕湯性價比真係麻麻，
但嗰日好凍飲返幾碗真係暖笠笠，
略帶辛香而當中會有好多款特別少少嘅魚糕🥣
.
.
泡菜煎餅同海鮮煎餅大同小異，
口感薄脆煙韌而且唔會過份油膩，
同樣有蝦同魷魚不過海鮮煎餅嘅種類會多啲，
但個人比較鍾意泡菜煎餅嗰份香辣惹味🤤
.
.
沙律嘅雞肉雖然無想像中咁嫩滑，
不過有海蜇增加爽脆口感，
而且沙律醬帶酸甜柑橘香頗為清新🥗
藍莓米酒酒精濃度只有0.8%，
質感近似沙冰狀，
以藍莓果汁味道為主不過個人覺得實在太甜🤔
.
.
—————————————————-——-
📍Goobne Chicken (銅鑼灣)
登龍街18號V Point 25樓
[旺角/尖沙咀/中環/荃灣及將軍澳另有分店]
————————————————————
.
.

講到最喜歡嘅烤雞店，點都要數Goobne Chicken，仲有最愛呢度嘅蛋卷。銅鑼灣位於登龍街，呢棟大廈我之前黎過一次打火鍋，位處高層，日頭天氣好、日落、入夜景色真係幾正。餐廳佔地頗廣，位置都多，相對其他分店闊落，坐得舒適✍️

餐牌選擇豐富，有鐵板雞、烤雞、年糕、部隊鍋、魚糕湯、沙律、雞蛋卷、豬肋骨等，飲品。始終食烤雞都係人多除番開抵食啲，加上份量比較大，好似我地今次兩丁友黎，點左兩款已經飽了。本來見有牛奶冰，草莓、紅豆、芒果、朱古力曲奇、綠茶五款口味，$78-$98，都想試，但已經太飽😅

👉蜜糖咖喱烤雞 $185
烤雞有多款口味，例如原味、韓式BBQ醬、甜辣、果味蒜香、黑椒、三重芝士等，$165-$208，部分口味可選擇雙拼。Goobne嘅烤雞強調不經油炸，反而用烤嘅方法令雞保持香脆口感，雞肉嫩滑，而且不含反式脂肪。先不講食烤雞食得健康咁誇張，至少冇炸雞咁油膩，自我感覺良好😎

一份烤雞約有12件，雞皮烤至香脆，薄薄一層，完全唔會有油膩感。雞肉咬一口，依舊嫩滑，外脆內嫩，質素確實不錯。味道方面，雞皮有香甜蜜糖味道，仔細嚼會食到咖喱味，唔會太濃烈，亦都唔會辣，相信係一般人都會喜歡嘅口味。附上一小碟醬汁同蘿蔔，食哂一份都唔會覺得好滯👍

👉芝士炒年糕 $165
芝士炒年糕份量都幾足，裡面有麵、年糕、雞蛋、魚糕片，加入大量芝士，用鐵板上，熱辣辣。年糕條幼身，煮到煙煙韌韌，好美味。魚糕則比較厚啲，幸好粉感都唔重。甜甜辣辣，醬汁唔會太多，芝味濃郁。麵嘅份量唔多，兩個人分享足夠👌

👉藍橙沙冰 $58
價錢唔平，甜度太高。
-
Goobne Chicken
地址：銅鑼灣登龍街18號V Point 25樓

Follow us:
Instagram: http://bit.ly/2g3ZtuS
Facebook: http://bit.ly/2gu1fIG
Blog: http://bit.ly/ywycarol
Contact us: mrmrsfoodhk@gmail.com

銅鑼灣分店既Goobne位於25樓, 因為高樓嘅關係, 呢度個景觀真係一流👍🏻
無敵大視野望住成個銅鑼灣嘅高樓大廈, 如果晚上來呢度食景象同氣氛一定更加正😀😀😀❤️✨

Cheese Toppokki 芝士炒年糕 $165
韓式年糕, 魚腐以及韓式公仔麵以韓式嘅辣椒醬煮過, 雖然食落對我黎講有點辣, 不過食落又惹味又刺激, 辣得好過癮! 令人不得不係咁食落去😂😂😂

Fruity Soy Garlic Chicken 蘋果檸檬蒜香炸雞 $185
呢款炸雞除咗有蒜香之外, 另外配上蘋果&檸檬汁, 食落酸酸甜甜, 十分開胃! 👍🏻👍🏻👍🏻👍🏻👍🏻😍
蒜香味嘅比重唔算十分之多, 所以怕蒜香味嘅人都可以接受到. 炸雞食落香脆可口, 感覺完全唔油膩, 而且雞肉鮮嫩可口, 絕對唔會好鞋! 連雞胸肉都處理得好好! 真心唔錯, 讚! 😁😁😁👏🏻👏🏻

Shark Blood Rita (Non-Alcohol) 鯊魚之淚 $88
鯊魚飲品外型極似海洋, 鯊魚公仔直插喺沙冰杯上, 好似鯊魚擱淺😂😂😂
除咗深藍色之外仲有一啲貌似血漿, 嗰啲應該係櫻桃汁, 飲落湯冰甜甜地, 淡淡的果香味絕對令人飲完再飲!

攝於 2016-10月份
(因較早前去, 餐廳menu有機會有些微更改, 當然以餐廳既餐牌為準😆)

正如吃泰國菜要往九龍城，喝咖啡要跑到西營盤，要吃韓國菜，必定要到尖沙咀。粗略一數，尖沙咀區內起碼有五六十間韓國餐廳，的確令人花多眼亂，精選5間不同風格的韓國餐廳，有新有舊，有本地薑亦有過江龍，未必有OPPA看但一定有最好的韓國美食。

元豐園
地址：尖沙咀寶勒巷22-24號雲龍商業大廈地下
電話：2721 8730
營業時間：11am-4am
詳情： http://bit.ly/2KKpJgA

元豐園，09年才開業，但前身豐園是老字號，所以名氣十足，老闆、廚師班底、菜式等通通不變，連人氣亦一如以往，大量韓國遊客及居港韓國人捧場。老闆是韓國人，母親遠在五十年前已來港，莊園、韓國宮等地中韓國餐廳都是她創辦， 所以無需擔心口味正宗與否。


餐牌選擇多，菜式分量大，提供燒肉、鍋物、海帶湯、辣涼拌魷魚等正宗韓國菜，口味多年不變，鹹香入味，單是頭盤的泡菜陳容已有十多款，甜、鹹、鮮、脆等應有盡有。坦白說服務水準平平，侍應永遠木無表情，人氣十足但又永遠沒有人聽聽電話，想訂位仍然相當困難，但單論味道，元豐園的確值得一來。

新羅寶韓國餐廳
地址：尖沙咀彌敦道 132號美麗華商場 4字樓
電話：2375 2882
營業時間：11:30am-2:30pm， 6pm-10pm
詳情： http://bit.ly/2VO9C2J

另一間服務平平，但味道同樣出眾的老字號韓國餐廳，就是新羅寶韓國餐廳。是居港韓國人聚餐熱點，食物多選擇，餐牌非常巨型，前菜、烤肉、熱鍋、飯麵、甜品俱全。


雖然緊貼潮流，加入炸雞、卡邦尼年糕，不過最耍家始終是傳統菜，煙牛肉片、魚鰻頭、水參沙律都是城中少見的韓國菜。用料精，韓牛、用韓國種子培植但在惠州種植的有機菜。麵條亦是自家打製，調味料如辣椒粉、麵豉，全部韓國進口。味道傳統正宗。刀法仔細，明星菜牛肋骨，去盡細筋，入口軟滑。雞翼細心裁剩單骨，吃來方便。

石牆道韓國餐廳
地址：尖沙咀金巴利道 29-33號永利大廈地下及一層 20及 22號鋪
電話：2311 9878/2311 9879
營業時間：12nn-3pm、 5pm-11pm
詳情： http://bit.ly/2XktVVO

石牆道主打韓國海產，是區內少有標榜韓國海產的食店。因韓籍老闆娘來自全羅南道，韓國人公認此地是海產最強的地區，因全羅南道在韓國南部，沒有重工業，水質優良，海產特別豐富，鮑魚海鰻左口魚魔鬼魚黃花魚八爪魚，全國稱冠，所以這餐廳亦以海鮮稱雄。

餐前免費供應十多款泡菜已特別，是麗水口味，醃蘿蔔、桔梗根、番薯莖、柄海鞘；菜式款式多，由烤肉、鍋物、滷豬腳到泡菜煎餅都有，過百款，細心一看，一半都是海產﹕鮟魚康魚、生蠔、八爪魚、鰻魚、黃花魚，都來自韓國。雖然用大量醬料，大鹹大辣，口味粗獷，但醬料中加入許多蝦仔、魚仔來調味，鹹辣得來又帶鮮，可以吊出海產原有的鮮甜，是韓國人獨有的海鮮滋味。

韓國來的生蠔，以芝麻葉包着，放生蒜片及青辣椒，再蘸點辣椒醋來吃，又酸又辣，卻又滿嘴蠔鮮，非常開胃。八爪魚刺身，輕灼、粗切，蘸芥末醬油，鹹鹹鮮鮮、煙煙韌韌。還有韓國人至愛的黃花魚，以檸檬、辣椒、雪梨蓉醃製兩三小時，再燒香來吃，魚肉嫩滑，魚油豐腴。

Goobne
地址：尖沙咀赫德道4號The Hart 2樓
電話：2311 0001
營業時間：12nn-2am
詳情： http://bit.ly/2GsWRVX

炸雞雖然成風，但這間韓國烤雞過江龍卻是個人心頭好，標榜烤雞不經油炸，不止更健康，味道亦好，即叫即烤，雞皮香噴噴又不油膩，雞肉不會過乾。

廿多款烤雞有原味、甜辣、蜜糖、蒜香水果醬油，還有一款原味烤雞翼，香脆入味。雞翼選用淨重900至950克重的內地冰鮮三黄雞，由屠宰到來貨，不超過三天，確保新鮮。混合七種香料的醃粉醃廿四小時，撲上韓國米粉，195度高温烤烘15分鐘，極速將雞皮烤脆，又能鎖住肉汁。吃下沒有炸雞的油膩，肉質多汁軟嫩。醬汁濃淡恰好，吃完來一杯韓國真露，爽。

有提供沙律、年糕等，但除了分量大，味道坦白說不值一提，來這店，就是要吃烤雞。

李家
地址：尖沙咀金巴利道 84號地下
電話：2375 8080
營業時間：5pm-4am
詳情： http://bit.ly/2VOFST7

一手掀起韓國炸雞在香港熱潮的炸雞店，韓籍店主在首爾當了十多年廚師，開過酒吧式食肆，2011年見香港未有韓國炸雞居酒屋，碰巧外父懂炸雞，於是取來外父的秘方，與太太兩口子開一間，當年火速紅，晚市起碼排一兩小時才能入座，現時人氣已回落不少。

口味傳統，以辣椒碎、辣椒粉、韓國啤酒等醃足廿小時，蘸韓國麵粉做的炸漿，即叫即炸。雞皮超脆，連雞槌雞胸都滑嫩，滿有肉汁，雖然口味款式選擇不多，只有十多款，而且都是常見的原味、香辣等，但基本功做得好，隨便點菜也不會令人失望。

還有鳳爪(辣得要命)、燒雞等，都是分量奇大，起碼要三四人分享一碟。客人多韓國人，愈夜愈熱鬧，幸好全店都是高身椅背卡位，阻隔了不少聲音，私穩度亦高。

編輯：楊志強