「咁辛苦，為左啲咩？」
「為左唔知做咩9莫名其妙嘅責任感⋯⋯」
「咁辛苦，你到底攞到啲咩呢？」
「一場夢嚟架，只係有啲人選擇盡自己的責任，有啲人選擇hea 過就算。到最後，所有事都係一種選擇嚟。」
話說有一次我生蛇，下星期一我要飛上海，但星期五我才發病。星期五剛好是復活節，大部份的診所公眾假期都休息，所以我只好星期五OT到晚上九點再去醫院。
在等待的過程中，我不停收到WhatsApp 要我follow up，亦要我即刻confirm excel 資料有沒有問題。
「你係咪睇緊病？有無事？」
「等緊醫生呀！」
「咁你可唔可以開一開電腦，想同你check d 嘢？」
所以我就在等待室打開那部跟我征戰多年的電腦，做起working 上來。我一隻手按住頭痛到爆炸的頭，一面還要冷靜解答所有的question。
醫生看到我：「好忙呀？連睇醫生都唔可關陣機？」
我：「係咪睇我啦，咁我sleep sleep 部機。」
醫生：「你個鼻樑生蛇喎，盡量休息多啲，我俾一個星期假紙你。」
我：「一個星期？我幾日之後要飛上海，有無咩特快藥可以快啲好。」
醫生：「點特快都要一個星期啦，你住酒店通常都唔乾淨，你處理唔好手尾好長，我唔建議你飛上海，至少等一個星期。」
我：「⋯⋯」
男友來醫院接我：「你除了工作，還是只有工作，你係咪唔洗理自己身體。」
明天，我回到公司，跟我當時的manager 說：「我星期一上唔到上海，醫生話我咁樣上去有啲風險。」
Manager嬲到將張紙飛了出去：「點呀，你唔係到宜家呢一刻先同我講你，你飛唔到嘛？咁成team 人點，佢地全部都唔知點做，又無人lead 佢地？你教我點做啦？」
我：「咁我都係噚日先知。」
Manager看也不看我一眼： 「我唔理你呀，你自己再同client arrange 機票，就算我俾你放一個星期假，你下一個星期都一定要飛上海。同埋，我唔理你點做，你一定要ensure 到條team 做到嘢，做唔到嘢，你自己食晒佢。」
所以我整個星期，除了有部份休息的時間，其他的時間就在做coaching 和planning 的工作，再簡單來說，跟wfh 沒有分別。
逼科的生活，當然沒有我一向寫得如此美好。真正逼科的生活，就只有「工作、工作同工作」，再簡單一點，即使你生病了，該你完成的工作，也是你完成的，沒有其他人有多餘的時間去幫你處理你的工作。
生病，從來不是你未能完成工作的藉口，無人會理會你有多病，別人只理會你交了功課沒有。
每一個人在逼科，公司只當他們是resources，再簡單一點，就不當人看。
這裡就是逼科，沒有人情味，「死不了，就要好好活着，活着做working」。
這才是真真正正逼科的生活，沒有關心，沒有體諒，只要求你在限定的時間，完成不合理的工作量。
真正的逼科生活，其實很辛酸⋯⋯
IG: Fakemanching1607
