HK Express 早輪出事又換 CEO，今日一於借題發揮再同大家講下廉航呢樣野。香港地，提起廉航，幾乎同 HK Express 劃上等號。無他嘅，香港咁多年來都無第二間本地嘅廉航，曾經嘅甘泉航空都執埋，難怪 HK Express 係香港營運左幾年，都仲有好多人唔知咩叫廉航，上到飛機無飛機餐係度嘈，都唔知話唔話佢好。
有去過歐洲跨國旅行嘅朋友應該都知道，歐洲有兩大廉航公司，RyanAir 及 EasyJet，兩間廉航航點覆蓋全歐洲，快過火車得來票價都好有競爭力。除左好似石先生呢啲窮遊學生會搭外，好多歐洲人都會把握呢啲平機票去唔同嘅地方旅行。
反觀香港，係就係可以飛好多航點，但主要都係傳統航空公司，雖然都有 Air Asia、JetStar、香草、JIN AIR 呢啲外國廉航飛來香港，但宣傳及航班時間都係就番當地人為主，香港來回時間都唔多靚，更唔好講啲人啲人唔太知有佢地嘅存在。
早幾年有間 JetStar Hong Kong 想成立，唔知做咩鬼野香港政府又唔批，搞到香港廉航市場到家都發展唔起，做極都係得一間公司，令好多人仲係拿廉航同傳統航空公司來比較，真係好錯。廉航始終係廉航，沒有飛機餐、按行李量收費、航班上座位較窄、機場逼留時間短都係佢嘅特色，將佢同傳統航空公司來比其實好唔適合。
以 HK Express 為例（得一間唔用佢為例用邊間），機隊全數都係 AirBus A320 系列，減低維修機款嘅成本，座位介乎 180 – 230 個，以短途五小時內嘅航點為主，好似香港人好鐘意去嘅日本、韓國、台灣及東南亞都係航點，特別係一啲商務客唔多嘅地方，想係香港直飛就要靠佢了。
無錯！廉航有廉航嘅缺點，服務無咁好，票價浮動厲害，但如同世界上嘅廉航一樣，好多非熱門或載客量不足嘅地方都係靠廉航串連起來。如果無呢啲廉航嘅存在，有啲地方好似花蓮、熊本呢啲地方，以前邊會有得直航呀！
唔鐘意廉航嘅服務係一回事，想佢改進好合理，但如果就咁否定左廉航存在嘅價值就唔係太適合，始終廉航嘅低成本運作可以補足到傳統航空公司係航點上不足。香港如果再多幾間廉航，可以飛多啲東南亞地方更好。
ryanair a320 在 Flying to Mallorca in 2021! ツ | Lauda A320 RYANAIR ... 的推薦與評價
Lauda ( Ryanair ) Trip Report from Vienna to Mallorca onboard one of the Lauda Airbus A320 on a foggy morning in Vienna but sunny in Mallorca. ... <看更多>