做咗Headhunt咁多年，對於所謂離職原因已經睇得好化，無論reason of leaving填咩都好，講到尾始終不離三件事～～～～錢、前景、人事。
有個friend任職某美容品牌嘅前線sales，早排竟然喺「疫」市下轉工。
我：「雖然你搵到工先走啫，不過咁嘅時勢轉工，你都幾勇喎！」
「我都唔想，公司混亂到爆炸！有時Shop Manager講完A，Area Manager又send個msg嚟講B，仲有啲stock同埋更表都好亂，搞到同事之間成日因為呢啲事爭拗。」
我：「但你本身個brand好出名㗎喎，人工又唔差，底薪仲幾高。」
「做得唔開心吖嘛，工作上又多磨擦，冇辦法啦！我間舖兩個妹妹原先攞咗假但係發現重疊，最後其中一個要改日子，日日睇住佢兩個面左左真係煞風景，應付完內憂，又要面對外患，公司啲stock唔update，阿客打上hotline投訴，一陣又話要扣奬金。」
啱嘅，前線員工同埋back office同事嘅工作環境唔同，溝通協調本來已經好講求技巧，如果冇好嘅配套同埋support，真係好容易產生誤會同埋衝突，正如上文所講，一個人選擇離開一間公司，不外乎三件事～～～錢、前景、人事，我朋友明顯係因為內部溝通訊息混亂，繼而衍生出更多人事同埋管理問題。
朋友轉咗工之後，佢間新公司用Microsoft Teams，實不相瞞吖，每次聽到Teams，我都以為主要用嚟Con-call同Video Call，原來呢個只係佢其中一項功能🙈其實Microsoft Teams係一站式平台，方便工作時以不同形式溝通，啱啱仲新推出一個Walkie Talkie 嘅功能可以直接喺Teams度進行即時通訊，唔使再轉轉折折，而除咗集合文件同簡化工作管理程序之外，喺排班編配嗰陣亦都更為暢順。
前線員工通常得智能電話或者tablet跟身，Office嘅同事就主要靠desktop，不過Microsoft Teams完全兼容，可以隨時轉換裝置去瀏覽同埋編輯處理，而且前線工作時要第一身直接面對客戶，好多時會分身不暇，一個裝置就可以同後勤同事溝通，喺接收工作、人手編排資訊、處理日常營運時亦能夠同公司現有系統例如POS結合，所有嘢自然更清晰，同樣地，後勤同事喺幕後管理、發佈資訊，仲有編更工作分配時都會得心應手。
換一換老細視角，由於我幾位辦公室日報嘅同事分別負責唔同崗位，環環緊扣之下如果夾得唔好就會出現混亂，初初我會安裝一大堆Apps幫手，但最麻煩係大家要install幾十樣嘢，而且用法方面又款款唔同，根本冇咁多時間摸索，原意想將工作簡化，最後反而簡單複雜化🤦♂️更現實嘅考慮係呢個Apps收一個費用，嗰個軟件又收一個charge，開支又大又亂，所以我都轉咗用Microsoft Teams喇。
一站式平台整合，咩都唔使煩，仲有晒免費教學逐個部分講解，強烈建議第一線員工同埋倚重Frontline嘅公司使用，快啲click呢條link睇清楚Microsoft Teams所有功能啦👉 http://aka.ms/AAakkqt 而家仲可以免費參加《Microsoft Teams for Firstline Workers》嘅 workshop，入面除咗示範Teams嘅最新功能之外，更加有佢哋合作夥伴推出嘅裝置，同樣可以安排免費試用，等你了解最新科技係點樣支援各類型嘅前線業務，登記只需撳下面「Sign Up」制就得👇👇
坦白講，員工係一間公司最重要資產，前線唔止係銷售命脈，更加係共度難關不可或缺嘅夥伴，如果因為協調、溝通、人事問題而令到一啲好員工離開，點計都係公司嘅損失，有好嘅配套同埋支援先留得住好員工，Keep得住好嘅士氣，咁樣先會有更多生意返㗎嘛！
teams 排班 在 Microsoft StaffHub 讓您輕鬆掌握員工班表，改變您的工作力 的推薦與評價
還在為管理班表而煩惱嗎？Microsoft StaffHub幫助您隨時隨地輕鬆掌握第一線員工的 排班 建立起工作社群跟過時的紙本班表說掰掰吧！ ... <看更多>