《The Girl With All the Gifts》：喪屍的第三條路
中文戲名《創世魔劫》其實同個結局有啲關連，但我都唔係太鍾意呢個譯名，因為帶唔出英文原名入面個真正主題：《The Girl With All the Gifts》。雖然唔係喪屍狂迷，但實在接觸過太多喪屍電影、喪屍遊戲，所以每次睇呢類題材作品，都好擔心入面嘅橋段似曾相識、無乜突破，尤其呢套《The Girl With All the Gifts》更號稱係繼《28日後》最具衝擊性嘅喪屍作品。結果係無令我失望。
通常一般喪屍片套路都係一班人僥倖走甩、然後響過程中顯示人性醜惡、或者藉住強者保護弱者帶出各種戲劇性效果，《The Girl With All the Gifts》唔可以話完全無呢兩種元素，但都放響非常次要部份：因為套戲入面嘅女主角：細路女Melanie先係主題核心。Melanie唔單止被設定為一班帶有疫苗體質嘅小朋友之一，仲要因為佢具有唔被喪屍攻擊嘅「特殊能力」，仲反過來成為成年人保護，甚至成為威脅──一般我睇喪屍片最期待嘅，都係響一個高壓環境下，成員之間點樣歇斯底里最終相互殘殺，但係因為Melanie本身就有潛在喪屍抗體／病毒呢個威脅，反而令佢地團結一致去防範佢，呢個設定都可以話好突破、煥然一新。
《The Girl With All the Gifts》另一個特點係，雖然無《28日後》咁Raw，但全片幾乎完全無值得一提嘅大場面，即使有若干CG特技效果，但講視覺效果，同之前荷里活大製作《World War Z》、韓國喪屍經典《屍殺列車》、甚至Cult Cult地嘅日式Zombie《I am Hero》都及唔上，所以一般怕核突嘅觀眾反而無乜地方需要驚。取而代之嘅驚慄感係靠場景設計、以及對於劇情發展嘅未知而形成：老實講唔係因為大致知道個故仔講乜，一開始成班細路比人困住下響監倉、所有人都唔當佢地人看待、類似《I am Legend》嘅死城設定，其實都好有令人不安嘅感覺。
不過要講到成套戲嘅精華所在，一定係結局部份：慣常喪屍片唔係最後講死剩角色逃出生天或者成功製成疫苗，就係世界末日，但《The Girl With All the Gifts》好努力想行第三條路：其實類似嘅睇法響《I am Legend》嘅小說版都有提到過，就係當人類視喪屍係怪物而避之則吉嘅時候，喪屍何嘗唔係視人類為終結威脅？點解人類治療喪屍覺得係應份，而唔係掉番轉由喪屍將人類進化？
雖然片末一句：「即係你地要生存就要我犧牲？」只係輕輕帶過，但當中包含嘅世代鬥爭、主流對弱勢壓逼嘅理所當然，甚至連我都發覺自己都一樣咁醜惡──當我見倒廢城入面仲有一班細路生存果陣，直覺就會去諗搵當中一個細路去到Melanie嘅替代品咪可以大團圓結局囉？但呢種諗法其實就係跌入咗人類沙文主義嘅陷阱。
最後，原來廢墟倫敦嘅場景，係由無人機響普里彼特拍攝取材而成。而普里彼特，就係切爾諾貝爾事故以後變成死城。末世片果然就要去這種地方拍攝才夠味
world war z 無人機 在 [中文字幕] 新手適合!! 自保一流!? 亦能幫助隊友!? 無人機大師 ... 的推薦與評價
[中文字幕] 新手適合!! 自保一流!? 亦能幫助隊友!? 無人機 大師!! World War Z Switch 末日之戰(職業介紹/教學- 第2集) · Chapters. View all · Chapters ... ... <看更多>