Samsung喺 2021 年 4 月 28日舉行咗發佈會，宣布推出兩款全新 Galaxy Book，分別係Galaxy Book Pro 同 Galaxy Book Pro 360，今日就同大家介紹下！
Galaxy Book Pro 同 Galaxy Book Pro 360 兩款嘅機身都好輕薄，並通過一系列軍規測試，包括防撞、防塵、防水等等。佢哋都採用咗 AMOLED 屏幕，並獲得 DisplayHDR 500 True Black 認證，同時都有低藍光、高色準、同低於 0.2ms 反應時間認證，亦支援多個屏幕模式例如 Movie Mode 同 Photo Editing Mode 等等，可以配合用家進行不同活動。兩款都可以將畫面無線伸延至 Galaxy Tab S7 或 S7+，當兩個屏幕使用。而 Galaxy Book Pro 360 就可以支援埋 S-Pen，佢嘅屏幕亦可以反轉，當平板電腦使用。
Galaxy Book Pro 配備 11 代 intel 處理器，最高可以支援 LTE 同 WiFi 6E 網絡，有 HDMI、Thunderbolt 4、USB Type-C、Type-A、3.5mm 耳機插槽同一個 microSD 卡槽。而 Galaxy Book Pro 360 同樣配備 11 代 intel 處理器，最高可以支援 5G 同 WiFi 6E 網絡，有 USB Type-C、Thunderbolt 4、3.5mm 耳機插槽，同一個 microSD 卡槽。佢哋同樣都有 Intel Evo 平台認證，代表擁有高效、長續航、同亮麗屏幕嘅特性。效能方面亦有 4 個模式，用家進行遊戲、圖像處理、工作、或瀏覽網頁時都可以選擇返相應模式，以達致最佳效能輸出。
兩款都附送 65W 充電器，而呢個充電器可以比手機同其他配件共用，方便用家唔洗帶多個充電器出街。同時，佢哋內置嘅 Easy Bluetooth Connect 功能，可以俾 Galaxy Buds Pro 之類配件做到一鍵配對，減少連接藍牙裝置所需嘅時間。
Galaxy Book Pro 同 Galaxy Book Pro 360 都有提供 13.3 吋同 15.6 吋屏幕款式，分別有 8GB Ram 至 32GB Ram，同高達 1TB 嘅 SSD 內置儲存空間選擇，Galaxy Book Pro 由 HKD$10,280 起，而 Galaxy Book Pro 360 就由 HKD$11,980 起，2021 年 4月30日起香港已經接受預訂。
galaxy tab a價錢 在 samsung galaxy tab a價錢2022-在Facebook/IG/Youtube上的 ... 的推薦與評價
samsung galaxy tab a價錢2022-在Facebook/IG/Youtube上的焦點新聞和熱門話題資訊，找samsung galaxy tab a評價,samsung galaxy tab a價錢,samsung galaxy tab a規格 ... ... <看更多>