[1230隔夜超短劇評]
**歡迎留言討論但唔好劇透**
**留言請明示你係講緊邊套劇**
--------------------------------------------------
[ViuTV][瑪嘉烈與大衛系列 前度 第11集]
[讚] 穩步，但未上揚。由第6集開始終於都集集可以扣緊主題。有觀眾問我睇唔睇好，我覺得可以喎。一係由第6集開始睇，一係就第1至5集飛住嚟睇，或者唔介意可以睇完我個睇後感先決定睇唔睇。
[彈] 又係《花樣年華》出事喎。攝影又唔撚鏡，但又唔知佢做乜。我講緊大輝同瑪嘉烈睇完戲出嚟之後，鏡頭take咗天花板個鏡嘅倒影。代表啲咩其實係好含糊。代表鏡裡面真實嘅大家？咁我會只係反影到大輝。代表鏡裡面係夢幻泡影？我又會只係反到大輝。總之點都諗唔到點解要反影晒兩個人。可能係我過分解讀，佢純粹係覺得鏡頭特別，但我覺得同上一集維珍大衛喺快餐店影住張枱嘅top shot一樣係唔靚嘅。
有冇觀眾領悟到其他嘢？
[演員表]
劉俊謙 飾 大衛 / 袁澧林 飾 瑪嘉烈 / 杜小喬 飾 美玉 / 馬志威 飾 大輝 / 廖碧兒 飾 維珍 / 夏文汐 飾 淑華
--------------------------------------------------
[無綫][超時空男臣 第11集]
[讚] 想睇吓嬌姨點解死都要Ivan收購鳳鳴居。初初以為佢預咗Ivan做唔到想間接整死佢，但又唔似喎。又以為佢想整死晒所有人等佢生嗰個細仔接手天朝，但琴日又話兩個仔都係前妻生喎，到底做乜？會唔會係佢同方天有段情咁呢？
大軍畀大妹誤會之後冒雨揮劍唸詩嗰吓，我又唔可以排除劇裡面嗰個袁崇煥係文武全才，所以識得唸詩。但係首詩係用得啱嘅，抵讚。詳情呢度>>> https://www.facebook.com/…/a.10913097475…/1550263701704336/…
[彈] 本來有個感動位，就係大妹佢喺天台同大軍話自己要睇住鳳鳴居好辛苦，但個鋪排好古怪。乜氣氛都唔培養就要埋門，幾好演技都係冇用啦。同埋我終始終都諗唔明，小冬信服大小姐就話有知遇之恩，畀佢喺鳯鳴居做大廚一展所長（其實係明買明賣）。大軍同一波點解都咁聽大小姐話，仲要死而後矣咁款？
一波扮發哥嗰度好難笑呀，可唔可以有啲鋪排先呀？另外，二弟三弟鼓勵大哥行出個呼拉圈都膠味十足。
[演員表]
蕭正楠 飾 袁崇煥、大軍 / 曹永廉 飾 左光斗、一波 / 何廣沛 飾 李進忠、小冬 / 王君馨 飾 太子妃、Sandy/ 田蕊妮 飾 方惠芝 / 朱晨麗 飾 方惠玲 / 韋家雄 飾 溫偉泰 / 姜大偉 飾 方天 / 簡慕華 飾 余綺虹 / 蓋世寶 飾 方玉芬 / 姚嘉莉 飾 嬌姨 / 吳業坤 飾 Ivan
--------------------------------------------------
#1230隔夜超短劇評 #無綫 #TVB #超時空男臣 #蕭正楠 #曹永廉 #何廣沛 #王君馨 #田蕊妮 #韋家雄 #簡慕華 #蓋世寶 #姜大偉 #朱晨麗 #吳業坤 #冼灝英 #ViuTV #瑪嘉烈與大衛系列前度 #劉俊謙 #袁澧林 #馬志威 #杜小喬 #廖碧兒 #趙學而 #黃秋生 #夏文汐 #許志安 #姚嘉莉
袁劍偉前妻 在 林嘉欣與袁劍偉再次夫妻檔合作- 20200615 - YouTube 的推薦與評價
結婚10年的林嘉欣給他的導演丈夫 袁劍偉 近日再次於幕前合作，近日更一起出席電影的謝票活動。問及兩夫妻如何可以公私分明，丈夫 袁劍偉 都表示甚有難度， ... ... <看更多>