我真係好鍾意揸車，大家睇開嘅都知，我早早考咗香港唔少車牌，最終唔夠時間學埋拖頭就要走，當中有遺憾無可惜，因為香港揸車嘅環境實在太惡劣。
必須講身為一個的士佬，我揸車態度喺不知不覺間變到好衰，逢打燈都只有人督油，於是愈來愈少打燈，夠膽你咪撞埋嚟囉，車尾快入就唔會輸。搭親車都話趕時間，口裏話唔識乘客理得佢死，始終都係會心急的。而反智嘅香港規劃，就係大部分人都係同一時間流向同一地點返工，同一時間有一大堆車流出嚟，吐露港同屯公老母，俾人屌咁多年，條路依然愈來愈窄，羨慕死唔少女人。
好多人以為香港塞車問題係道路規劃問題，實際上係人流問題。香港明明好大，但係按功能分區，商業去中上環太古icc，觀塘荃灣文職嘢，返學人人揸部車出嚟跨區，起幾多繞道幹線都只會繼續塞，順手塞滿埋大陸工程公司嘅口袋。喺新界返工嘅朋友都知道，逆流返工係幾咁幸福嘅一件事。
去到星期六日，隨時塞過平日，不必要嘅慢車，造就更塞車嘅假期。而且都係人流湧向大商場，排隊入場又係塞死全世界，一家大細飲完茶，爸爸都未泊到車。
喺香港點解要揸夜更，因為只有凌晨先有駕駛樂趣。直到嚟到英國，總算重拾揸車嘅熱情。唔焦急嘅生活節奏，駕駛心情平和咗極多，人人禮讓。做行人過斑馬綫習慣性停低，俾的士佬屌我what 柒 you doing，先醒覺斑馬綫唔再係死亡陷阱，而係行人優先。
天氣清涼，車嘅引擎都爽啲，加上唔會因為改裝就被捕，唔會因為改到部車安全啲就被勾車，揸車唔使做賊，想揸快可以去賽車場，各項因素造就舒適嘅駕駛環境（倫敦例外x3）。
將來會唔會考呢邊嘅的士、貨車牌？遲啲再算，如果可以，會想從事返廣東話相關職業先，保留我哋嘅文化最重要，或者發展下在英港人子女中文教育，有的事發展空間，唔會一有生意就加租，同揸車一樣，車速慢咗，節省更多時間，輕鬆同自由，大概就係咁樣用。
造口袋公司 在 WBHL World Business Healthcare Limited 威業醫療用品有限 ... 的推薦與評價
本公司榮獲英國Welland Medical Ltd 委任為香港及澳門獨家代理，將全線造口護理用品，專誠由英國帶進本港及澳門，讓造口人士得到更佳的護理，包括: 造口袋丶WBF無痛護膚 ... ... <看更多>