「不快樂怪誰，失散後隨便活過去。」人生不如意
是十常八九，呢句成日都聽到，其實感情失意，
賭埸得意，都只係一個過程黎咖姐。就好似陳詠謙
三部曲咁，佢想話比我地聽講真，有幾多對能持續
到幾多歲？步伐容易出現分歧，其實好正常。
既然唔夾，咪各自投入新既開始囉，但點知當自己
發現最愛果個其實無變過，那怕最後唯有習慣無左
對方既存在，你話幾可悲。不如學我咁，享受下做
單身狗既樂趣，或者呢種彿系戀愛既心態唔會令
自己咁多煩惱呢！今晚黎到「丸十あぶり牧場」
盡情彿系減肥，將所有煩惱發洩係哂d野食到，
肥左鄭則士都一樣咁開心！👇
-
📌焼き物 -
▪ 地鶏の鉄板焼き - $88
▫ 其實地雞係日本南部非常出名，而呢到既
「鐵板燒日本南部地雞」就巧妙咁用左熱辣辣既
鐵板將肥美既燒雞發揮出黎。以高溫將肉汁鎖汁，
裡面食落啖啖Juicy，而同時雞皮燒得均勻香脆，
份名惹味，食得過！
-
📌丼 -
▪ 日の出の富士丼 - $188
▫ 日出照舊，天空這樣藍…特別醒晨既富士丼，
其實佢係「半熟玉子醬烤西冷丼」。賣相真係好似
一座富士山，然後太陽係西方升起，有種Sunrise既
感覺，好有feel。而表面圍住飯粒既西冷牛肉經過
慢烤，配上餐廳自家製白汁、黃芥末醬，食落肉質
嫩滑，味道濃郁；再加埋半熟蛋做點綴，成件事既
配搭變得好工整，完全無違和感，值得一試！
-
📌日本和牛盛り合わせ - $438
▪ 和牛サーロイン -
▪ 和牛リブロース
▪ 和牛トモサンカク -
▫ 不得不推介佢地招牌特色之一「日本和牛拼盤」，
分別三個部位都有三塊，每塊和牛部位都夠哂份量。
而和牛西冷油脂最多，平均每邊燒15-20秒已經聞到
好濃郁既油脂香味，入口牛味亦都係最濃郁；
而和牛肉眼燒到三成熟入口就最岩，肉質肥嫩，
入口即溶，係最肥嫩軟腍既部位；
而和牛三角位就比較少見。油花均勻，紋理清晰，
肉質最爽口，幾有驚喜。以呢個價錢食到咁高質既
和牛質素，性價比相當高！
-
📌新しい味 -
▪ 韓式醬燒牛肋條 - $98(一條)
▫ 一整條牛肋條色澤紅潤光亮，一睇就知非常新鮮，
大概每邊燒10-15秒左右，好彩有Staff指點一下，
我地掌握既時間同火候先做到岩岩好。
食落肉質腍滑，肉味濃郁但不失油份既香味，
口感同味道兩者都唔錯，呢個抵食！
-
▪ 韓式骨付牛小排 - $298(半份)
▫ 分別試左兩款新推出既韓式口味，而呢半份既
骨付牛小排以橢圓形擺盤呈上，攤開之後見到肉質
相當厚身，而脂肪好似雪花咁靚，色澤帶鮮紅透白。
燒既時間以每邊半分鐘為準，經燒烤過後食落完全
無渣，入口油香滿溢，而且油膩感唔重，值得一試。
-
📌飲み物 -
▪ 抹茶拿鐵冰 - $58
▫ 以玩味特色既賣相吸引左我，用微溫既牛奶
倒入用抹茶做既冰粒，兩者相撞形成一凍一熱既
冰火效應。入口奶味相當突出，而且質感好順滑，
唔會太甜，仲飲到淡淡既抹茶清香，呢個必定要試！
-
📌サワー -
▪ 海鹽檸檬沙瓦 - $78
▫ 第一次試過「沙瓦」真係返唔到轉頭，用上海鹽
同檸檬做配搭。飲落原來酸酸甜甜，帶少少酒精
特別有feel，無論用黎配燒肉定串燒一樣咁正。
-
📍 丸十あぶり牧場 - Maruju Aburi Farm
🎈旺角太子道西192號旺角新世紀廣場3樓342D舖
サーロイン リブロース 在 豆知識 牛肉 部位 ロース リブロース サーロイン ステーキ 料理 ... 的推薦與評價
西日本畜産株式会社tel 0972-23-8080牛、豚、鶏、各種世界の食肉取り扱い！お気軽にお問い合わせを！ ... <看更多>