A-Level放榜，醫科爆到要送錢
今日係英國A-Level放榜嘅大日子，亦係第二年因為疫情無公開試嘅情況下，學生（無試考自然唔係考生）靠校內成績同老師評議推薦分數，由英國考評部門抽樣審查嘅「公開試」成績。因為唔係一試定生死，更無明或暗嘅拉curve，成績當然比以往嘅公開試成績好（44%攞到A*或者A最高分），比上年（38.5%）還要高。
成績暴脹除咗繼續有公立私校唔公平嘅爭議之外，帶黎另一個更實際嘅問題，就係太多學生達到大學醫科嘅offer，搞到政府要加多啲津貼比啲大學。不過，因為設施有限，呢啲嘢唔係錢可以搞掂，而且數目實在太誇張。全國嘅大學總共出咗28,690個醫科offer，經過審查確認之後至少有兩萬一個合乎資格，但係全國嘅醫科學額就只係得9,000個，仲要個個學生攞住幾個offers都側重出名嗰啲大學。政府就算特別加大津貼，啲大學話極其量都只可以加多幾百個位，點搞？錢！
今日政府同啲大學就考慮用£10,000利誘啲學生轉去其它無咁心儀嘅大學讀醫，或者讀其他科目。
見到呢啲新聞，令我聯想到六合彩，個個都想中頭獎，當真係個個都中嘅時候，派彩就只係得幾百幾千咁。
Patreon原文：
A-Level放榜成績暴脹
https://bit.ly/3xAtHvu
#一中就咁多人中
#點解英國無人叫狀元
***************************************
📢乞食廣告：文字、時間與心血有價
🥣每日更新乞兒兜：
https://www.patreon.com/goodbyehkhellouk
***************************************
一中就咁多人中 在 被迫打針關注組| 出手了講病毒咋| Facebook 的推薦與評價
原來食苗唔係用來保護身體免受感染,所以近月來咁多人中招,重係食得多中得快. ... 關同一幢大廈其他住客事，佢哋可能因工作需要而日日做test，一中就即刻上報。 ... <看更多>