低技術閒話：關於鴉片戰爭嘅問題
有位老師講鴉片戰爭源起係英國想禁煙，結果引來紅色機構嘅狙擊。紅色機構講的史觀同講法，同我小學讀嘅嗰一種係不謀而合，呢種切入角度，應該係根深蒂固左香港幾代人
近年書體多咗，有位鬼佬歷史學家，史景遷嘅徒弟Stephen Platt跳出左中國中心史觀，用貿易角度去寫呢件事，都算係大開眼界，書名叫《Imperial Twilight》。當時東印度公司係想中國開放貿易，中國的而且確有班人係想禁煙，英國亦都有班人想禁煙，但係兩邊禁煙的理由未必是一樣。兄弟可以爬同一座山，但各自有自己嘅利益盤算
根據Platt嘅講法，東印度公司唔係控制晒鴉片成條供應鍊，一部份其實係中國自己控制左，咁就衍生左一啲經濟問題。
後來有一啲史學家亦都話，當時係有考慮過鴉片合法化，同埋中國本土自己種鴉片，背後就係唔想一啲經濟利益流出左比東印度公司，自己的錢自己賺。咁亦都係撈埋另一個典型角度，就係白銀流出問題。直接禁止鴉片，只係令到清朝嘅官同埋私營鴉片商人勾結，製造貪污同既得利益
美國曾經禁過酒，當時嘅教徒同埋私型酒商是站在同一陣線，這個假說叫baptist and bootleggers，如果將呢一個經濟學假說放喺鴉片戰爭禁煙嘅維度去睇，你不能排除中國本地嘅鴉片相利益同東印度公司嘅利益未必係一致
嗰個老師嘅講法未必係錯，不過我都幾肯定嗰個老師佢講呢句說話嘅時候係冇諗到咁複雜、咁有層次嘅推論，因為佢嘅對象只不過係一班學生哥
如果你唔鍾意列強入侵中國呢一種中心化嘅史觀，另一種比較主流多人用就係白銀問題，用白銀或者開放貿易呢一個角度入手容易建構更完整嘅論述。如果直接話英國人想禁煙，除非你背後又係有一個極度堅實嘅推論，否則直覺上的而且確比較難以接受。當然，紅色機構咁樣批鬥一個老師，又係另一個問題
我都唔敢托大，我自己是讀經濟學出身，我的歷史根底並不是很好。本來我對呢本書都冇乜興趣，只不過有一次林作同我講話大家鍾意睇書不如互相交換書，而佢就將呢一本書送咗比我。佢呢個人陰陽怪氣，無啦啦做保險更加令人感到莫名其妙，但係呢一本書係有水平，我對佢個人嘅修為內在加咗分
後來我覺得呢一位歷史作家嘅史觀完全顛覆左我細個嘅史觀認知，然後我就將佢推介左比一位建制派議員，除咗呢本書之外，我仲推介埋劉仲敬，完全係陰鳩佢
———
《金融經濟精神食糧》逢一、三、四出刊登專業財金分析文章，另設特別環節：每週解答觀眾問題、100萬模擬倉投資部署。
滴水穿石 改變始於一念之間：
https://prime.fortuneinsight.com/web/muddydirtywater
中國中心史觀 在 好青年荼毒室- 哲學部- 【最新一集podcast】 歷史不止一種 ... 的推薦與評價
一﹚| 研究中國近代史可以有不同史觀？ ... 史的不同史觀和史學風潮，去說明美國史學界怎樣由西方中心觀，轉到去中國中心觀，最後以人類中心觀作結。 ... <看更多>