關於 乞食科搵工 ，我們在網路上蒐集到這些相關的討論、資訊與評價

唔知大家有無遇過呢啲客人鐘意噴成幾公升香水出街，一入門口都已經令人聞風喪膽。最重要係佢隻香水嘅花香味超級濃味，成間餐廳都充滿住佢陣除🌸🌸！如果唔鐘意呢啲咁濃烈嘅香水味，真係會即刻無哂食慾💀。就算你自問係一個對乞客從來面不改容嘅專業假笑人都好，如果你有哮喘的話，都好難保持專業水準去Serve呢啲一公升香水人💃。

查實喺餐廳除咗香水人之外，仲有好多導致哮喘發作嘅致敏源。例如：Sideboard/裝飾品啲塵、客人帶嚟嘅花嘅花粉、阿姐拎嚟拖地用嘅濃味嘅清潔劑、後巷圍爐煲煙嘅煙等等。除咗以上原因外，壓力同擔憂都可能係哮喘誘發物！所以經常喺高壓同多致敏源環境下工作嘅侍應朋友仔就要更加留神，如果病情唔受控，就會因為周圍嘅致敏源搞到不停咳甚至透唔到氣⚡！

「車～哮喘都係咳兩聲啫，病發吸藥咪得囉，我要返工架！」雖然冇嘢阻到香港人返工，但係接觸到香水人或者999朵玫瑰而搞到病發，就好難保持專業。好多人都輕視左哮喘嘅嚴重性，平時病發先用嘅個隻只係「救命噴霧」，一個星期用多過兩次就真係要搵呼吸科醫生睇睇！始終成日驚自己會突然病發，藥不離身都唔係辦法！！其實宜家有隻簡單方便嘅長效吸入式藥物，佢嘅吸入次數由一般要一日吸幾次到最少一日一次就可以控制病情同減少哮喘發作風險。

講咁多，最緊要都係保持樂觀積極嘅態度去面對哮喘，唔好再比佢阻住你返工啦！

#GSK

此文章由葛蘭素史克安排。請向醫護人員查詢有關詳情。
NP-HK-ASU-ADVR-210004 (06/2022)
Date of preparation: 02/07/2021

長文，小心聲，大意思。

#首先好感恩認識一位朋友❤️❤️❤️
6年前生完大福，我的精神層面上狀態好差(當時好多讀者從我的字裡行間feel到我可能有產後抑鬱，成日inbox關心同開解我，諗返都好感動😭😭)，每晚好攰但卻失眠無法入睡... 呢位媽媽朋友希望我可以放鬆啲，只有佢唔係送嬰兒用品，而係買咗套YL入門套裝比我🥺，教我用當中兩支常用油🌲Stress away同💕Lavender(薰衣草)幫我放鬆同紓緩，唔洗晚晚亂諗嘢，可以安然入睡好緊要，令我慢慢pick up返心情💗🌱😌 #原來快樂從接受人幫助開始🙏🏻❤️

#精油好用都唔敢講 🥲
我明明鍾意分享大小事，但怕大家誤會我做直銷拉客，反而唔敢講，一直鬼鼠用😅 (只有當年貪新鮮寫過一兩次blog，就無再提lu) 每逢有朋友問我乜油好用，甚至問我點入會買產品，我都寧願請佢搵其他人Referral，講到底都係因為YOUNG LIVING #直銷公司 呢個名..🙄(諗落真的有點儍😝)

#6年嘅感受同見證
我天生就鼻敏感，每逢轉天氣，朝早起身就會打乞嗤流鼻水唔停。而大福都好似都遺傳咗...🥲今年佢仲特別嚴重，個鼻長期塞塞👃💦，有睇醫生&開咗噴鼻劑，但都係治標不治本，而且醫生亦講明噴鼻劑不能長期用！好慘～真係好無奈，束手無策🤷🏻‍♀️😮‍💨

但感謝做左人阿媽之後，遇到有關健康、自然療法&養身之道的事都會悄悄地學習🙏想自己同大福呼吸暢順，不如比佢都跟我試下「RC」(YL最出名嘅複方精油之一，亦係入門套裝已經有)，呼吸暢通當然瞓得好咗，亦唔洗再用佢最驚嘅噴噴鼻！(佢仲竟然話啲精油好香，好鍾意😹❤️)

至於有細福時為咗身體好啲(畢竟都係 #高齡產婦😫)，由準備懷孕開始每日一包寧夏紅杞子汁(兩個月就中獎😝🙌🏻)，連我嘅婦產科醫生，次次都話我點解面色咁好&動作咁靈活，一啲都唔似大肚婆😂😂😂(係呀，生細福時我接近38歲喇😝，仲因為每次產檢啲數據都太靚仔，高齡都唔需要飲聽聞好恐怖嘅糖水👏🏻👏🏻)雖然細福個樣似大叔😎但可能陀B時底子打得好，出世唔單止大隻過哥哥，仲因為胃仔好(當年亞哥真係嘔奶嘔到我懷疑人生)，食得又瞓得，未滿月已經自己戒咗夜奶，亦托賴無乜病痛！👍🏻👍🏻

屋企上下都用咗幾年精油😉 #唔敢想像無咗D油的生活，亦感恩當中幾支油，呢兩年陪我渡過多少個情緒低落的難眠夜。😔🙏

#衝破心理關口
亦因為呢6年，見證到只要係正規合法，又係有質量嘅產品，加上好嘅介紹人/團隊，直銷公司其實唔係洪水猛獸。(無奈世上有太多唔好嘅直銷團隊/公司😤仲有～係產品唔好先需要迫人買貨㗎！加上冇操守&規矩嘅人為咗散貨同佣金，疑似層壓式咁逼更多新人入會同入貨....) 有用YL嘅朋友就會知 #YL係唔會逼人買嘢！因為係直銷，反而更加需要靠口碑，要做到產品有用、幫到手，先可以令會員一個傳一個，買完又買(唔好用，把鬼咩😂)。我自己都曾經有接近一年，因經荷包收緊完全唔買，都唔會有問題(冇人落閘放狗😂😂😂)

我知無論幾好嘅公司、幾好嘅產品，一定會有人為咗銷售額/佣金，講到天上有地下無(就好似你去護膚品專櫃一樣😂) ，我絕對唔會當佢係神藥！(呢一點好重要‼️)，亦唔會神醫上身自己診症(喂大佬呀，有病睇醫生啦)，我嘅 #理念 係俾自己 #多一個選擇 兼 #多一個解決方法，一家大小 #可以身體健康咗從而減少食西藥，家居生活上亦可 #減少使用化學用品。

#經過六年考察和見證，我決定正當又大方的邀請有緣人同行和幫助。我都希望好似當日送我精油的朋友一樣，可以幫到其他人🥰🙏🏻。 亦希望呢個改變，可以幫轉咗做全職媽媽嘅我，識多啲朋友，#擴大返自己嘅生活圈子❤️❤️ #把分享成為祝福❤️❤️

我離開職場至今快接近4年，大家都知我有賣手工飾物，坦白講可以幫補家計，但不足以維持生計，而且每次埋頭苦幹，變得更少與人接觸😫點解唔試發展YOUNG LIVING，將好嘢同大家分享又驚乜呢？係呀，做介紹人係有回贈㗎(戴定頭盔先☺️) ，就好似有啲興趣班/ 補習社，介紹其他人報名有學費回贈咁，不過我真係真心覺得好用先會介紹！
亦唔想招完人哋入會，賺咗回贈就拍拍屁股走(因為買咗都要識用先得㗎嘛～)

#初心不變
起得以前返工見到某個客成日”Cam Cam”聲，但都唔敢介紹佢用油... 就係驚人誤會Hardsell... 明明好想幫佢但最後都係鬼鬼鼠鼠自私用... 所以喺時候放開心扉🤗我會繼續做手工飾物，繼續畫 #媽媽的漫畫日常，繼續分享大小福嘅生活點滴，仲有盡我能力繼續唧牙膏咁唧啲Youtube video出嚟😆😆.... 只係再多一樣，將之前收收埋埋嘅YOUNG LIVING都攞埋出嚟分享❤️

#盼得到大家支持和鼓勵🙏🏻
如果大家有興趣知多啲，或一直想試用精油 / 飲寧夏紅 / 依家好Hit嘅膠原蛋白亮膚飲… 未入會又唔介意我會有少少回贈，可以搵我🙌🏻
有問題我會盡量解答，我亦會送《精油使用手冊》比我嘅會員，方便新手嘅大家(仲精油口罩扣、精油貼紙、精油木架😚)。

P.S. 搵返當年寫嘅Blog🤣有詳細介紹成set入門套裝(同入會方法🤗)
https://yancomic.com/2015/12/15/%E3%80%90%E9%96%8B%E5%BF%83%E5%A4%A7%E7%99%BC%E7%8F%BE-%E2%99%A5-young-living%E3%80%91/
大家有興趣可睇咗先～
希望大家成為一齊分享好嘢嘅大家庭🙏🏻就算唔一定係YL，只要有啱用嘅資源，就會同大家分享🥰(就算已經入咗會，用家們都可以留言say hi，交流一下心得🤗👋🏻)

#點解我永遠tag唔到余家強

兩年前，余家強寫梁芷珊。

蘋果日報，蘋人誌，出版在A叠，
洋洋3000字。

事件會過時、情懷會改變，
今日的我即使洨打倒昨日的我，
我也踏上了向前的軌跡。
遠去的一切只會更加遙遠。

人物專訪， 3000字，你有沒有心機看完？
但反正而寫家強就很有心機寫，
把那2019年4月屬於我的情感，
深刻而有力地記錄下來。

我不知道自己有多難寫。
我也曾經連續兩年撰寫Cosmopolitan
封面人物訪問，每月交稿4000字，
我覺得每一位被訪者都很難寫 -
佢好多嘢講難寫，佢無嘢講更加難寫。

我的人訪水平遠不及余兄，
我只知道，做好每一件事，
持續交出高水平，
除了是天份，更重要在堅持。

衷心仰慕每一位在堅持的人。

2019年4月9日
6種身份 2種男人 - 梁芷珊

撰文：余家強
攝影：羅錦波

▶️▶️ https://hk.appledaily.com/local/20190409/RD4FW37EAIKWLYABMJZWU57MY4/

梁芷珊人生上落之大，估佢唔到。

1989年《他來自江湖》初登螢幕，劇中周星馳對她驚為天人，觀眾也驚為天人，卻零演技，於是套用她說法「好快收皮」，我們定義此為花瓶。

但轉眼見梁芷珊識填詞，出道作鄭秀文《不來的季節》，還寫得一手好文章，四百首歌四十本書，我們定義此為才女，雖然才女不應該是花瓶。

但轉眼見梁芷珊下嫁羅傑承，羅傑承啊，一臉不解溫柔商場狠角色，橫看豎看非文青，有理由相信她愛慕虛榮，我們定義此為闊太，雖然闊太不應該是才女不應該是花瓶。

十多年過去，再大的風浪再大的官司熬過了，女兒學業有成了，但轉眼見梁芷珊離婚，套用她說法「朋友都話要離唔係依家離啦」，愛慕虛榮不會捨得銅鑼灣搬黃竹坑，於是我們定義此為棄婦，雖然棄婦不應該是闊太不應該是才女不應該是花瓶。

但轉眼見梁芷珊與法籍廚神Olivier Elzer拍拖，還五十歲重新創業，於是，只得定義她為傳奇，唯有傳奇可以兼容咁多身份。

──自覺上落太大嗎？

梁芷珊說：「我的人生只有上，因為勝在起點低。」起點之低，要由醜小鴨開始。一二三四五六不多不少，這是六種身份的女人和關於她兩種男人的故事。


醜小鴨變花瓶

醜小鴨，梁芷珊並非隨口謙虛，而是經常提起，這天甚至說：「我問羅生（羅傑承）點解追我，他笑道：『因為想搵人夾band。』他見過我小時候學生相，瘦瘦黑黑戴副眼鏡厚疊疊，雙目無神，成個陳友咁。」抬埋前夫作證，拿她沒法。

天生左撇子，學寫字反轉晒。「當年沒『學習障礙』觀念，阿媽逼我右手用筷子，小學老師以為我懶我蠢。一個唔靚唔叻唔勤力的女仔有什麼希望？爸爸是公務員，但只分配到華富邨公屋，有一個名額送子女去英國讀書。我偷聽父母傾偈：『阿女讀書咁差，不如留番機會俾個仔啦。』即係我弟弟。我知道無份，於是拼命考入庇理羅士，得十六個位我都敢報。

「我靠作文拉高分，貪作文唔使背書，投稿《讀者文摘》仲有錢收。中學老師見我手長腳長，用我做班長，依然叫唔出我個名。於是行搞笑路線，二次創作歌詞，笑吓老師自嘲吓，上晝推出，下晝已經全校識唱，我不會隱名，因為我希望人家記得我。

「我想挪走厚眼鏡，所以我任職補習，反正沒皇仁仔來等我放學。第一份收拿去配con。」

之後女大十八變，OL般考入Poly商科，又偷聽父母傾偈：「阿女自己搞得掂，都係送阿仔去英國啦。」已經不重要，梁芷珊陪朋友報名港姐……再一次，並非隨口說說，那朋友有名有姓，就是當選亞軍的朱潔儀（庇理羅士同學），而梁芷珊兼職模特兒拍了該屆宣傳片。「因為我唔夠薑。」

無論如何，成名了，《他來自江湖》，「監製叫我負責飾演靚女。」故事至此本應圓滿落幕，但靚女零演技；零演技靚女本應也無問題，按梁芷珊說法，她自己收自己皮。

「頻頻NG，秋生和星仔待我很好，助導過來幫我整咪時低聲說：『醒目當幫忙，收工嘞。』係喎，阻住地球轉，自己都會行慢咗。唔阻住，也是一種推進，反正我對咁多事情好奇，無理由擺心力在欠缺相對優勢的地方，我須要進步。」


才女變闊太

華麗轉身，很快被發現寫作優勢。「人家說我際遇好，其實什麼人就會遇到什麼人，我鍾意文字，自然總遇到個鍾意文字的男友（指廣告才子練海棠）。那夜他車我返家，說明天要推辭填不來了，我自告奮勇給我一晚時間試試，於是有了梁漢文的《想着你等着你》。我中學玩填詞為了人記得我，結果第一首作品還是落了練海棠名字。」

之後著作等身，故事至此又可圓滿落幕，但梁芷珊再一次令人估佢唔到。

嫁羅傑承，做馬主搞足球隊，與才女相距太遠，她說：「話我愛慕虛榮，表面證供成立。」愛慕的是另一種虛榮。

「我喜歡比我強的男人，愈成功的男人愈堅強，因為一定克服過許多挫折才成功。羅生大情大性，會發洩出來，轉頭又梳理得好好，對運動員對球隊很照顧，攬晒上身。這樣的男人好吸引，適當時間遇上適當的人，怎不嫁？

「另一種是文藝型，交得出作品是用理性管理感性，專注的人永遠英俊。」

後者她自己做了，不算，欲知梁芷珊喜歡的第二種男人，請讀下去。

──停了創作不可惜嗎？

「我的愛情小說涉及上流社會，同羅生一齊，他不想我寫，費事以為我影射他的朋友。

「我把寫作放在業務上，為南華攞到Giorgio Armani贊助，七頁proposal不能長，幾考文字功夫。我安慰自己，若非親自執筆，未必成功呢。

「足球界怕申請怕寫文章，就由我用女性角度去幫去籌劃吧。」

從無諗過嫁咗唔使做，梁芷珊的確不只闊太，她落手落腳，甚至現時離了婚，辭去了飛馬足主和足總董事之位，她新開的Maxi House繼續做足球marketing。

「我離開boardroom，與足總仍是朋友，只不過覺得架車行得慢，我落車推會快啲啫。我天生無體育細胞，完全不懂踢波，現在更加無話專撐哪一隊，我撐的是運動員精神，想個行業有生機，survive下去。」


不是棄婦

羅傑承也撐足球。唔夾嗎？

「不是不夾，係夾完啫。」

這句有良心。最怕聽見多年夫妻一朝歸咎於性格不合，完全推翻以往，怎可能？梁芷珊卻冷靜分析。

「朋友都話：『五十歲，分咩開吖，霸住個位嘛。』我話，霸嚟做乜呢？我有自己的事想做。

「羅生最大難關（澳門官司），我身體力行幫過了。女兒，一口氣把她教養，送到英國讀書（還成為GCSE狀元）。每十年當廿年用，我身心透支、身心俱疲。羅生打不死，他要做太多，到頭來，花多一小時對着我都是負擔。我們各自不用照顧情緒，每晚要對期表。終於我說：『不如試吓明天一覺醒來，對方不在旁邊，問吓自己有無一絲唔開心、唔自在。如果無，咁分開啦。』

「羅生在一篇訪問說得對：『大家都攰嘞。』真的，大家見到大家都攰。若要拿走什麼來減壓，不如拿走對方啦。我和他綑綁式，包晒感情、生活、工作、未來，但分開可以好和平好完美示範，因為我不考慮身外物。」

與前夫再見亦是朋友，也並非隨口說說，今年賀歲盃便齊齊搞。「作為拍檔，他一流……」

梁芷珊曾經離奇暴瘦，惹惡疾疑雲，她說：「不單瘦，臉色差，人似墮入網中，想做不敢做，不想做的又行錯。」其時正值婚姻抉擇。「離婚第一件事就買重住院保障，沒了後顧之憂，這樣只要搵到基本使費，可以行自己的路。五十歲仲買到全保，朋友讚我身體好。」

毋寧說那是情傷，走得出便無恙。


不是傳奇

但一年間與名廚Olivier Elzer打得火熱，未免來得太快，而且同樣有商業合作，就不怕重蹈逼得太緊的覆轍嗎？

梁芷珊笑道：「新感情不攰的。這是文化差異，外國人眼中，對伴侶welcome to join，不come with履行責任，不用對期表。

「我做推廣，他做廚師，也是『咁啱』，marketing welcome to join。例如今天知道曼聯和拜仁踢紀念賽，我即刻問畢特訂飛，未問他去不去睇，他join，就買多張機票而已。」

廚師正是她喜歡的第二種男人。

「照顧溫飽呀！中國男人有風度而唔浪漫，羅生乜都攬晒上身。外國男人浪漫而無風度，他呀，買餸、下廚成套畫面好正，但我開電力車，他開電單車，從不會替我charge電。」

給她嚐遍了，其實梁芷珊應該復出寫愛情小說，可惜目前只計劃寫管理學。

二十年前，梁芷珊有本書叫《我的六個身分》，自道身兼model、OL、藝人等等，比起今天本篇說她的六種身份，小巫見大巫。人生真正經歷過，驀然回首，反而沒啥大不了。

「不覺得上落大，起點低，拉勻總是向上。我不相信贏在起跑線，養過馬就知（她的「軍事出擊」是馬王），哪場冠軍會由頭帶到尾？要識得分段發力嘛。

「我本身的障礙是，有一天學校美勞課彫薯仔印章，反轉再反轉，忽然頓悟，啊原來要令人家睇得明。我過往的思路像一盒未砌的puzzle，每一part都齊，但沒整理，想通這點，成績便好起來。教育女兒也一樣，開竅靠她自己。今次做專訪預咗被問心得，亦預咗咁講會乞人憎，但我還是講，因為想幫大家壯膽──不必怕放手，我女兒就係無補習無學琴的例子。為人父母什麼資源都肯俾，偏偏沒俾最重要資源給子女，時間。有時間才有自由有休息。」

狀元母親肺腑之言，信者得救。

「所以我給女兒起名樂桐，讓她有個快樂童年。」


後記

「要我不工作不可能。」是梁芷珊口頭禪。新office落腳黃竹坑工廠大廈。

「無人想承認由銅鑼灣搬黃竹坑。以前在皇室堡，連貨倉都維港景維園景。重新創業，先衡量租金支出，工作需要呼吸空間，倒不如偏遠些闊落些。有諗過在大坑home office，但家居還家居，我屋企甚至沒電腦，在家只看書。」

她的新公司Maxi House（萬事屋）人手精簡，像她教女般崇尚主動發揮。三大業務：簽球員做經理人、搞體育推廣，那是由前夫而來的專業；整體裝修得像個大廚房，做烹飪示範和飲食marketing，又與現任男友相關；還有圖書出版社，則屬伊人自家首本戲。

半生經歷，一時登覽。

──考慮再婚嗎？

「不會了。同羅生因為有小朋友，有小朋友一定結婚。我的小說很少開心結局，我不相信天長地久。

「潮流興問愛抑或責任，責任並非愛，只不過孭到尾。」

?讀心理學系經常被誤解的事？在港大讀 double major 乞食科？?心理學系畢業心路歷程｜墨小鯊 LAZY SHARK

我個鼻甩皮 ?頹鯊話是但啦～

- - - ღ - - - ღ - - - ღ - - - ღ - - - ღ - - -

【過三爆四｜一對一線上輔導】
▸ https://forms.gle/zDQSMhvMPgoUPFen9

【預約免費理財需要分析｜投資理財交流群組】
▸ https://forms.gle/LhnSAYi6j8pmg4wVA

. . . 本集傳送門 . . .
00:01 - 前言
01:08 - 心理學系畢業 = 心理醫生？乞食科？
03:25 - 轉捩點 //令人深思的電影推薦
05:05 - 怎樣才可以令自己成功？
06:09 - 讀書的初心？
06:33 - 為什麼讀心理學 不是其他科？
08:53 - 後記 // 對將來的期望...

// ღ // ღ // ღ //

. . . 更多墨小鯊 LAZY SHARK . . .
大學鯊系列
▸ https://reurl.cc/9XAeQx
副學鯊系列
▸ https://reurl.cc/OqaZeg
心理鯊系列
▸ https://reurl.cc/VXZAqb
電影鯊系列
▸ https://reurl.cc/8nAEOd
日常鯊系列
▸ https://reurl.cc/v1bY41

// ღ // ღ // ღ //

. . . 金主歡迎 . . .
▸ https://streamlabs.com/tsukishima_hitomi
▸ https://payme.hsbc/mozishark

// ღ // ღ // ღ //

. . . 社交平台 . . .
Instagram ▸ https://www.instagram.com/moziii_5/
Facebook ▸ https://www.facebook.com/mozishark

// ღ // ღ // ღ //

. . . 本集內容 . . .
#大學鯊 #港大心理學 #揀科心得
#nonjupas #asso升u #asso升大學
#人形頹廢鯊魚 #墨小鯊
#gpa爆4 #心理學 #社科
#哲學 #文學院 #社會學
#副學士 #升大學 #升學心得
#乞食科 #心路歷程 #畢業搵工
- - - ღ - - - ღ - - - ღ - - - ღ - - - ღ - - -

《第107故事分享及哈佛知識分享(足本)》第一次全家分享故事: 當神仙遇上凡人

聖誕及新年假期，我第一次全家為你送上故事祝福。

.... 從前有個神仙，希望親自完成凡間每一個人嘅願望。 有日佢化身做了個凡人，遇上不同路人的經歷 .... 你又會是那個路人呢? 這個故事理念有沒有科學根據？ 根據哈佛心理學教授Daniel Gilbert 指出....

......
.
.
.

故事全文:

《第107故事分享及哈佛知識分享(足本)》第一次全家分享故事: 當神仙遇上凡人

從前有個神仙，希望親自完成凡間每一個人嘅願望。 有日佢化身做了個凡人...

係路上遇到一個丈夫係度喊: 「 我老婆啱啱患咗重病過身，我人生無晒意義，以後日子點過? 」

神仙就問呀丈夫: 「咁我有咩可以幫到你，完成你嘅心願?」

「我想要返我老婆!」

「 ok，無問題！」

就係咁， 阿老婆就喺阿丈夫面前返生。 大家互相擁抱，丈夫好開心!

「多謝恩人，多謝恩人」

行多一陣，佢喺路上又遇到另一個乞兒。 乞衣好可憐咁， 不斷叩頭，跪喺個地下道乞錢。 佢又問阿乞兒:

「我有咩可以幫到你，完成你嘅心願?」

「我淨係想乞夠一千蚊， 咁我就成年都唔使捱餓啦!」

「 ok，無問題!」

就係咁， 乞兒就袋咗張一千蚊， 佢從來未見過一千蚊係咩樣，佢拿出嚟又聞又望，越聞就越開心。

「多謝恩人，多謝恩人」

再行多一陣，佢喺路上又遇到另一個單眼海盜 ，雖然佢已經上曬岸，重歸正途， 佢始終好懷念以前兩隻眼睇野嘅世界:

「我有咩可以幫到你，完成你嘅心願?」

「如果我可以有返兩隻眼睇野， 咁我就咩金銀珠寶都可以唔要喇。」

「 ok，無問題!」

就係咁，又搞惦咗!

「多謝恩人，多謝恩人」

神仙覺得原來滿足人嘅心願係咁容易，佢就開始沾沾自喜。 直至遇到下一個路人。

佢英明神武，有錢有勢，有老婆有父母有仔女，乜嘢都有，可惜日子就係過得唔快樂。神仙又問佢:

「我咩人都可以完成佢嘅心願，我有乜可以幫到你?」

「我想要幸福!」

「 ok，無問題!」

老婆父母仔女係晒佢身邊，一家人食飯，個個都好關心佢。

佢無晒表情，話「哦，咁就叫幸福啦!」

神仙覺得佢未感受到幸福，就再試下!

好多金銀珠寶就係佢面前出現。

「哦，咁就叫幸福啦!」

神仙再試下!

把佢變得更加高大威猛， 肌肉紮實， 連個鼻都長高咗半吋!

照照塊鏡，「哦，OK!」 依然面目無情。佢話:「睇嚟，你呢個所謂嘅神仙都係無用㗎啦!」

神仙聽後好嬲， 一怒之下就決定懲罰佢，變走曬佢嘅財富，健康同親人。瞬眼間佢變成個乞兒， 跛下跛下，自己孤伶伶咁喺條街度乞食。

過兩日，神仙啖氣過咗，冷靜下來就對自己之前無理懲罰人嘅行為有啲內疚，就決定回去探下個人點。

「你仲問我點? 我而家乜都冇曬啦! 你走把啦!」

神仙見佢咁慘， 就決定將佢變走咗嘅嘢，變返晒畀佢。

從此，佢又再次英明神武，有錢有勢，有老婆有父母有仔女，仲有多咗樣嘢，就係...

(他多了樣什麼?)

「多謝恩人，多謝恩人，我終於知道咩叫做 ...... 幸福啦!」

故事帶出乜嘢理念?

做人，最好嘅 , 就係 Live in the Present (活在當下). 最好嘅嘢已經係你身邊， 你好好珍惜/享受的話，我相信凡事都會變得更好。

其實唔單只我相信，根據哈佛心理學教授 Daniel Gilbert 係2010年做咗個研究，佢搵咗2200 個人參加實驗，用咗一個 iphone app 叫做 "trackyourhappiness" ，係不定期嘅時間聯絡嗰班人，問佢哋 (1) how are feeling? 100分就代表最開心，0分就代表最唔開心。(2) what are you doing? 你做緊乜嘢? 同埋 (3) are you thinking about something other than what you are currently doing? 你係唔係諗緊啲其他嘢?

目的就係睇佢哋做緊啲嘢，同諗嘅嘢，係咪一致/集中，抑或唔同， 即係代表個腦係道「遊緊魂」"Mind Wandering". 如果遊緊魂嘅話會再問佢，你係

(1) 諗緊啲唔開心嘅嘢 unpleasant mind wandering，或
(2) 諗緊啲中性嘅嘢 neutral mind wandering, 定
(3) 諗緊啲開心嘅嘢 pleasant mind wandering

研究結果顯示， 人有平均47%嘅時間個腦係喺道「遊緊魂」Mind Wandering， 即係做緊嘅嘢同諗緊嘅嘢唔一致。 問佢哋開唔開心嘅話就發覺， 從統計學角度 multilevel regression 指出，越遊魂嘅人就越唔開心，越集中一致做緊嘅嘅人就越開心。

睇下呢個圖， 左邊代表唔開心，右邊代表開心。 越大個波，代表sample size越大，即係越多人回覆。 中間嗰條一點點嘅綫，就代表平均值。研究發現:

(1) Unpleasant mind wandering 佔所有25萬個回覆嘅12.5%, 係令人最唔開心，開心指數只有42分。
(2) Neutral mind wandering 佔14.5%，有62分。
(3) Pleasant mind wandering 排第二開心，佔19.9%，有69分

(4) 最開心嘅，就係 Not mind wandering, 佔53.1%，有71分

即係話即使你個腦係諗緊啲開心嘢，都唔夠你個腦集中注意力喺依家做緊嘅嘢開心。 點解? 就係因為你專注，先至能夠 apprepriate 真正地感受到嗰一刻嘅 touch and feel，而嗰一刻係最直接有機會能夠令你最開心。 即是我睇舖，都經常合埋隻眼去 feel 間舖! Really!

想睇佢哋做緊Present啲咩嘢，再睇埋上半part 個圖。最唔開心，就係休息或者返緊工嘅時候。最開心? 就係傾計，做運動，同埋make babies 嘅時候，你明我意思啦。

最好嘅 Present, 就係 Live in the Present 係有科學根據㗎！ 最好嘅嘢已在身邊，想幸福? 你依家又唸緊啲乜呢?

《第74創業知識: 哈佛知識分享 - What is Leadership? 》
- 哈佛兄弟的「賣梳給和尚」 Case Study

從前有兩兄弟，細佬就去咗哈佛讀書，阿哥就去咗哈佛增髮。 有一日，阿細佬就突然間同阿哥講： 

細佬：阿哥一齊創業喇！我哋去賣梳比和尚。

阿哥： 你傻㗎，和尚個個光頭，邊度洗梳頭。

細佬： 佢哋係光頭，但佢哋都要搵食㗎！

阿哥：咁關你乜事

細佬： 做生意，人客嘅事就係我哋嘅事。如果我係和尚，我都想改善生活，先至能夠更全心全意奉獻俾佛。但只係依賴信眾嘅燈油捐獻，佢哋個個都收入有限。 因此我已經搞咗幾次focus group，問咗一百個和尚佢呢想點， 其實佢哋個個都想「唔好太牟利」地搵多啲方法搵多啲錢。


阿哥： 咁即係點呀？


細佬：網上有個乜李根興嘅粉腸成日話唔好喺乞兒兜入搵飯食， 但幫佢哋去搵食呢就反而可能係條財路喎。 所以我哋唔應該賣梳比和尚，係應該幫和和尚去賣梳。 當然我唔係指佢哋係乞兒啦。


阿哥：阿李根興咁nice，梗係唔係咁嘅意思啦。


細佬： 嗱！中國有13億人口，當中兩億信佛。 就當佢哋每年只係去一次寺廟，等於每年就有二億個潛在顧客。 嗰啲善男信女，次次都風塵撲撲咁去到寺廟到拜神， 目的都只係希望積下善，同埋保平安啫。 如果我哋能夠叫啲大師為梳子開光，臨走前賣畀嗰啲善男信女成為佢哋嘅護身符。 男嘅就叫做積善梳，女嘅就叫做平安梳， 到時一定會大賣。每把梳賣十蚊，自己用已經每年廿億收入喇。 未計送俾親朋戚友嗰啲添。


阿哥： 細路， 善哉、善哉，係喎。


細佬： 我目標係每年要賣出兩億把梳俾和尚用來保佑信眾，咁和尚收入多啲，信眾又更加能夠積善平安啦。


阿哥：咁點賣呀？


細佬： 全中國咁大，我哋有三樣嘢先要做好。 (1) 先搵十間分佈喺各省市嘅廠， 用最低成本做出最靚嘅梳先。(2) 再搵起碼一百個sales 去全中國嘅寺廟嗰度sell 俾啲和尚同方丈賣積善梳，同埋平安梳嘅好處。(3) 再建立物流嘅網絡，咁遇上佛誕、初一、十五嗰啲日子呢， 出貨入貨就可以更加貼市啦。


阿哥： 好喎，我星期日教堂有100個兄弟可以嚟幫手。


細路：錯啦，sell 得俾和尚， 一定要同聲同氣，加上佢哋日日喺寺廟入面咁枯燥，梗係要搵啲信佛(唔係信耶穌)同多啲靚女嘅sales 啦。 我哋每朝早要開會傾下搵邊間嘅和尚寺去sell，出發去sell 佢哋，同埋第日要檢討下點解sell 得成或者唔成。 我哋會將成個中國分成起碼廿個區， 每個區有個區域經理孭起每年賣一千萬把梳條數。邊個sales 賣出超過一百萬把梳，就會升職加薪。 我自己都每星期落區，去一間和尚寺道sell埋一份， 同方丈/和尚建立關係，我有實戰經驗先至能夠輔導其他sales sell 多啲。


阿哥： 細佬，你係哈佛大學真係學到嘢喎。


細佬：咁好嘅「和尚賣梳」idea,  你同我兩兄弟就聽日去籌錢創業啦。但今日起，為表我嘅決心，我會轉食齋、剃光頭，咁先至可以見到和尚時同聲同氣。 阿哥，你唔使再去哈佛增髮啦， 剃光佢啦。 慳番啲錢下去哈佛讀書好過啦。


我而家身在Boston，又返左嚟Harvard 呢道學 leadership 領袖技巧。 以上故事，我目的唔係想講宗教，但根據哈佛教授 Robert Kaplan 佢話做領袖，來來去去都係講要有 Ownership Mindset  承擔責任感: What do  believe 你嘅信念係乜, Have you acted on it 你行動左未, and Add Value to Others 為其他人增值.  


有嘅，執行再講 Vision 願景 , Priorities 優先重點 and Alignment 言行一致.  如果你做齊以上七樣嘢，你就可能係個好領袖， 好大機會人哋會跟住你行同埋做出成績。


(1) 先講 Ownership Mindset 承擔責任感。你有冇覺得嗰樣嘢係你自己嘅呢？ 屋企地下污糟咗，你會唔會執？你隻腳痛，會唔會去睇醫生？ 會?呢個就係 Ownership Mindset. 但老實說，生活、工作、甚至乎家庭，你係唔係覺得好多嘢都唔關你事，當睇唔到呢？ 呢個就係無Sense of Ownership. 要做好領袖？你先要有ownership， 呢個係最根本 。 等於你要做個好爸爸媽媽，起碼要個胚胎先啦。 無嘅，乜都唔使講。


(2) What do you believe in? 你有咩信念？ 我唔知你想拯救地球，定解放宇宙。 當你覺得自己係個Owner 嘅時候，你對嗰件嘢你想佢點呢？ 


(3) Have you acted on it 你有乜嘢行動？ 諗？冇用㗎， 你做咗啲咩去實踐你嘅信念呢？ 我最憎啲人呢就係話：「我當初都知唔得㗎啦!」 兜腳西埋去，不知所謂，馬後炮 。知道又唔早講？


(4) Add Value to Others 為其他人增值. 如果你做嘢只係為自己，無人會跟你。 幫到其他人嘅，自然追隨者外來嘅動力會大好多。


唔好講到咁複雜，睇返個哈佛兄弟你就明。


Xxxxxxxx (重複部分內容)



有左以上的四個基本條件， 咁點樣去執行呢？ 教授Robert Kaplan 佢就提到要有 Vision， Priorities and Alignment. 


(5) Vision 願景， 就係你想達成啲乜嘢？ Is it distinctive? 是否獨特呢？ 做到之後， 呢個世界係咪會好啲呢？抑或人做、你做，世界無左你其實都無乜所謂呢？ Vision is where to go and the "why" of what the company is doing every single day. 我嘅Vision 就係要成為全香港賣舖最多嘅公司，令到更加多人可以買舖唔駛煩，一舖養三代。


阿哈佛兄弟嘅Vision 呢？ 

 

(6) Priorities 優先重點， 就係你要先專注做好邊幾樣嘢。 乜都做，等於乜都唔做。 同一時間做十樣，等於十樣嘢都做唔好。 最好專注做好三四樣嘢已經夠。 呢三四樣嘢，可能係人事管理、可能係資訊科技嘅發展、可能係產品嘅創新。 我呢？就係買舖、搵租客、幫佢哋做生意、賣舖同再幫租客做生意。


阿哈佛兄弟嘅Priorities 呢？ 


Xxxxxxx (重複部分內容)


最後，(7) Alignment 言行一致。 有咗Vision (where to go and why go there?) 之後， 有埋三四個priorities (what to do?) , 最後就好似揸車咁， 四條車呔要同一方向，一致先至去到嗰道啦。 嗰四條車呔就係People 請乜嘢人、Task 每日做乜事、 Organisation 你公司有乜架構、點出糧、獎罰制度又點呢？ 同埋You 你自己。 你每日喺度做緊啲乜呢？你嘅leadership style 領袖風格又係乜呢？ 你會唔會講一套，日日自己去打Golf，又做另一套呢？


又聽多次哈佛兄弟點？ 


Xxxxxxxxxxx (重複部分內容)


聽完以上七樣嘢，ownership mindset, what you believe in, take action, add value to others, vision, priorities and alignment.  你做咗幾多？你又係咪一個好領袖呢？ 唸唔通？得閒來下哈佛或者索性剃光個頭諗通佢啦。