讀者投稿《故事數篇》
1. 影后奶奶篇
我都想講下我的麻煩99！
a. 最佳影后！ 人前人後一個樣。人前是難為了家婆，實際係難為了家嫂。
b.係一枝超強力的攪屎棍。攪到我老公及細佬不和。又喺我哋幾個新抱間講是非，加盬加醋。
c. 極小氣及記仇。一個三歲的小朋友將自己感覺直接説出來吾鐘意嫲嫲。由那刻起老人家就玩針對啦！小朋友無啦啦都比人鬧餐懵。
d. 99 係同大伯一家住，成屋連埋BB只有五人，老人家都話要分開食。佢成日狗咁閒坐係屋企，又吾早煮飯。係都要等到大伯兩公婆放工返來，佢先壩住厨房。大伯兩公婆又餓又累，咪出街食。條麻煩友又鬧人吾慳錢成日出街食。
e. 成日話自己好乾淨。乾淨個屁！ 每次食飯前要用滾水冲過D碗，之後又用抹枱及爐頭的布去抹乾D碗。
極品99D麻煩野多不勝數，講住咁多先。
2.篤背脊奶奶篇
原來真係相見好同住難。
我99竟然係我背後同我老公篤背脊：話我乜都唔識做：如家務、煮飯。大佬丫我要返工架你估我真係唔使做咩？返到屋企仲要湊女。但我99剩係識係我背後講我剩係湊女咩都唔做。搞到我老公今日同我炒大鑊!
3. 求鬼其奶奶篇
每一次見到數字人，我都有幫佢開年的衝動👊🏻
團年飯、初一飯同埋開年飯，總之自己煮嘅就sell你食、逼你食，買返嚟嘅就提都唔提，好可惜佢煮嘅嘢食超難食，髮菜冬菇海參可以煮到係無味㗎⋯⋯但係佢自己感覺非常良好，唉！
剛剛入廚房幫手拎飯，見到舊豬肉冇遮冇掩，孤伶伶攤咗喺洗手盆旁邊，數字人話要將舊肉解凍喎，但講緊是日溫度有成20度囉！我講完之後，佢先將舊生肉放返入雪櫃、擺喺蘿蔔糕上面⋯⋯
我話幫佢執吓個雪櫃先，佢當然唔會理我。不過比以前好咗好多㗎啦，以前連保鮮紙都唔包，將舊豬肉直接放喺雪櫃裏面。臨走嘅時候想去廁所，見到有張保鮮紙係馬桶入面。原來又係我個數字人將保鮮紙掉入馬桶，仲問我有乜嘢問題，然後仲要㩒制將佢沖走。我當然冇問題啦，不過將來個馬桶塞咗或者食咗受污染嘅肉類搞到肚痛，唔好搵着我老公嚟咁解。
4. 新年怪奶奶篇
我奶奶一直不喜歡我，就算我生咗個孫佢都不滿意。第一年帶阿囝同佢拜年。她都俾我、老公同個孫每人一封利是（因老爺已過生）。
第二年開始好怪。給二封利是。一封是60元，另一封是40元。佢話是給我們一家。當時我心諗，邊有人咁封利是。我越諗越覺得不對路，晚上我立即將嗰兩封利是用了它。
今年，仲怪。一封利是40元給我們一家人。我見到我立即鬧我老公，佢竟然唔想給就唔好給。怪奶奶。
5. 扮傻奶奶篇
a. 有日下午約左朋友出街，但奶奶又話要見個孫，因為又一城係大家既中間點，所以一家三口就約左老爺奶奶係又一城食早餐。
奶奶一坐低見到個餐牌就話<嘩，呢到啲野咁貴既>，一路睇餐牌就話<嘩，呢碟咁貴既，嘩，呢碟野洗唔洗咁既價錢呀>，我其實都覺得有啲貴，所以就叫左個雞絲湯河，點知到奶奶叫時就話<唔知呢個火車頭湯河係咩黎既呢，就要呢個試下啦>，食完後佢個仔，即係我老公就去比錢了，個火車頭係最貴嗰樣。
b. 有日老爺奶奶老公三個睇住個女，個女係high chair 剛解安全鎖，奶奶話要抱，唔知佢又要抱又八掛望咩，轉個頭個女就係high chair跌左落地，好彩老公接得住，但嚇親，個晚訓覺喊醒七次。
接住個星期日，姑奶老爺奶奶又黎睇我個女，姑奶問我，bb訓得好冇呀，我話上星期差啲跌左落地嚇親，個晚喊醒左七次，奶奶話<冇理由架，佢平時玩sir滑梯都係咁架>
心諗: 以你咁既說法，玩跳樓機同跳樓係咪應該冇分別？你真傻定扮傻？
#退一步海闊天高
#我的極品四大長老
#五篇稿五個投稿者
👇設計圖片
