話說呢排一眾攝影旅遊page都突然狂出一個「#尋找星海之美」、「#海星灣」的tag，原先我睇到都知道有人做緊野啦，見人有飯開，我點都替agency開心。但後尾睇到 The Hiking Boys 山野．男生 篇文，講啲專頁的主人(抱歉，真係用唔落KOL呢個term)去到海星灣呢個自然保育區度捉魚同執海洋生物，而海星灣附近又剛好有一個剛出街的樓盤「馬鞍山星-海」，當然，我唔會話、亦都無證據證明地產商俾錢agency做野，所以大家自行分析解讀。咁唔通人地agency老闆食飽飯無野做突然想出錢出力推爆個自然保育區，佢又要同我講咩？
山野．男生原文：
https://www.facebook.com/thehikingbo…/posts/1359455414176454
拿，就咁嘅，有時候做人自己有得食之餘，都要諗下人地有冇得食。依家你地有飯開，咁人地保育區的海洋生物就冇啖好食，咁唔得架啵。
山野．男生一睇就知唔熟廣告界運作，所以針對的都是犯規的專頁，但事實並非如此簡單。基本上做廣告慣例出街之前，都要俾廣告agency睇左個draft先，agency approve左內容先可以出街。人係agency 搵返黎、briefing係agency做、錢係agency俾，而稿亦都係agency批准，在這個層面看來，agency是徹底地失職的。
既然大家唔諗住俾條生路啲海洋生物行，咁大家就一齊唔好行啦。
其實，呢個香港係有商品說明條例，當中「誤導性遺漏」是2012年更改條例時的重點（抱歉當時我剛入廣告界不久，所以呢條真係化左灰都認得），當中「未能表露其商業用意」已經算係違反商品說明條例。亦即係所有收左錢的廣告／軟文，法例規定係需要作出利益申報以「表露其商業用意」，我睇返佢地一大班疑似收錢賣廣告的專頁主人，近乎冇一個有申報利益同廣告。道唔道德我就唔講啦，反正我份人本身都冇乜道德，冇資格話人，但我有充份理由懷疑這次推廣的合法性。
而所有疑似收錢的廣告post，又剛好有「#分享就是力量」呢個tag，而呢個tag係某agency的慣用tag，我不能直接確定這隻job是來自某agency，但只能說巧合，真的很巧合。
當然，人地係咪犯法，不是你和我說了算，山野．男生如果有心有時間，不妨考慮向海關查詢？
參考資料: 拆解《商品說明條例》http://hkmb.hktdc.com/…/%E6%8B%86%E8%A7%A3%E3%80%8A%E5%95%8…
圖片來源：山野．男生facebook、香港海關
#知唔知點解100毛永遠都寫特約兩個字呀
#人人都特約唔通人人都真係想特約咩
#法例要求大家冇位走
#5年後有冇修例我唔知
#有大家有興趣可以查一下
#作為廣告人係咪應該要專業少少
#記者朋友跟唔跟呀
#疑似地產商可能勾結廣告公司涉嫌收買KOL暗推新盤附近海灘
#Juicy到不得了
#你hide返晒啲廣告我就唔hi你囉
#以上純粹推測各位需自行判決
#本人言論並不代表本人立場
#戴返個超合金頭盔先
#我師奶仔咩都唔識架
#星海之美
#海關之美
#分享就是力量
