[齊齊回帶星期三]
頂！個個又話恨睇！結果出完post又冇反應，搞錯呀！
#再係咁唔教作文 #講笑啫 #其實係我今晚要去hightable #乖乖地睇下琴日篇作文心得先啦
#記得like #BenSir #BenSir同你學教仔
[明刀明槍星期二。描寫文]
見大家咁支持，今日唔講黑暗兵法住，講返人物描寫。
一講人物描寫，大家應該背都背到｢肖像｣﹑｢語言｣﹑｢行動｣同｢心理」。但問題嚟啦，上次先講完，描寫文只能夠寫用人類感官可以觀察到嘅嘢，咁｢心理」究竟點描寫呢？事實上，人物描寫正正就係考緊你，如何用另外三者帶出｢心理｣，勾勒出人物嘅性格同感情。
今日先講吓｢肖像｣。好多人一講｢肖像｣，往往只會寫五官+身材，但大家偏偏唔記得左寫衣著打扮﹑化妝髮型等等，有助強調人物個性嘅要素。例如：
黃博士頭上總是堆著亂草，臉上從未塗過一抹腮紅，每天總披著那既髒且皺的白色大衣，真看不出她是個大學講師。
記住，｢人靠衣裝，佛靠金裝｣。人對其他人嘅第一印象，往往係建基於對方嘅打扮。所以，要塑造角色嘅第一印象，衣著打扮﹑化妝髮型，不得不提！
至於，樣貌身材雖然未必強調到性格，但始終不得不寫。一來，lee兩樣嘢係人都有。二來，有時性格同外表有反差，確實會更加有趣。畀多個例子你地：
「給我滾開！」看著眼前這個身高只有一米四，卻偏偏｢打遍全班無敵手｣的｢女小霸王｣－小高，到處欺負弱小，我實在相當氣憤。
係呀，係好多會考兵兵同DSE雞雞都作過嘅《我眼中的小霸王小高》。但個個都叫小高，唔通個個都真係高咩！你寫到個「矮得得」之餘，仲要蝦返班男仔轉頭嘅小高，咁你咪夠｢破｣囉！你問我點先拎到高分，我答你：人地作嘅你作到，你作嘅人地作唔到，就係咁簡單。不過，慢慢嚟啦，寫好啲基本嘢先。
今日講住咁多先，下次講埋其他果啲。
#BenSir #BenSir同你學教仔 #學完再教返個仔
#就快冇電 #求其post張圖算 #是但啦張相唔係重點
