關於 今年annualdinner聖誕party年宵又多樣野扮同賣啦 ，我們在網路上蒐集到這些相關的討論、資訊與評價

任何仁教曉你嘅職場手段
　
大家打工仔都好明白，縱然你才華洋溢，你喺一間公司，有唔開明嘅老細， 有多一事不如少一事嘅老屎忽，有眼紅你做嘢勤力過佢，唔抵得你有好表現嘅競爭對手 ..... 你做任何嘢都會綁手綁腳，久而久之，你做所有嘢都得過且過，總之就多做多錯少做少錯唔做唔錯。所以就算你係才高八斗，技藝超群，做耐咗嘢，你就會明白職場好難有表現自我嘅機會。
　
見到任何仁，我真係明白佢先係打工仔嘅典範.....
　
※　佢係做一啲人人都覺得好踩界，好高風險，但其實係work嘅嘢
※　佢係做一啲老細唔buy你嘅嘢，甚至中層嗰啲阿哥阿姐連向老細propose 都唔敢嘅嘢
※　佢係做一啲影響公司「形象」嘅嘢 ..... (但其實根本公司從來都冇咩形象可言)
※　佢係做一啲老屎忽叫你唔好做嘅嘢，而最後件事好成功，啲客好擁護你，簡直係大大力咁掌摑啲老屎忽，剃佢哋眼眉
※　佢係做一啲好似會奶嘢嘅嘢，但所有客都義無反顧，撐你撐到底
※　佢係做一啲出位嘢，出位到，成功到有人反對你都畀人圍剿，成功到老細都驚炒咗你會引起公憤。喺老細都驚咗你嘅情況下，佢仲唔為所欲為，放膽去得更盡
※　佢係得到公眾支持，成功要脅到老細，唔使受老細氣，老細都要焗住畀面你
※　佢break 哂所有rule，然後demonstrate 到比你睇一間公司冇rule係成功過follow 唔合理嘅rules，其實佢係搞緊工業革命，話比其他公司知唔跟brand guideline 都可以係一種brand guideline
　
而最重要係，其實任何仁係一個公務員，你點會諗到，今時今日，做公務員可以喺一個咁崩壞咁無癮嘅政府制度入面，搵份有趣味，而又講咩都唔怕嘅工。當初任何仁投考公務員都應該冇諗到個鐵飯碗可以咁過癮。
　
同埋，出名唔出樣，唔使拋頭露面個下好呀嘛。人地覺得你膠，好想打鑊你，都搵唔到你，呢啲咪另類職業安全同保障囉。
　
#我已經成為左任粉喇
#我都想返工返成咁
#今年annualDinner聖誕party年宵又多樣野扮同賣啦
#政府求職網有冇招聘任何仁或者其他仁