《唔知幾耐冇寫過長故事，但我再次寫返長故事》
係呀，近年最盡都係寫短故。
人大咗，時間就少咗。
長故事對我嚟講，就好似「高達模型」咁。
買返嚟都唔敢開盒砌，有Idea都唔敢寫。
因為你唔想「hea砌」，
但時間又唔容許你「認真砌」。
又驚「砌唔靚」、「砌錯」，
人類，最叻搵藉口。
於是你「唔砌」...
但估唔到，仲有人會主動搵我，同我講句：「不如砌多次啦」。
第一次同佢哋食飯，佢哋話想整個App去講故事，一開始我覺得「冇咩特別」，但睇demo，原來個App唔單止係畀你寫一個故事，
佢仲因應故事情節，
加聲效、音樂、影片，甚至震動效果。一有對話，變埋Whatsapp介面，搞到你勁快睇完幾千字。
件事好4D，仲有啲科幻，
因為你想像到，真係有班人，專為你個故事去度身訂造不同效果。
諗下都感動，加上佢哋好信任作者（寫咩都ok…自由度好恐怖）
所以我決定認真咁再「砌」一個故事。
個App叫「Tbc」，To Be Continued。
希望大家下載支持：https://pr7d8.app.goo.gl/ynr
因為都係一蚊都唔使，咁有好多好作者喺入面。
最後，都係要講下我個故事究竟係咩。
自細就好鍾意《大逃殺》，大個咗就畀生活層殺，
於是寫好多長故事都係「生存類」。
今次個世界想再大啲，想再香港啲。
於是我嘅故事名叫《香港只能剩下最後24人》
一睇個名就知講咩，簡單易明，但內裡有好多設定。
例如當我哋冇晒物資網絡，點先搵到家人？
喺故事入面，全港ATM都轉變咗介面，
只要輸入人名同生日日期，就可能搵到指定對象嘅所在位置，
同埋係「生」定「死」。
如果係你，你敢唔敢用呢部ATM？
如果出現嘅係「死」，你接唔接受到？
仲有更多設定故事，
由你自己發掘，陪一班主角走遍全港，創造一段獨一經歷。
我知文字唔易入口，
但呢個App可能令你消化得通透
希望大家會睇小弟嘅新故事：https://pr7d8.app.goo.gl/ynr
#記得有日上佢哋office見到夕爺個故直情有片頭效果
#我羨慕到咬牙切齒
#今日發現我個故仔都有
#多謝佢哋咁用心
