Search
我一日裏面究竟可以分身有幾多個角色？
9:30~我係一位好興奮嘅PT，鼓勵同學仔加油努力💪🏼
13:00 ~我係一位跳舞老師，shall we dance💃🏻
15:00~我係一位師奶，街市買餸話頭醒尾。
16:00~我係一位陪玩專員，同小朋友玩水最鍾意💦
18:00~ 我係一位廚師，今晚食乜餸我話事，韓式泡菜海鮮火鍋🍲
20:30～ 我係一位派對籌劃專員，今日工人姐姐生日，即刻準備驚喜俾佢🎂
23:30～ 我係周公一位情人，準時瞓覺搵周公談情😴
今日已經有7個身份，今時今日嘅阿媽，絕對係要多功能😎
今晚Duncan煮乜餸-簡易白汁意粉
呢位小朋友知道爹哋媽咪今日忙，佢負責煮晚餐🥰，順便止下佢嘅煮嘢食癮，又搓麵粉整麵條，到整白汁都係佢一個人搞掂！真心好味！真係可以跟住佢試吓整㗎🤣
鄰居群組中，有人羨慕有個識煮餸嘅媽咪真係好😂，尋晚連我都覺得亞仔好幸福🤗，佢問今晚食乜餸，其中一碟原先想整嘅梅子蒸排骨，佢話想食生炒排骨，佢想食就轉一轉，就整婆婆style 不加青椒🫑 洋蔥🧅 蒜頭🧄菠蘿🍍，呢款係我兒時成日食到嘅生排骨，因媽咪覺得加咗七隻馬騮🐒仔（仔女）都未必想食，不如慳返唔洗加😂，沒有🫑🧅🧄更適合小朋友口味。
尋晚呢餐飯影完相先發現，我啲餸好有媽咪影子，早上醃紅衫魚，用薑片起鑊煎到紅衫魚脆卜卜，臨食時加少少美極，連亞仔都話呢隻婆婆紅衫魚好好食。
🔊🔊🔊大家有Instagram 就follow 埋文迪IG，裏面有好多食譜📖
https://instagram.com/mandykitchen1121
16/07/2021 三人晚餐
#老黃瓜扁豆西施骨湯（屋企無曬赤小豆有就加埋落去）
#氣炸生炒骨
#煎紅衫魚
#炒勝瓜
#尋晚食乜餸
#兒時回憶
[Healthy Snacks] Seaweed Rice Crisps
Ingredients:
Vietnamese Rice Paper -------- A Few
Toasted Seaweed --------------- A Few
YouTube:@Chris Wong Private Kitchen Cooking Channel
IG: https://instagram.com/foodblogchriswong
Facebook: https://www.facebook.com/MyPrivateKitchen.Chriswong/
我的C家廚房！Bon Appétit
@Chris Wong Private Kitchen Cooking Channel
Preparation:
1. Cut the Vietnamese rice paper into the size you want.
2. Moist the Vietnamese rice paper with water.
3. Align the toasted seaweed on the Vietnamese rice paper.
4. Allow to air dry.
5. Deep fry until crisp.
Enjoy!
[韓國小食]【韓式紫菜脆片】 Seaweed Rice Crisps
材料：-
越南米紙.............適量
即食紫菜.............適量
做法：-
1. 將越南米紙用剪刀裁成合適大小備用。
2. 用水把越南米紙沾濕，然後粘上即食紫菜，風乾後放進油鍋炸脆便可。（可隨個人喜好加入喜歡的調味粉，如芥末粉、蒜粉、松露粉等。)
第76創業知識《哈佛分享：「搵錢、結婚、生仔」點算好？》
我相信好多阿媽都同阿仔講， 大個咗要搵到錢，大個咗要結婚，大個咗要生小朋友建立家庭。 咁樣才會有開心嘅人生。佢哋講得啱唔啱呢？
根據哈佛心理學教授Daniel Gilbert 指出，答案在影片裏....
......................
全文：
而家喺星加坡同我老婆同三個女，趁開學前放下放假。 我相信冇人會反對人生其中一個最開心嘅時候就係同屋企人放假去旅行嘅時候。
包括我在內，我相信好多阿媽都同阿仔講， 大個咗要搵到錢，大個咗要結婚，大個咗要生小朋友建立家庭。 即是唔係咁講，都肯定唔會講大個仔要窮，記住成世要孤單一個人，唔好結婚同有仔女，種下禍根。
咁其實我阿媽、同你阿媽講嘅嘢啱唔啱呢？ 有冇科學根據？ 錢能唔能夠買到快樂？ 結咗婚係咪真係會開心啲？ 生咗仔女咁又點呢？ 根據哈佛心理學教授 Daniel Gilbert 過去30年嘅研究， 佢話阿媽以上三大智慧係啱啲唔啱啲。 而家同你逐一講講。
今個月我剛剛就去咗佢喺哈佛講Happiness 嘅一課， 循例我好鍾意坐第一行，佢無話唔俾影，個個學生喺咁影相，我又唔係學者，我只係一個專賣鋪嘅生意佬都同你分享下我學咗啲乜。
第一：阿媽話，大個仔要搵到錢。 咁錢係咪越多，會令你越開心呢？ 答案，yes! 真係，越多就越開心。 Never go back down. 邊個扮清高，話錢買唔到happiness係錯晒。 有錢人就係開心過窮人。不過根據哈佛教授Daniel Gilbert 指出， 錢喺大約去道每年六萬蚊美金嘅收入， 即係每個月三萬九千蚊港幣，你就大約已經買到95%嘅happiness。 諗真啲，每個月三萬九千蚊港幣，其實真係唔係太多。 當然世界每個地方嘅生活水平唔同， 但個idea 就係如果你要再開心啲，更加多嘅收入其實如果你同樣嘅洗法都只係畀多你人生5%嘅開心。
咁點樣洗法先能夠更加開心呢？1. 買多啲經歷，買少啲嘢。 因為經歷，例如去旅行，每個人係獨特嘅，無得比較。 但如果你買咗架法拉利，見到側邊嗰人揸住架林寶堅尼， 你就覺得點解佢架車仲靚過你。2. 洗多啲喺人哋身上，洗少啲喺自己度。 點解有錢佬好鍾意捐錢， 因為幫人都係一種滿足感。3. 放多啲錢係關係上， 有人同你分享，遠遠開心過自己一個獨食。 信不信由你，我幫到個租客做生意，我都真係好開心。 佢賺多一萬，遠遠開心過我自己袋晒。
Breakdown 呢，睇下呢個chart, 開心嘅程度, work 工作, commute 即係揸車搭車去上班嘅時間，TV 電視就係咁開心。 好多人話有錢之後就攤喺度乜都唔做， 但其實嘆喺度開心嘅程度，同work 都差唔多。 咁乜嘢係最開心呢？ 教授話係 talk and sex. 你明啦，我諗唔使翻譯。 佢話，所以如果你有錢嘅話唔應該休息多啲，係應該多啲 talk while having sex. 真係佢話㗎，今晚試試。
第二， 結咗婚係咪真係開心啲呢？ 呢個我有些少利益衝突，即使唔係，我都唔可以講大聲。 但研究指出，答案又真係，係喎。 過去嘅50年嘅研究指出，結咗婚嘅人就係開心過未結婚嘅人。再細緻啲睇，結咗婚嘅人就係開心過cohabiting 同居嘅人，同 single 嘅人。 離咗婚 divorced 或者 separated 分開咗嘅就最唔開心。
但結唔結婚，隨著歲數都好影響開心程度。 佢哋全部都係二三十歲嘅時候最開心 ，去到四五十歲就中年危機，七八十歲嘅時候又回覆童真。 但留意喎，四五十歲未結婚嘅人係最唔開心， 因為一世人入面唔知最終結唔結到。 去到六七八十歲呢就認命，開心返啦。
但記住喎， 以上嘅圖雖然結咗婚嘅人係開心啲。 你要搞清楚，係因為佢結婚而開心，定係因為佢本身係個開心嘅人而吸引多啲人想同佢結婚呢？ Correlation （相關）唔等於 Causation （因果關係）。 教授話你要搞清楚個關係喎，佢都未有答案。
佢只係知道結咗婚嘅人，都唔係all the way 開心㗎喎。 結婚之後嗰一兩年係最甜蜜嘅， 之後就一般啦。 我結咗婚13年啦， 都細細聲同你講唔會相差太遠。 但離婚呢？ 男人？ 離婚前一年就最悲哀，之後就一支箭咁標上去。 女人就反而比較平穩啲喎。 我諗男人最明點解啦！
第三， 睇完錢同老婆，睇下生仔女啦。 Kids are pain in the ass, 我諗好多父母都會贊成。 原來阿媽話結婚一定要生仔女先至開心，呢個係錯㗎喎。 唔怪得知，我最開心嘅旅行，通常都係同我老婆兩個人去嘅旅行。
教授Daniel Gilbert 話non parents, 一般係開心過parents, 更開心過 parents with minor children. 即係有細個嘅小朋友，即係我呢啲，係最唔開心。佢話研究數據指出，小朋友出世頭幾年係會令你越嚟越唔開心。 諗真啲，又啱喎。 啱啱出嚟嘅時候，成嚿飯咁，同佢玩乜都得。 篤下佢，彈下佢，no problem 。之後又要playgroup, 又要諗幼稚園，又要諗小一入學，真係想死。 我最近先至成日煩緊我細女要去小一入學面試。 小一入學嘅壓力係遠遠大過自己去大學或者求職面試。 當年見傑青個panel 我都冇咁大壓力。
數據指出作為父母，開心嘅程度，talking with friends 係最開心，eating 第二，grocery shopping 超市買餸第三，doing housework 做家務第四，咁being with children 同細路一齊呢？ 只係高過做家務少少。
全世界嚟講， world average 都係無細路係開心過有細路.... Just by 少少。 結咗婚嘅就好啲， 但整體上都係無細路開心少少。 如果你係單身single 嘅，你就更加唔開心。Divorced 離咗婚嘅， 係最唔開心。 因為大家都明白，離婚最難搞嘅就係仔女。 反而widowed 寡婦/寡佬就遠遠最開心， 因為始終老公或者老婆走咗之後，仔女可能就係佢哋唯一嘅伴。
雖然全世界整體上都係無細路開心過有細路，但每個國家都有所唔同。美國呢就係比全世界好啲，Montenegro 又名黑山共和國就係最好， Macedonia 馬其頓就係最差。 香港我就無數據，我估應該好啲嘅，始終有工人姐姐幫手。 但一講起小一入學，我諗個個父母就會話我哋同Macedonia 差唔多。
總結，點都好，有細路係開心嘅，不過唔好為佢哋而煩惱太多， 我成日同我老婆講 number one rule of parenting: Relax!
結婚？ 好吖，only if you find the one you love and he or she loves you too。Love 唔到like 喎。 Like 喜歡係想得到，love 愛就要付出。唔好為結而結。
最後，錢可以令你開心啲，但如果你能夠買多啲經歷，洗多啲喺人哋身上，同埋建立關係上面呢，你會更加開心。教授話 try to talk during doodoo 係最開心，今後搵錢、結婚、生仔、點算好，你懂啦！
[親子小食］
⭐️香蔥煎餅⭐️
今次係霖霖出手仔??教大家整呀?暑假假就開始啦...真系要諗定多D野俾小朋友玩...?
用餃子皮小朋友容易handle D..細細塊又易食，霖霖貫徹始終整好後吾食...請哥哥食，出奇地平時吾食蔥嘅哥哥話好味，食曬?
材料：
餃子皮 14片
蔥 適量
蛋 1隻
做法：
1）將蛋漿擦在餃子皮上，蔥粒放在餃子皮中央，蓋上另一張餃子皮，再壓一壓平佢；
2）熱油鑊煎香兩邊至金黃色便完成
?更多靈感...快D訂閲我嘅YouTube頻道??
https://www.youtube.com/channel/UCJP2TJatbLqYcjtib5G8NKg
?Kelly日常生活、玩、買、食可到IG??
IG: lovekellykitchen
?我的Blog??
http://lovekellykitchen.blogspot.hk/?m=1
#食譜 #簡易食譜 #手機先食 #今晚食乜餸
#lovekellyskitchen #自家煮 #親子食譜
#親子小食 #hkfoodblogger
