#免費入場 #識水惜水
#記得要上網預約
詳盡video：https://youtu.be/g5FbmoV2VHA
雨季來臨⛈，金寶湯成日都問點解會落雨，污水會去咗邊，點解有雷暴🌩，咩係黃色暴雨警告.....既然係咁，喵奴就直接帶佢去 #水務處 #水知園 搵答案啦💧！
呢度有2層展覽，有多個展區，包括有水務歷史、香港水塘分佈、雨水回收再用、認識香港食水標準、水務署工程同使用嘅技術同物料、認識「用水效益標籤」、了解水源可持續發展等等。
當然仲有小朋友最鍾意嘅「水+來源」同「水+循環」啦！可以模擬水塘釣魚🎣，#遊戲展區 有得玩水💧又可以學習，雖然唔算大，但小朋友玩咗好耐呢！另外牆身仲貼有天文台各類警告⚠️，例如颳風信號🌪，雷暴警告⚡️，火災危險警告🔥、酷熱天氣警告☀️等，都可以增加小朋友對警告信號嘅認識，話唔定小學面試都係考呢啲㗎！
玩咗個幾鐘，最後可以去埋影院「睇戲」🎞，入面係 #球幕影院，係太空館嘅縮細版。影院會播放水資源嘅資訊，由主角「超級沙瓦多」以動畫電影介紹，講述環境保護同拯救地球🦸♂️，啱晒鍾意「save the world」嘅金寶湯同羅宋湯呢😍！記得預約入場順便book埋影院呀，當然都有得walk-in後補，但未必入得晒㗎。
最後我哋喺呢兩層玩足2個鐘，樂而忘返。暑假嚟呢度真係啱晒，因為有人數限制，唔會太迫，而且冷氣仲好足呢👍🏻，但係佢哋不提供公眾車位，我哋要喺銀座嘉湖商場泊好車再行過去，大約6分鐘就到，沿途冇瓦遮頭，夏天最好帶定把遮擋太陽/雨啦🌂。
❗️臨走前掃埋QR code交問卷，仲有blingbling貼紙送呢！
👉🏻水務處水知園👈🏻
📍地址：
新界天水圍天柏路20號水務署天水圍大樓
⏰開放時間：10:00 - 18:00（星期三休館）
🔗預約：https://www.h2opecentre.gov.hk/tc/book-your-visit/index.html
#好啦我承認我最鍾意就係影院
#望住個太空忍唔住瞓著咗😴
#入睡時間快過太空館😅
#但啲仔好認真睇
#我抱住細仔睇所以冇浪費座位㗎
#下次我會早啲瞓先再來🤣
#親子好去處 #暑假好去處 #消暑好去處
但啲仔好認真睇 在 但生理上鍾意男人- 細個有暗戀過女仔 - Facebook 的推薦與評價
會掛住以前同啲仔扑嘢嗰種互動，女仔真係俾唔到試過玩玩具，又覺得假J 比唔上真J... ... 我真係好鍾意女朋友又唔想搵男朋友... ... 雖然我知鍾意一個人唔需要睇性別，不過女人 ... ... <看更多>