關於 但點解你又咁唔客氣回應佢地嘅 ，我們在網路上蒐集到這些相關的討論、資訊與評價

［花生］（對方已修改文章，原文請看截圖）］

哎唷～真係唔知今日吹咩風，吹到廣告狂人黎quote我人妻先生呢？乜今日咁錯蕩走黎我呢度玩呀？仲要睇完我個page就咁就走左去靜靜雞quote我，咁唔得架，陣間人地以為我人妻先生招呼不周點算呢？有咩唔滿意其實可以喺Comment度講嘅。

好，客氣完，開拖！

首先，我道歉。「香港機場給各位旅客送上喪事專用的藍燈籠和義莊白燈籠」，係我錯，我估唔到呢個世界真係有人未見過死人藍燈籠，所以令廣告狂人以為我真係講緊一個藍色嘅燈籠，仲要特登搵張相出黎開心大發現，話俾我知咩叫做藍燈籠。睇住你咁樣捉字虱衝出黎，我都唔知點安慰你好... 喂大佬，藍燈籠梗係唔係藍色，唔通奇華老婆餅又真係有老婆、奇華貼告示話出面暴動又真係暴動咩？我高估左部份人的常識和智慧，我恐懼、我誤判，我先同你道個歉。但講到尾，一般人見到呢個燈籠，第一句係點叫？藍燈籠囉～

啋～大吉利是！

接下來，我再道歉。廣告狂人講得好岩，呢個藍係湖水藍，同隻死人藍係有分別，但我又唔係顏色KOL、又唔係殯儀KOL，只係一個普通人。在燈籠上見到湖水藍也只會諗到死人藍，係，呢個係我作為一個普通人的錯，你地呀(指著所有一萬六千個followers同上個post有like過的兩千五百人)個個都bad taste呀！依家個廣告出俾我地啲公眾睇架咩？個廣告係出俾廣告人自己行家睇架，受眾點諗重要咩？我一早話左機場呢個廣告係玩HalloweenX中秋概念嘛，呢個廣告係「神功廣告」，即係神功戲啲friend，做黎俾人睇架咩？不過我能否弱弱一問，依家啲飛機稿製作咁粗糙，贏唔贏到獎架？

另外呢，前輩呀，我真係好欣賞你玩hashtag叫人唔好隨住KOL起舞，結果成個post都係俾自己啲粉絲鬧返轉頭呀。如果一個Key Opinion Leader自己都lead唔住自己班讀者，KO冇左個leader嘅L，結果咪俾人K.O. 囉！KOL係一面雙刃劍，你sell個客的時候就吹到個KOL有幾把炮，一枝穿雲箭千軍萬馬來相見咁款，依家班KOL唔岩聽了，你又叫大家唔好跟KOL了？前輩你個龍門係咪都係鬼節特別版架？飄得咁暢順嘅？

好，拿，我呢啲好孩子，錯就認打就企定嘅，你對我嘅批評，我已經好虛心咁道左歉，接下來的回合，到我反擊了哦 :)

我諗左好耐，做咩事有咁多人唔搞，係要走黎搞我架呢？於是我就睇返廣告狂人之前的post，原來佢早排有出過post讚賞暴動牌月餅個廣告。

哦，明晒！原來我唔小心踩到人家山頭。咁梗係走黎狙擊我啦，暴動牌畀我地一大堆棺材釘咁打落去，一睇就知冇得救，唯有打個機場post捉下字虱咁囉。

對於閣下的審美觀，死唔死人藍，我真係無得comment，感覺的東西再吵下去也是小學雞之爭。我唔用主觀的感覺同你打，我用客觀的事實婊你。你望下你自己讚嗰個暴動牌月餅post？睇唔睇到有咩問題？冇？你再睇真啲？係呀，鬼后隻左手透明架！你同我講很有民國遺風？那是民國遺照吧！你做廣告評論的自己都無線新聞是是旦旦，咁大個error都睇唔到，反而走黎捉我粒字虱，仲好咩意思同我講咩湖水藍？俾鬼迷呀你？

黎到呢度我道多次歉，因為做廣告人唔應該只要文化好，仲要識得審稿，如果唔係出到黎份稿隻手透明，真係慘了。

最後，點解我咁大反應，係因為我唔鍾意你咁樣話我啲讀者。你言語間講到佢地跟我人云亦云冇獨立思考，這是對他們的侮辱，而我嚴正要求你向我的讀者道歉，否則你出一個特約廣告，我就狙擊一個，我講得出，亦都做得到。你唔駛同我道歉，我出得黎行預左打交，你可以同我打，贏輸都係我地兩個page的事，但你不能無緣無故話我班讀者，呢方面我睚眦必報，我講多一次：只有我才可以欺負我班讀者。

你唔好諗住改左個post就算數，大家都是成年人，你，給我認真一點。

原文傳送門:
https://www.facebook.com/…/a.65349270467…/1807863389242256/… 　

#你真心覺得節慶廣告可以唔老黎係咩玩法
#做廣告人都要有常識架
#我係真心覺得機場個廣告唔老黎
#折字亦唔太適合機場用
#每個行業也有自己的禁忌
#我老豆做船好怕你反轉條魚
#獨立思考同標奇立異係兩回事
#世人皆醉你懶醒
#你啲讀者圍住你插真係好獨立思考
#但點解你又咁唔客氣回應佢地嘅
#可以教我如何訓練讀者獨立思考嘛
#咁聽我講我即刻教佢地唔好投建制派
#我作為你的讀者已經畀左面刪走左我最mean兩段
#這是我給你最後的尊重

#口業 #膠面 #膠面 #軟飯 #botox #娱乐01 #即時娛樂
駙馬3條KING
Hello大家好, 我係阿Tsar, 今日又爆獨家消息畀大家聽下
我阿Tsar出嚟行走漿糊, 又點只識得一個娛樂圈嘅朋友呀
今日要講呢三位主人翁，唔係全部負評嚟嘅，

頭嗰兩位駙馬值得讚，最後嗰位係最近熱門新聞人物,

就係最近畀人話佢膠面、醜男 、食軟飯嗰位 。

因為我有朋友喺佢上年嘅豪宅註冊在場其中一位賓客

為咗保護證人 ，我當然唔會話畀你哋聽佢係咩身份呀

首先講第一位先啦，好早期喺”嫁”咗畀個有錢女

我用個”嫁”字, 大家都明，唔需要再詳細解釋

雖然呢位男藝員一路畀人話佢食軟飯，但係佢從來都冇回應過

更加唔會好似我將要講嘅第三位男藝員咁, hashtag口業 去鬧人

第一位男藝員, 從來冇必要向外人去澄清自己對太太嘅愛

呢啲人就係聰明 ，而且 有修養 ，時間就可以證明一切啦 ，

使乜同你解釋”膠面”就係因為用咗半日時間去做gym啫

而且第一條King個太太貴為一位大家族後人, 為人一向都低調

佢太太從來都對傳媒講係個女仔追個男仔嘅 ，

我自己都好喜歡呢一位男藝員 ，因為佢做戲好好睇好好笑

而且佢太太同一位空姐係閨蜜嚟㗎，嗰位男藝員仲同呢位空姐嘅老公夾份做生意

合資開設食肆， 生意都做得唔錯㗎 ，佢靠自己都搵到兩餐

而且佢太太同佢從來都冇炫富，喺佢哋嘅朋友圈子之中

呢對夫婦咁多年嚟都係模範夫妻，呢位男藝員亦都從來未喺娛樂圈傳歌任何嘅緋聞

雖然佢未遇到呢位女之前，曾經有過一段婚姻

但係我覺得呢啲好正常啫，合則來不合則去

而且亦都唔係咩偷食，咁所以我覺得呢位男藝員呀係值得備受尊重

第二位男藝員被譽為「5億駙馬」， 我傳媒嘅朋友亦都對佢讚不絕口

曾經有記者問過佢，有關人哋稱呼佢食完飯有啲咩回應 ，佢答得好大方得體

：「我就算照顧老婆綽綽有餘，都唔會將我跟外父外母的身家比較，

我希望努力追趕，有一天能有錢過他們啦！」

我傳媒嘅朋友亦都話佢任何人都好好禮貌好客氣，而且為人好低調，佢外父曾經建議叫佢住間豪宅，但係呢位男藝員好有骨氣，同太太繼續住喺佢平時著開嗰間村屋，結婚之後，都係同老婆去排隊食啲平民嘅壽司餐廳，咁其實我又覺得 ，如果大部分女人都希望搵個有依靠嘅男人 ，咁如果一個男人真係愛上一個有錢女都唔係罪。

來到戲肉喇，我講第三位駙馬畀大家聽下, 當晚佢哋喺豪宅嘅私人會所註冊結婚嘅時候，我朋友在場，見到來賓好多都係送上橙色一盒盒嘅名貴手袋，大家都知道係咩牌子啦, 諗都諗到唔係送入門版咁低手啦, 即使送一個幾十萬嘅賀禮，喺上流社會嘅社交禮尚往來，幾十萬嘅賀禮好閒㗎咋，點解呢？平時同你傾生意，如果有利益輸送，分分鐘畀人話貪污，但係趁住呢啲大喜日子，大手筆小小，其實係我哋啲普通市民覺得係大手筆啫，上流社會如果關係搞好啲，下次傾起生意上嚟，分分鐘賺到過千萬甚至幾嗰億都有。

又講返當晚嘅事件啦，新娘子喺宣誓嘅時候，喊到豬頭咁，好感動，男嗰個就冇乜嘢呀，係人都睇得出個女仔好鍾意個男仔 。其實嗰晚都 冇乜嘢特別呀，好似一般有錢人搞event咁啫。

不過我對於呢位膠面男最近喺ig嘅回應，有少少意見畀佢，佢點樣回應呢件事呢？上半段講佢點樣”努力工作賺錢去照顧我老婆”, 其實唔係同我哋公眾講嘅，上半段嘅說話係同佢老婆㗎老豆講嘅，話畀佢聽會好好照顧佢個女，老人家睇到呢啲未放心將個女交畀你囉， 遲下都會將副身家畀埋你啦, 其實你嘅回應去到呢度已經夠 。已經好大方得體 ，但係呢條粉腸 ，下半段就係鬧啲網友嘅 ，鬧啲網友繼續話佢靠乜乜乜啦, 跟住佢就hashtag口業，下面嗰段真係非常之小家啦，over咗呀, 霞姨, 畀多個飯盒佢啦，人哋咁落力。

通常一般最top嗰啲明星, 畀人寫任何嘅負評, 都唔會回應㗎，你睇下王菲、週潤發、梁朝偉、劉德華呢啲最top嘅明星，咁多年嚟畀人寫過嘅負評，全部都唔會回應，係因為你上到咁上下神位，一定有人鍾意撩事鬥非, 睇下你點樣回應，就知道你嘅人品同埋心性，甚至你嘅智商, 所以呢啲咁top嘅明星, 身邊都有一啲好出色嘅經理人教佢哋唔好回應, 亦都可以咁講，都係因為佢哋地位非凡，覺得唔需要理會其他人點樣去批評佢，即係好似有啲人笑李嘉誠帶住隻精工錶，李嘉誠都唔會回應你班傻仔啦，佢自己本身就已經係名牌啦。

過往我嘅工作見到無數嘅有錢人 、同埋有能力嘅人 ，通常都冇好低調 ，你睇下金庸筆下所有嘅英雄大俠 ，出嚟行走江湖 ，通常都唔會隨便拔劍 ，冇必要嘅時候都唔會話畀人聽自己武藝高強 ，如果你話突然之間有啲無名鼠輩走去向呢啲武林高手挑機，通常啲武林高手, 彩佢都費事喇，個個都應酬咩。

By the way , 乜電視台真係咁好搵㗎咩 , 又陀飛輪, 又豪宅,我倒返轉頭要請教下你喎 。咁梗係唔係靠電視台嗰份人工啦 ，藝員搵真錢不外乎係要登台 、剪綵 、做代言人 、拍廣告 ，拍電影、去內地拍劇 ，咁樣先至真係搵到大錢㗎 ，你見阿bosco 同埋阿唱k撈得幾掂?人哋點樣寫佢哋溝女，佢哋都冇惡言相向，學下嘢啦,後生仔 。畀心機做嘢,下年做視帝都有你份呀, 不過就算你攞獎有咩表情，。即使我識得fbi閱讀人哋嘅微表情，我都睇唔到你嘅內心世界，d 透明質酸 落得重手呀，Over曬啦 。下次輕手啲啦 , 唔該 。放多啲心機練好個body啦 ，男人有皺紋 越man㗎, 你睇下三哥 幾有型 ，如果有一日我經過海底隧道 ，抬頭見到你嗰個廣告 ，咁你就成功啦 ，阿愷威 都係咁樣之後冇耐就返咗大陸拍劇, 之後成個樣都唔同曬, 佢都係從來對任何負評冇作出任何評，呢啲咪有條件做最top嗰集星囉。

你咁樣回應d負評，仲要hashtag人地口業，咁咬牙切齒去回應，咁樣證明你去做最top嘅明星仲有一大段嘅距離。學下嘢啦。





?合作邀約請洽
gold7778@gmail.com
https://www.instagram.com/gold7778t/

成為這個頻道的會員並獲得獎勵：
https://www.youtube.com/channel/UCIuNPxqDGG08p3EqCwY0XIg/join

請用片右下角調4K睇片。