🚫嚴禁劇透🚫粗口自行過濾🚫
🚫免批評外表人身攻擊🚫
[1230隔夜超短劇評][TVB][踩過界II][EP08]
✅ 搞笑緊張感動互滲 推動劇情人物關係發展
❎ ---
今集我覺得好睇。係冇乜爆發位，但人物關係推進同案情調查緊扣，寫得好。亦都寫到盲俠佢首次揀委託人利益，唔揀公義，冇咁「神」，愈來愈似人先好睇。不過咁做唔知佢嘅四感洞察人心會唔會受影響。
《踩過界》兩輯最吸引我嘅地方係成功拉我入劇裡面之後，跟住啲劇情情緒起伏。雖然查案嘅橋段有時係夾硬咗啲，但啲緊張、搞笑、感動位轉來轉去都非常順暢。今集阿釵畀人叫阿嫂、阿朱腳軟胃抽筋癲姐頂上拎石向榮DNA、癲姐差啲用個嘴批盲俠都好笑。阿釵救Gogo做人工呼吸嗰幕、許日東前一集講完有期望過得仲痛苦今集自殺再到佢阿媽探病感動。呢啲都係好睇，套劇轉情緒時唔突兀。
今集所有主要角色都因為許日東案而有推進，算係暫時案情同人物關係發展寫得最配合嘅一集。Eva幫盲俠幫到出面，但原來佢一開始咁關注盲俠只係為咗得到簡sir認同？期待之後會講多少少啦，如果唔係嘥咗呢個設定。癲姐迫郭琳一齊淋紅油、寶釵畀人叫做阿嫂之後救Gogo，將三劍俠同郭琳、寶釵嘅關係加強。希望之後嘅case可以喺佢哋嘅關係當中有啲糾纏。
Supporting cast都好重要，龍虎武朱釘5個做氣氛做得好好。反觀對面簡sir律師隊人強馬壯但冇乜嘢安排畀佢哋做好，有啲可惜。
📺 81台 逢周一至五 2130~2230
[演員表] 王浩信 飾 文申俠 / 蔡思貝 飾 趙正妹 / 張振朗 飾 谷一夏 / 張曦雯 飾 邵美娜 / 秦沛 飾 簡紹宏 / 朱千雪 飾 戴天恩 / 姜麗文 飾 江寶釵 / 簡淑兒 飾 郭琳 / 張國強 飾 霍定邦 / 黃子恆 飾 華鎮岳 / 林景程 飾 馬存智 / 徐榮 飾 許日東 / 彭翔翎 飾 程可欣 / 陳國峰 飾 石向榮 / 何佩珉 飾 曾小柔 / 甄詠珊 飾 何美清 / 關偉倫 飾 可欣父 / 祝文君 飾 法官 / 湯俊明 飾 龍 / 謝可逸 飾 虎 / 張明偉 飾 武 / 劉溫馨 飾 朱 / 趙樂賢 飾 窩釘 / 秦煌 飾 趙翔鳯 / 楊依依 飾 許日東母
#1230隔夜超短劇評 #無綫 #TVB #踩過界II #林志華 #黃偉強 #馮日進 #鍾若詩 #王浩信 #蔡思貝 #張振朗 #張曦雯 #秦沛 #朱千雪 #姜麗文 #簡淑兒 #張國強 #黃子恆 #林景程 #徐榮 #陳國峰 #何佩珉 #祝文君 #湯俊明 #謝可逸 #張明偉 #劉溫馨 #趙樂賢 #秦煌 #楊依依
