關於 你搞得我好亂梗圖 ，我們在網路上蒐集到這些相關的討論、資訊與評價

［今日寫呢啲］週末整咗篇「金本位50年死忌」，Patreon讀者反應幾好，但冇乜新讀者，Facebook亦冇乜人理，冇計。

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

Anyway，有人話講下港股，都冇乜好講，我當然仲持有不少，但唔會因為你講多啲就升返嘛。幾時撈得底？開市咪撈得。

正經講，上星期四晚我已經話港股會「入熊」，星期五就開口中，但好易估到啦。重點係，明明7月28日嗰時已經又係高位跌兩成嘅「熊市」喎！於是我就好亂啦。

認真，咁星期一反彈返喎，係咪計熊市結束？即係個熊市維持咗一日？另外，咁7月28日嗰次呢？7月28日至上星期五中間，係咪又熊轉牛再轉熊？你啲咩數牛市嘅，點數？

講到尾，唔係我做煩膠去講點解20%就熊市19%就唔係，而係掉轉，你執著於呢啲嘢先係煩膠。熊市又點？係咪20%就會再跌？咁你見星期一咪反彈咗咯，咁熊唔熊市有乜關係？你冇買股票就熊市。

講返，港股個勢，就梗係弱啦，Patreon入面會同你解。但，轉好之前唔會有人話你知。覺得港股廢嘅，唔好買咯，有幾難？雖然我唔鼓勵你咁做，唔買同沽晒佢又係兩回事（都唔知我表達力低定啲人理解力低）

另外，美股嘅，講過啦，core list上Nvidia ASML BlackRock Google都創新高，絶撚對每隻都至少講過十次（ASML BlackRock應該三十次都有），唔撚係咩求其提過又當中，亦都大把讀者跟買

有人話，扯，其實唔難，咁你標指納指都創新高嘛，你啲嘢有幾隻新高好合理。係丫，咁你有冇買？你創咗新高未？絶大多數人，根本連指數都跟唔到。N咁多今年仲要輸錢呀，實在好想知到底買乜可以買到輸錢。

另外，哈哈哈，垃圾倉都新高！半個月升5%！跑贏晒大市！吼！另外出篇文講。但呢啲只係玩下，3萬蚊，5%先夠我打次邊爐咋。但講真，如果我最初包裝得好啲，買大啲，大鑼大鼓宣傳，搵幾條女坐鎮（幾乎打咗做坐震下，坐下震下，肚仔大過南瓜！常備保丸，感冒唔使拍），拍返段片，再加啲似是而非嘅分析，屌你，我又變細價股股神啦！大把人都信呢啲。但我厭倦，倦也悶，在某天，已拒絶再玩

仲有，學陸東個封面，「我正在買貨」，實在好有型。冇錯，星期二朝早我都會買，港股添，Patreon入面話你知邊隻同點解。但唔係買好多，五萬蚊啦，意思意思。咩位買？CLS啦，一向都唔睇呢啲，除非真係高開50%。一向我都只係market order掃，好心啦，又唔係買五球嘢，使唔使搵個dealer幫你睇實個VWAP呀？

每日一圖，三個。第一個，都唔使故弄玄虛，美股舊年3月23日到而家，一半年，都冇一次10%嘅調整。5%都已經係10月嘅事。而家啲友3%都飛入去的。你仲等調整？點等？等到幾時？舊年3月到而家美股升一個開，唔少公司升幾倍添。又，港股夠大調整啦，你又唔買？港股又話廢，美股又話貴，咁你想點？

第二圖，窮人離婚率高定有錢人高？Patreon話你知，相信你都估到同收入幾有關係。但留意，去到某一個收入水平，開始個分野唔明顯。話時話，之前我寫過篇文（其實譯Economist），講話六皮嘢後，收入再高嘅快樂都唔明顯。有位朋友（我當係朋友啦）在FB貼呢篇文，串話寫嗰個（即係我）肯定都冇五六皮嘢收入喎。我唔知佢係冇睇到作者丫，定睇到都仲串我。不如開名開篇文屌？我不吐不快喎。因為我十年前已經搵緊六皮嘢。

第三圖，如題，你話美股唔跌咩？亞馬遜年年都有10%回調，即使係近十年，差不多每兩年都有次兩三成嘅。但你又買咗未？定一跌又止蝕？咁幾時買返？

Good read三篇，第一篇技術啲，講sector neutral 投資組合。有乜重要？「我揀股叻就得」，不過研究證明股票一半回報嚟自個sector，亦即係揀錯行業你股神都冇乜用，揀啱行業你買中垃圾都得（同我個垃圾食差不多）。教你點去唔好落後大市。

第二篇Good read，就真係講Goodread！好簡單，Goodread等於OpenRice，又或者141啲用家報告。品評書，餐廳，性服務。咁你知有乜問題，就係會有好多人做打手。唔止，仲要有啲仆街冚家鏟，走去特登畀負評，然後返去勒索個作者。畀錢就幫你刪文。唔好以為大陸先有！點解決？我文入面話你知。

第三篇，講為何Bitcoin註定失敗。但留意作者都係認同政府壟斷，應該去中心化之類。佢嘅理據講保護費，遲早政府或商家會搞你，你點都要有啲保安開支。但要應付國家級嘅嘢，你要幾多錢？當1000億美金好未（其實唔多，你可以睇下美國一年幾錢軍費）。問題係，咁樣除落去每個交易，要畀幾錢？

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

［股票101］技術文：匯豐除凈咗唔派息，點算？

多圖，睇medium 版較好。其實出得medium 版嘅都係咁

0. 其實係好入門嘅問題，但我發現原來好多人都冇答案，甚至畀啲錯嘅答案。我都有啲擔心我下面嘅嘢會錯，但過去十幾年其實我諗過好多次（！），所以應該唔會好錯。但真係錯嘅，請諒。可能有啲人又恥笑，嘩頂CFA喎Head of Research喎大行分析員喎財演喎KOL喎大文豪喎咁嘅嘢都唔識。但肯認自己唔肯定，好過扮晒嘢以為乜都識。希望冇錯。

1. 完全101文，我FB寫過兩篇文講匯控減派息
(https://bit.ly/2R2thvl ) (https://bit.ly/3bEMpr6) 。但由零開始呢度睇都OK。個源起係匯控（5）忽然彈弓手，在英國政府使橫手嘅壓力下，今年（2020）唔會派息。有人話政府只係「建議」，我覺得呢啲友好啱去做公務員。你睇返原文講銀行唔自己識做政府就會用監管權力，即係同個賊拎住把刀叫你除衫咁，你「自願」的。唔止，得意在，連舊年（2019）最後一期息都叫停！宣佈埋！除埋凈！都要停。呢下先夠正。下面會詳細解

2. 英國政府呀，肺炎疫情呀，環球銀行監管呀之類，呢篇文唔講。呢度只係集中講小股東最關心嘅問題，亦係呢兩日我見好多人問嘅問題。

3. 問題一：咁都得？合唔合法？答案好簡單，當然係咁都得。公司隨時可以唔股派息。股票從來冇保證過任何嘢，保證一定派息唔派你可以告佢清佢盤嘅係債券。況且，今次仲要係公司想派（應該係），但英國政府使橫手。咁你問英國政府咁做合唔合法？可唔可以告佢？相信係可以的，法治社會嘛—你隨時可以告，不過我相信勝訴機會唔大。而反正匯控啲大股東，一係就嘅貝萊德，即係一堆ETF，咁貝萊德WFC正路唔會同你告。另一就係大陸佬（係喎），平保。咁平保去告你咪只會覺得大陸佬野蠻。所以簡單嚟講，完全合法，冇得告。長大啦香港人，邊個話你知股息一定要派？（至於其實點解股票派唔派息會影響股價，就睇FB文）

4. 然後去到今篇文想講嘅問題。點解舊年嘅息都可以叫停？宣佈咗架啦喎。首先答點解。答案係，點解唔得？宣佈咗，但錢未到你手嘛。一日未到你手嘅錢就唔係你嘅。所以記住出花紅見到舊錢落咗你戶口先好交信話「仆街，大爺我而家唔撚撈啦，而家係我炒你，哈！」。以前有畸屎（當然唔係我）係花紅出支票，都未過數，只係見到個available balance，就有人走去即時炒老細魷魚。結果花紅都畀人截停埋。唔好做啲咁嘅低能嘢。再保險啲，出咗花紅記住提咗出嚟先，或者轉去第個戶口，轉去條女度更佳。

5. 呢度就要講下股票派息101。其實唔難，用恒生做例子。你見舊年業績當然係今年出，2月18。然後佢宣佈派息一股4蚊，去到3月20號你就會收到。相當簡單係咪？比較煩係中間嗰兩個東西

6. 呢度嘅問題嚟啦，留意全世界都係咁上下玩法，非上市公司其實都差不多。就係有一個「截數日」。某某日子或之前，你係股東，你就entitle呢個派息。某某日子後，你就冇。不難明係咪？

7. 所以就有所謂嘅「除凈日/除息日/除權日」。三樣嘢同一個概念，但公司唔止可以派息，可以係派豬肉，或者派其他公司嘅股票（分拆上市的話），或者派非上市嘅股票，咩都有。原則一樣。就係一個cut off date，埋舟日

8. 你見到恒生個表有兩個日子，一個係「除凈／生效日」（就叫除凈日），一個係「截止過戶日」。呢啲就香港嘅產物，聰明嘅你見到實係隔兩日，因為有T+2過戶日，好多地方係冇的。但問題不大，作為小股東你只係留意個「除凈／生效日」就得。

9. 總之記住，除凈日之前（冇個或字，唔好煩）買嘅，有息收。除凈日或之後（有個或字）買嘅，冇息收。

10. 咁就出現一個少少嘅問題。有冇睇《忒修斯之船》？我冇。但我知個題點嚟。忒修斯之船係出名嘅哲學兩難，你架船一路換零件換嘢，去到一日根本所有嘢都換晒，咁仲係咪最初同一隻船？唔係的話，幾時開始唔係？係嘅話，咁咩係「原本隻船」？換咗一粒釘又係咪「原本隻船」？即係你條女話你變晒，唔係以前嘅你。咁但呢刻嘅你同三分鐘之前屙完屎嘅你，係咪同一個你？

11. 同樣道理，除凈前嘅公司，同除凈後嘅，其實都係兩間公司。「即係女都有時婚前婚後兩個人咁」（OK，仔都會咁）。之前買嘅，係「有幾蚊收嘅恒生」，之後買嘅，係「冇幾蚊收嘅恒生」，咁你話同唔同價？

12. 再講實際啲，假想實驗，我當恒生忽然發神經派50蚊特別息。咁一樣除凈。咁我之前買，同之後買，爭好遠喎大佬。但，我係咪要望實幾時除凈？理論上係投資者嘅責任，但實際上會世界大亂，總有啲盲毛買完都唔知，「下原來冇息收搞撚錯呀賠錢？」。OK其實都唔一定係盲毛，基金經理都可能睇漏啦。

13. 嚟啦喎，重點。所以，為免大家混亂，交易所就整咗「除凈」呢樣嘢。記住，重覆多次，為免混亂，交易所整咗「除凈」呢樣嘢，好artificial的！明呢句，你就明晒。

14. 換句話講，冇除凈呢個過程得得？當然係得的。我有得你班友任trade一樣得 ，但到時好亂喎，用恒生派50蚊特別息嘅例子，我買咗但都唔知自己冇份

15. 所以，交易所就會在除凈日，做一樣嘢，叫做「除凈」。記住，除凈日同除凈係兩樣嘢，正如馬超同司馬昭都係兩樣嘢。

16. 好簡單嘅諗法：私人公司唔可以派息？當然可以。咁會唔會有除凈日？當然都會，邊日邊日你在股東名冊咪得。但使唔使特登搞「除凈」？應該唔使，去樂口福食餐飯咪得。

17. 實務上做法，交易所就會將你隻股票，自動減咗個派息銀碼，第二朝開市就冇咗一截。一般交易所都係咁做。仲有啲奇難雜症，供股呀，一百合一呀，一拆三呀，派實物呀，都有式計 (https://bit.ly/2JyKGHW)。鍾意自己慢慢睇，但我勸你唔好。雖然只係CFA基本嘢，「但個撚個質疑埃汾唔識嘢而佢識」

18. 即係話，假想實驗恒生為例，除凈日之前股價可能係130蚊。我當佢派50蚊特別息。第二朝你會見到個開市價係80蚊，同埋會顯示除咗凈。咁即係之前嗰日15:59分 (咪撚拗四點後呀下)，你買嘅係130蚊嘅恒生附加之後收50蚊嘅權利，第二日，你可以平買恒生，80蚊買到，但冇咗收50蚊嘅權利．All else equal，就等價嘅。所以亦唔存在啲人問，「邊日買之前好」，根本一樣（嚴格嚟講收息仲要畀券商抽佣添）。但當然可能隔晚有咩大消息，或者你可以計「佢大半年先派50蚊我咪蝕息（其實係，而國企有啲真係搞半年）」，或者，今次，不幸地，「佢彈弓手我咪仆街」 （＊）

19. 但，再四再五強調。都話，除凈價只係display，只係參考，artificial。實際上係咩影響都冇，亦根本唔存在「有人扣咗我50蚊」。開市價係乜？只係指引。虛嘅。你鍾意你咪130蚊去買！實際上冇人偷咗你啲錢，而交易所就算出錯，唔記得扣，扣多扣少，理論上市場總有聰明人發現，然後市場力量會改正，但當然咁會對散戶好困擾

20. 所以再六再七講，根本就可以唔使有除凈呢回事。本來無一物。只係為咗唔好亂，但冇咗一樣生存到。正如我一拆十都可以唔改，但你又會好亂咁解。仲未明嘅，由頭睇多次篇文

21. 明之後，「就明晒啦」。既然除凈本係無一物，根本亦不存在「蝕咗」，亦不存在要「加返畀你」。

22. 當然你初步問我，其實公司宣佈咗，除埋凈，咁但而家彈弓手。交易所係咪可以反除凈，加返上去？我估理論上係得的。問題係我比較相信存在即合理，冇呢樣嘢，就可能有啲技術問題。同埋可能會畀人濫用。我啲細價股咪可以係咁玩呢個機制，彈出彈入，好似張耀揚開槍射黎姿咁（唔知做乜諗到呢個畫面），鍾意又宣佈下派，之後又話取消，股價玩上玩落？

23. 所以，答案係，根本除凈只係幻象一場，你冇蝕過，亦唔存在有人要補返畀你。交易所個除凈價根本不能enforce 任何嘢，亦都冇人在嗰啲位迫你買或賣。換個比喻。我渣隻騰訊，聽日有人報價1蚊買，我咪唔理佢咯。你去賣畀佢你自己低能啫。咁同樣地，聽日有人1000蚊賣匯控畀我，我一樣可以唔理佢，幻覺嚟咋，你冇贏輸過

24. 當然類似嘅東西唔止出現過一次。我記得以前都有公司試過咁，不過冇咁多人關心。你諗下如果係派其他股票，或者係未上市嘅，或者我畀你優先認購我拆出嚟隻新股嘅，就仲煩。根本冇數得計，自己估舊嘢值幾錢

25. 仲有相似嘅情況，大家都有聽過有啲公司係分拆上市的，但唔集資，亦唔係阿里巴巴咁第二度上市回歸。總之我就有隻嘢分拆出嚟，例如利亞（831 ）分拆聖安娜出嚟上市，或者小企鵝實業（我台灣間公司，已死）分拆小企鵝民宿咁。咁新股就話有定價啫，第二上市嘅阿里巴巴都有個美股參考價啫，如果就咁掟出嚟唔定價，咁個"開市價"係乜？係冇的，自由龍，任玩。但有何問題？

26. 結論：的確，如果有「反除凈」呢個安排，理論上港交所可以幫你mark 返上去—但係咪有幫助？玄啲講（自己領略下），你根本分唔到第二日嘅股價變動，有幾多係因為除凈，有幾多係因為唔派息，有幾多係因為「反除凈」。如果你覺得有人屈走你嗰幾蚊，咁你係咪應該買多啲？錯價是你的機會嘛。

27. 仲有個好得意嘅問題。恒生個圖我貼多次，加埋匯控個圖。心水清嘅就會見問題：做乜兩間公司同一日出業績（個宣佈日期有啲煩，唔解，但同一日出業績的），又好似差唔多時間除凈（其實匯控仲要早啲）。但，恒生就3月20錢已收！匯控就拖到4月14（圖已冇咗，但原本係咁寫）？？？你早早快手派咗錢，財到我手，咪唔會畀英國政府搞到。

28. 答案係，我都唔肯定。但的確係，如果早早派咗息，英國政府應該不可能在你戶口拎返錢，公司亦不能，「最多供股」。所以錢梗係快到自己手好。但控制唔到。點解恒生咁快匯控咁耐？我都唔肯定，你可以問返兩間公司，或者問熟嘅人。但可能係英國法規唔同，可能係股東太多，亦可能只係公司啲鬼慢手腳，或者係公司遲下派息就賺多幾日息。

29. 你睇大陸公司，建行，3月尾出業績宣佈派息，7月頭先除淨，8月先派畀你都仲得。更加正嘅係，供股佢就快快手！個幾兩個月搞掂。其實人之常情，即係你個保險經紀，叫你簽單時你半夜都搵到佢，巴利（？）咁滿場飛，到你要claim 單時就耶耶托尼咁步伐沉重搵極唔見了。正如未上床前啲男仔就隨傳隨到晚晚傾電話都唔煩，上完床後就好快眼訓好易累。係咁架啦。

30. 真係結論：宣佈埋派息除咗淨都可以唔派？梗係可以，有冇英國政府介入都可以，亦有發生過。咁除咗凈點算？答案係冇乜點算。你根本冇蝕過任何嘢，只係你嘅妄念。我屋企隻勞蘇都識講，「菩提本無樹，明鏡亦非台，本來無一物，何處惹塵埃。」。除淨非必要，亦冇扣你錢，本來冇蝕過，唔知嘈乜撚。

31. 最後 ，唔知有冇人發現。原來咁多年我都寫錯打錯除凈個凈字，係三點水的淨。下次改返。

32. 應該冇乜人未做。但真係未like FB Page嘅，去啦。講感情唔使畀錢咩。

（＊）呢段edit過，之前係錯的，冇改，但因為都唔少人睇完發現唔明，甚至問返些牙嘅人，所以改返。不便之處請諒

【最恐怖係，純正香港細路思想都被扭曲】

話說，喺茶餐廳食嘢，加埋小弟住喺一個藍到變深紅嘅地區，聽到有班大叔大媽屌黃絲，正常不過。最初你頂唔順會拎轉面話兩句，講得多你都覺得煩，不如慳返啖氣聽佢哋自high，但今次聽到有個人細鬼大，目測唔係小學都係初中生，同佢屋企人一齊發表偉論。

仔：今日上水一定爆大鑊呀，肯定成班曱甴，我最憎曱甴！最憎曱甴（同時係咁踩地下，相信係扮「踩曱甴」）！搞亂香港！

媽：根本好多細路都係曱甴嚟，成班曱甴呀，已經唔知殺咗幾多個差佬，死傷無數呀陰功！

仔：係呀，我好多同學都係曱甴嚟，我報曬俾老師知架喇，佢哋都殺咗好多警察叔叔，殺人唔啱架。我哋呢個年紀，應該讀好書，賺多啲錢。

媽：咁就乖喇，呢班曱甴呀，又殺人又去打劫銀行，好恐怖，你千祈唔好學呀！

（疑似阿姨）：喂喂喂，咁又唔好咁講呀，邊度有警察俾人殺呀...

媽：我話有就有啦，咁多死因無可疑呀，根本全部都係差佬嚟，佢哋唔想外界咁傷心，先唔公佈身份咋！

仔：係呀，我班同學都認殺咗好多警察叔叔。（聽到我即刻覺得好花生，都好明顯好多茶記人都聽緊）

（疑似阿姨）：唔好亂咁講呀，呢啲嘢唔係講笑亂咁認，好大鑊架！

媽：唔好話殺唔殺啦，總之曱甴就唔啱！出嚟遊行都唔啱！

（疑似阿姨）：（疑似暗黃）咁人哋有遊行權利，有不反對通知書，都有好多市民係和平遊行架喎。

媽：依家遊行就係唔啱，政府叫你做咩就做咩啦，遊行就唔啱！

仔：係呀，我同我班朋友都唔會去遊行，我哋小市民就要聽政府話，我哋又唔係管治果個，有咩資格發表意見？我同啲同學仔呀，放假一齊打吓機、食吓嘢，不知幾開心，再唔係，返學校補課都好丫！出去遊行一來犯法，二來又嘥時間。

媽：咁就啱喇。正義唔係咁樣表現嘅，呢個年紀讀書最重要！

仔：我都係個正義嘅人，我嘅「正義」就係同曱甴割席！正義，就係要支持警察叔叔！過多幾年，我夠年齡會出嚟做part-time，賺錢俾媽媽！遊行又冇錢賺，遊行嚟做咩呢？搵食最緊要呀！

媽：梗係唔係啦！遊行有錢賺架！殺一個差佬好多錢架，有安家費！

仔：吓真架？！（雙眼發光）

（疑似阿姨）：喂，咪教壞你個仔啦！

媽：我講事實姐！

仔：真架？係咪真架？有錢賺架？賺幾多呀？係咪唔駛16歲都賺得？

我對面個哥仔同我一齊偷聽，笑到gapgap聲，我冇再聽落去，只知道，一個潛力殺人犯，就此誕生。

一直以嚟，聽到上一輩講呢啲奇怪言論，好正常，就算聽到細路講，多數都係「新香港人」嘅細路，聽到一個睇落係純正香港人，個仔都似係純正香港人，教到有咁樣思想，我覺得好恐怖。

人細鬼大，聲都未變仲係細路聲，自己滿腦子歪論就當係啱，其實屋企唔好好教佢，到頭來個腦都係得個「賺錢」二字，唔好滿口正義啦唔該。

－－《殺人犯》截圖

🌟第6屆「晞。觀影記事」讀者電影投選現已接受投票，請即參加：http://bit.ly/2SXmUva

‼最後機會‼小弟執筆之原創小說已賣剩最後一批，售完即止，請即訂購：http://bit.ly/2PKXYFA

【IG請follow】www.instagram.com/travelerwithmovie

【梗你報新聞】2020-OCT. WEEK 3
你把我搞得好亂啊！《蜘蛛人3》消息總整理
.

▶ 收看YouTube（單篇）影片：
https://youtu.be/dxmQKV8casM

▶ 收聽完整 PODCAST內容（長版）收聽：
https://open.firstory.me/story/ckgiye9y1ymvy0875silrwmco
.

不要再相信那些沒有根據的說法了！

近期準備開拍的《蜘蛛人3》，可說是八卦媒體爭相追逐報導的對象；近期在網路上更傳出《蜘蛛人3》終將出現湯姆霍蘭德、安德魯加菲爾德，以及陶比麥奎爾三種版本的蜘蛛人將會同台演出，許多人信以為真；索尼甚至大動作出面闢謠陳清。這項三代蜘蛛人同堂的消息，最早來自一個名為Fandomwire的媒體獨家紕漏，但這家惡名昭彰的媒體，可信度不高，因此ET Canada向索尼影業發言人致電確認，得到「這項消息沒有經過確認」的回應，讓人更加好奇，若是假新聞，何必在不否認的情況下說出如此帶有保留空間的回答呢？
.

目前有關《蜘蛛人3》的確定消息，包括班奈迪克康柏拜區所飾演的奇異博士，以及傑米福克斯所飾演尚未確定的反派外，其他傳聞包括蜘蛛人三代同堂、湯姆哈迪飾演的猛毒加入，找來湯姆克魯斯飾演平行時空的鋼鐵人等，都是未經證實的假消息。值得注意的是，電影的官方推特帳號在這個節骨眼上分享了一張三代蜘蛛人同框的惡搞迷因圖片，又讓不少影迷不懂索尼到底葫蘆裡賣什麼藥。
.

目前《蜘蛛人3》已經開拍，有網友傳出在拍片現場看到雅各巴特倫、「梅嬸」瑪麗莎托梅，而蜘蛛人湯姆霍蘭本人可能還在拍攝《秘境冒險》仍未回到北美。現場維安也是滴水不漏，目前仍未有任何場邊側拍流出。電影目前暫定2021年12月17日上映，隨著本片正式開拍，副標題也有望於近期曝光。
.
.

大家看到這則追蹤新聞有什麼想法呢？
歡迎留言分享與我們討論唷！
.
.
新聞編輯：Jericho
https://www.youtube.com/channel/UCf2HdIoWMM0Ip4VtXd35gRQ

新聞提供：影劇好有梗
https://www.facebook.com/FILMemesTW

**************
歡迎加入【 有梗電影俱樂部 】臉書社團，不錯過任何電影實體聚會與活動喔！（需回答問題審核）
.
也別忘了按讚追蹤更多不同平台內容唷！
📣 PODCAST：https://open.firstory.me/user/xxymovie
📣 YouTube：http://pcse.pw/9ZNYT
📣 IG：xxy_djfishmb
📣 XXY @方格子 https://vocus.cc/user/@XXY2018

#新聞 #電影 #影視 #梗你報新聞 #迪士尼 #漫威 #索尼 #蜘蛛人 #spiderman #sony #disney #marvel