【《加勒比海盜》最好玩版本】
有讀者朋友講起，話睇完我篇文先知原來《加勒比海盜》係改篇自迪士尼嘅機動遊戲（同樣地《鬼咁多大屋》都係改篇自樂園同名遊戲"The Haunted Mansion"，當然少不了「迪士尼招聘電影」《明日世界》啦），覺得點解咁流都可以改篇到，亦問我做乜咁流都介紹。
的確，我都覺得Orlando同LA果個好流（未去過東京，但相信都係一樣），所以我都冇講過，但可能大家記錯啦，我之前介紹嘅係上海果個，既然有人問起，我都簡單講多次。
玩過美國果兩個《加勒比海盜》流流哋，原本都冇諗住玩，但當日熱熱地行過又見佢排得五分鐘，就諗住入去涼陣冷氣，嘩點知完全估你唔到！成件事就等同於Universal Studios嘅《蜘蛛俠》／《變形金剛》／《哈利波特》，但呢個係水上版，唔單止會俾你親歷海盜激戰（仲有爆炸效果），幾場巨幕影像即使冇3D都震撼迫人，可能事前完全冇期待，好玩到一時之間招架不住，眼界大開！
雖然電影係改篇自最原始美國果個，即係好似小小世界咁俾你坐下船睇下海盜生活唱下「Yoho Yoho a pirates life for me」，當日玩仲要排45分鐘出嚟真係屌一聲，但嚟到上海改良版，玩落真係誇啦啦。
拿，我純粹解答問題，有果句講果句，唔好又話我 #你條仆街一定收咗阿爺錢，或者媚共維穩就返大陸啦。
