關於 係咁上下㗎喇 ，我們在網路上蒐集到這些相關的討論、資訊與評價

情況就同Ryan整玉子燒一樣
不過我今次係整曲奇
第一次整 啲曲奇個樣係咁上下㗎喇😸
#我老婆試食完話好味喎
#奶油曲奇
#發夢發到曲奇餅第二日就去整

【反應熱烈 即將減場喇！】
#全港首個沒有黃牛的演唱會
楊千女化十2020全院滿座演唱會主題曲
《#紅孩子》
原曲：#野孩子 #楊千嬅
改詞：丫文 ＠二次音樂

就算歌迷依然忠誠　
貴飛依然只賣三成
將開Show 預售白了果 停滯過　
大家實在十分清醒

維尼獲得你的尊敬
無視太親共的罪名
都知有這結果　誰能攔住我
學會於中國馳騁

明知我這種紅孩子　
有show 出撈銀紙
便懶理旁人 去撐警察 開槍有意思
朝朝暮暮鬧爆 IG 誰人唔服我
為咗身家抱住 或者必需如此

許多黃牛 放棄搶購 行情仍如此　
親習大大就是一種最壞名字
我最愛国 維尼萬歲 親中的女孩子　
如賤價售出都不介意
--------------------------------
#已經唔想再畫
#是旦啦 #咁都幾靚呀
#好襯呀 #係咁上下㗎喇
#二次音樂 #改詞 #黃牛 #演唱會

你必須非常努力，才能看起來毫不費力～

呢兩句係我近年嘅生活態度。

早排去旅行，同事咁樣講：「你就好啦，又去旅行，點解你啲假好似用唔完咁嘅？」

如果係幾年前聽到呢句說話，我諗自己已經大爆發㗎喇，不過佢好彩呀，阿叔收咗火，但長了智慧。

我：「梗係啦！呢個quarter爆晒數，唔飛點對得住自己呀。」

你日日食lunch食兩個鐘，遲到早退樣樣齊，一個月兩日sick leave係最低消費，我用唔完啲假？真係拍馬都追唔上你啦！你自製假期都一年12日，仲有本身啲大假。

正面抽擊大家無癮，老細都未出聲，你走嚟加多句做乜啫，貴姓呀你？

Office有好多人係咁，準時放工又會話：「你就好啦！」升職又會話：「你就好啦！」出Trip又會話：「你就好啦！」辭職又會話：「你就好啦！」

我梗係好啦！因為我付出努力嗰陣你就玩緊hea緊，見人哋收成就唔抵得，淨係睇到個結局，完全睇唔到人哋奮鬥嘅過程，我比你好絕對應份㗎喎，所以聽到呢啲唔使激心，直接展示你值得佢哋羨慕嘅一面，佢chok住條氣好過我哋自己chok住條氣吖嘛。

公司有個女同事Vanessa似乎都深明此道，每次佢食得好清淡嘅時候，就會有人講：「你就好啦！又慳唔少喇。」而當佢6點收工換衫去做gym嗰陣，亦都經常聽到：「你就好啦，唔使OT可以晚晚做運動。」

Vanessa次次都一笑置之，唔通舉手話畀老師聽，呢幾個同事成日喺個位煲劇，office hour唔做野，6點後先趕頭趕命扮加班搏讚賞咩！我哋都唔係小學生喇，付出努力唔係為咗做畀人睇，最緊要同自己有交代。

有次我忍唔住要玩Vanessa：「你就好啦，食極都唔肥，羨慕死人咩。」佢完全get到我講咩，可能大家磁場相近啦！而家我哋friend咗，仲會交流下搵客、搵candidate、做運動，仲有keep fit嘅心得，因為我人生最大嘅障礙就係減唔到重，其實忍唔到口又受唔住誘惑，個結局就係咁上下㗎喇。

Vanessa就介紹咗法國品牌Oenobiol Paris, Hong Kong嘅Topslim Drainer 畀我，呢隻強效去水腫配方只要每日一包，就可以做到燒脂去水腫，溶於清水中就飲得，幾忙都keep到啦！佢含天然萃取物，再配合飲食同埋運動，咁先瘦得至夠健康。

好多人只係睇到你6點放工，但就睇唔到你office hour內幾咁努力。

好多人只係睇到你又去旅行，但就睇唔到你平時儲錢係咁幾咁努力。

好多人只係睇到你瘦咗，但就睇唔到你背後嘅堅持同努力。

唔緊要㗎！就係要好似出咗三成功力已經達標，等佢哋羨慕到瞓唔著。

你必須非常努力，才能看起來毫不費力。

由7月19至25日期間喺屈氏臣購買更即享優惠價$500/2件，咁都未算，將買2件嘅有效收據影張相，以WhatsApp send去5574 0105呢個號碼，按指示完成登記，就會寄一套【 Oenobiol 幻彩極光Topslim Time陶瓷杯禮盒】畀你，名額有限，送完即止！活動詳情可以睇呢度：http://bit.ly/2IUDk2n

有冇諗過喺屋企都可以食到新鮮香噴噴嘅古祖味蛋糕呢？今日就同大家介紹下！

首先睇睇材料：
牛奶 50 ml
植物油 30 ml
蛋 3 隻
砂糖 40 g
低筋麵粉 60 g

首先將3隻雞蛋嘅蛋白同蛋黃分開。之後喺3隻蛋黃果面，落30ml植物油，50ml牛奶，再將60g嘅低筋麵粉過篩，就可以開始攪拌，只要攪拌到成形，咁上下杰就ok。至於蛋白果面，我哋要落40g砂糖落去，再用攪拌機打到發為止。

完成之後，我哋就可以將兩個碗材料撈埋一齊再攪拌，變成漿狀之後就可以倒入模，放入氣炸鍋，用160度氣炸5分鐘，拎一拎出嚟喺中間劃兩刀，再放入氣炸鍋用150度氣炸15分鐘，搞掂！

焗完之後，我哋可以拎一支籤出嚟篤一篤蛋糕，如果冇嘢黐住，即係蛋糕已經熟晒，跟住就可以上碟喇！

俾多個貼士大家，如果雞蛋之前有雪住，記得將蛋放到室溫先好用，因為太凍嘅蛋白有機會打唔起㗎！

呢個古祖味蛋糕一出爐真喺好香，食落軟熟，好有蛋香味，絕對唔會比街外蛋糕店輸蝕，你仲唔快啲試下！

#口業 #膠面 #膠面 #軟飯 #botox #娱乐01 #即時娛樂
駙馬3條KING
Hello大家好, 我係阿Tsar, 今日又爆獨家消息畀大家聽下
我阿Tsar出嚟行走漿糊, 又點只識得一個娛樂圈嘅朋友呀
今日要講呢三位主人翁，唔係全部負評嚟嘅，

頭嗰兩位駙馬值得讚，最後嗰位係最近熱門新聞人物,

就係最近畀人話佢膠面、醜男 、食軟飯嗰位 。

因為我有朋友喺佢上年嘅豪宅註冊在場其中一位賓客

為咗保護證人 ，我當然唔會話畀你哋聽佢係咩身份呀

首先講第一位先啦，好早期喺”嫁”咗畀個有錢女

我用個”嫁”字, 大家都明，唔需要再詳細解釋

雖然呢位男藝員一路畀人話佢食軟飯，但係佢從來都冇回應過

更加唔會好似我將要講嘅第三位男藝員咁, hashtag口業 去鬧人

第一位男藝員, 從來冇必要向外人去澄清自己對太太嘅愛

呢啲人就係聰明 ，而且 有修養 ，時間就可以證明一切啦 ，

使乜同你解釋”膠面”就係因為用咗半日時間去做gym啫

而且第一條King個太太貴為一位大家族後人, 為人一向都低調

佢太太從來都對傳媒講係個女仔追個男仔嘅 ，

我自己都好喜歡呢一位男藝員 ，因為佢做戲好好睇好好笑

而且佢太太同一位空姐係閨蜜嚟㗎，嗰位男藝員仲同呢位空姐嘅老公夾份做生意

合資開設食肆， 生意都做得唔錯㗎 ，佢靠自己都搵到兩餐

而且佢太太同佢從來都冇炫富，喺佢哋嘅朋友圈子之中

呢對夫婦咁多年嚟都係模範夫妻，呢位男藝員亦都從來未喺娛樂圈傳歌任何嘅緋聞

雖然佢未遇到呢位女之前，曾經有過一段婚姻

但係我覺得呢啲好正常啫，合則來不合則去

而且亦都唔係咩偷食，咁所以我覺得呢位男藝員呀係值得備受尊重

第二位男藝員被譽為「5億駙馬」， 我傳媒嘅朋友亦都對佢讚不絕口

曾經有記者問過佢，有關人哋稱呼佢食完飯有啲咩回應 ，佢答得好大方得體

：「我就算照顧老婆綽綽有餘，都唔會將我跟外父外母的身家比較，

我希望努力追趕，有一天能有錢過他們啦！」

我傳媒嘅朋友亦都話佢任何人都好好禮貌好客氣，而且為人好低調，佢外父曾經建議叫佢住間豪宅，但係呢位男藝員好有骨氣，同太太繼續住喺佢平時著開嗰間村屋，結婚之後，都係同老婆去排隊食啲平民嘅壽司餐廳，咁其實我又覺得 ，如果大部分女人都希望搵個有依靠嘅男人 ，咁如果一個男人真係愛上一個有錢女都唔係罪。

來到戲肉喇，我講第三位駙馬畀大家聽下, 當晚佢哋喺豪宅嘅私人會所註冊結婚嘅時候，我朋友在場，見到來賓好多都係送上橙色一盒盒嘅名貴手袋，大家都知道係咩牌子啦, 諗都諗到唔係送入門版咁低手啦, 即使送一個幾十萬嘅賀禮，喺上流社會嘅社交禮尚往來，幾十萬嘅賀禮好閒㗎咋，點解呢？平時同你傾生意，如果有利益輸送，分分鐘畀人話貪污，但係趁住呢啲大喜日子，大手筆小小，其實係我哋啲普通市民覺得係大手筆啫，上流社會如果關係搞好啲，下次傾起生意上嚟，分分鐘賺到過千萬甚至幾嗰億都有。

又講返當晚嘅事件啦，新娘子喺宣誓嘅時候，喊到豬頭咁，好感動，男嗰個就冇乜嘢呀，係人都睇得出個女仔好鍾意個男仔 。其實嗰晚都 冇乜嘢特別呀，好似一般有錢人搞event咁啫。

不過我對於呢位膠面男最近喺ig嘅回應，有少少意見畀佢，佢點樣回應呢件事呢？上半段講佢點樣”努力工作賺錢去照顧我老婆”, 其實唔係同我哋公眾講嘅，上半段嘅說話係同佢老婆㗎老豆講嘅，話畀佢聽會好好照顧佢個女，老人家睇到呢啲未放心將個女交畀你囉， 遲下都會將副身家畀埋你啦, 其實你嘅回應去到呢度已經夠 。已經好大方得體 ，但係呢條粉腸 ，下半段就係鬧啲網友嘅 ，鬧啲網友繼續話佢靠乜乜乜啦, 跟住佢就hashtag口業，下面嗰段真係非常之小家啦，over咗呀, 霞姨, 畀多個飯盒佢啦，人哋咁落力。

通常一般最top嗰啲明星, 畀人寫任何嘅負評, 都唔會回應㗎，你睇下王菲、週潤發、梁朝偉、劉德華呢啲最top嘅明星，咁多年嚟畀人寫過嘅負評，全部都唔會回應，係因為你上到咁上下神位，一定有人鍾意撩事鬥非, 睇下你點樣回應，就知道你嘅人品同埋心性，甚至你嘅智商, 所以呢啲咁top嘅明星, 身邊都有一啲好出色嘅經理人教佢哋唔好回應, 亦都可以咁講，都係因為佢哋地位非凡，覺得唔需要理會其他人點樣去批評佢，即係好似有啲人笑李嘉誠帶住隻精工錶，李嘉誠都唔會回應你班傻仔啦，佢自己本身就已經係名牌啦。

過往我嘅工作見到無數嘅有錢人 、同埋有能力嘅人 ，通常都冇好低調 ，你睇下金庸筆下所有嘅英雄大俠 ，出嚟行走江湖 ，通常都唔會隨便拔劍 ，冇必要嘅時候都唔會話畀人聽自己武藝高強 ，如果你話突然之間有啲無名鼠輩走去向呢啲武林高手挑機，通常啲武林高手, 彩佢都費事喇，個個都應酬咩。

By the way , 乜電視台真係咁好搵㗎咩 , 又陀飛輪, 又豪宅,我倒返轉頭要請教下你喎 。咁梗係唔係靠電視台嗰份人工啦 ，藝員搵真錢不外乎係要登台 、剪綵 、做代言人 、拍廣告 ，拍電影、去內地拍劇 ，咁樣先至真係搵到大錢㗎 ，你見阿bosco 同埋阿唱k撈得幾掂?人哋點樣寫佢哋溝女，佢哋都冇惡言相向，學下嘢啦,後生仔 。畀心機做嘢,下年做視帝都有你份呀, 不過就算你攞獎有咩表情，。即使我識得fbi閱讀人哋嘅微表情，我都睇唔到你嘅內心世界，d 透明質酸 落得重手呀，Over曬啦 。下次輕手啲啦 , 唔該 。放多啲心機練好個body啦 ，男人有皺紋 越man㗎, 你睇下三哥 幾有型 ，如果有一日我經過海底隧道 ，抬頭見到你嗰個廣告 ，咁你就成功啦 ，阿愷威 都係咁樣之後冇耐就返咗大陸拍劇, 之後成個樣都唔同曬, 佢都係從來對任何負評冇作出任何評，呢啲咪有條件做最top嗰集星囉。

你咁樣回應d負評，仲要hashtag人地口業，咁咬牙切齒去回應，咁樣證明你去做最top嘅明星仲有一大段嘅距離。學下嘢啦。





?合作邀約請洽
gold7778@gmail.com
https://www.instagram.com/gold7778t/

成為這個頻道的會員並獲得獎勵：
https://www.youtube.com/channel/UCIuNPxqDGG08p3EqCwY0XIg/join

請用片右下角調4K睇片。

【2021新機】小米POCO M3 開箱 Xiaomi PocoM3 Pocophone

小米旗下嘅品牌POCO一直都以性價比高見稱，除咗旗艦系列之外，POCO M3以低於港幣1000蚊嘅價錢賣街，配置就超晒入門級數！睇Spec就好OK喇，今日就同大家做個開箱！

部機嘅尺寸同 iPhone 12 Pro Max差唔多，機背嘅皮革設計睇落亦唔似一般入門機咁「膠」。6.53寸嘅LCD Mon唔算失禮，不過水滴屏幕睇落就無開孔屏幕咁高貴。呢部機有內置64GB同128GB兩個選擇，支援2張Nano-SIM同1張外置記憶卡嘅真三卡設計，咁就唔怕空間唔夠用啦！

試埋部機本身先，POCO M3用咗高通Snapdragon 662 處理器，比起入門機通常用嘅4系處理器高級，記憶體方面亦有4GB，足夠大部份情況嘅使用。首先等我試吓開多幾個App睇下部機掂唔掂先！表現正常，無Lag嘅情況！無論睇片定係有多行走馬燈嘅新聞資訊節目，一樣唔Lag唔窒，以呢個入門價位嚟講，當然收貨啦！

POCO M3嘅相機又掂唔掂呢？以正常嘅相機模式影張相先！雖然冇自動對焦， 不過 影出嚟嘅效果算唔錯同實在，再放大睇睇，Detail位雖然唔係完全保留，但就無好模糊嘅情況。俾多兩張夜景相大家睇睇！ 收貨！

再試一試個上網表現。用Speedtest測試4G嘅速度，連接Wi-Fi方面，呢部機雖然唔支援Wi-Fi 6，但Wi-Fi 5 即係 802.11ac 嘅速度都唔差㗎！

呢部機嘅插頭用咗USB-C，喺入門機嚟講算一大進步，因為咁亦都支援18W嘅快充，配合6000mAh嘅大電，用咗部機做Second Phone幾日，收發下工作WhatsApp、睇下Youtube、上下社交媒體同埋做下Speedtest，用咗日幾睇番仲有40%以上嘅電，電量表現一流！

另一個加分位係部機嘅指紋辨識放喺機身側邊開關掣，用喺上來我覺得方便過在放喺機背，亦唔影響機背嘅設計，值得加許！

呢部機64GB版本官方價係HK$949，128GB版亦只係HK$1049，自己做Second Phone定買俾屋企人用，都係一個好選擇！

#POCO M3 #PocoM3 #XiaomiPocoM3