【一條意洋腸嘅誕生】
如果有人問我係咪鍾意食洋腸，我會話係啊！尤其係意大利腸，更令我進入忘我境界，咪就係會令我一次過車半條嘅「意媽牌Salami意大利腸」囉！
嗚啊！開工喇~開工喇！一年一度奶奶搓腸嘅日子又到喇！每年奶奶佢哋幾姊妹夾份一人買一隻豬仔9月開始養，經過3個月嘅悉心照料，啲豬仔眨吓眼嘭一聲發脹咗三倍！到咗12月，幾姊妹就要喺嚴寒零度下開始一連7日嘅大龍鳳(要揀冬天先做因為低溫令豬肉唔會變壞)。
講起搓腸就大陣仗咯………
喺意大利由於人道問題，呢度喺養殖場以外嘅豬只可槍殺，唔可以湯頸。於是意媽要聘請一個醫生預早兩日嚟做檢查出證書，同埋兩個屠夫負責極速9秒9將啲豬血放哂佢否則豬肉會發臭。善哉善哉🙏，接住落嚟嘅先係戲肉！
製腸過程一啲都唔簡單……
首先，分開唔同部位做唔同豬產品：豬脾就做火腿ham(Prosciutto)，豬耳啊手手腳腳啊同尾巴呢就急凍留嚟聖誕新年煲湯飲，豬腩呢就要嚟焞，其餘嘅小量肥高同肉肉就攞嚟做Polpette(意大利肉丸)同埋Salami香腸㗎喇！啲ham同腸仲要額外幾日用煙燻風乾，再掛足。3-4個月去發酵(俗稱藕熟佢)，最後再抽真空保鮮處理，咁就可以食到出年冬天。
大家喺「sit啲叔爬」揾到嘅ham同意大利腸，總會有層「衣」包住，先唔講層衣係用真豬腸皮造還是用膠造，坐得飛機空運十幾個鐘再加埋陸路運送，話你聽完全冇防腐劑你信嗎？但意媽自家飼養嘅豬豬，每日都食新鮮煲嘅蕃茄薯仔蘿蔔羹，定期幫佢哋洗白白，可以話係好食好住到養人仔一樣啊！所以意媽出產嘅意大利腸同ham絕無添加、有機到冇朋友！
聽意佬講，原來意媽養豬都有段故。二次世界大戰後，經濟蕭條百物騰貴，意佬公公一家每年用僅存積蓄買下一隻豬。一隻豬可足夠養活一家五口成年㗎😯佢哋連豬毛都唔會浪費，儲埋一堆賣俾工廠做油漆掃！
就係咁，奶奶將呢個家族傳統承傳了半世紀。手造意大利腸呢門手藝喺現今社會係完全冇經濟效益，即係話奶奶佢哋呢代意大利主婦，已近乎係末代傳人。奶奶每逢轉天氣就周身痛，但仍堅持手造腸，因為話想我哋食到最安全最天然嘅豬肉喎。佢呢吓用心良苦，我哋唔想佢老人家做到背脊都攣埋叫佢唔好再做改為去超市買，又唔洗喺屠房搞到自己臭崩崩。但係奶奶自家製嘅凡間極品腸，只係諗吓如果冇得再食已經會患上抑鬱，真係好鬼忐忑。
睇嚟除咗意佬永遠擺唔到入口嘅廚師腸，我要叫意佬練定去接受德國腸，珍寶腸，香港臘腸，孖膶腸同粉腸先得。
#HomeMadeSalami
#prosciutto #火腿好食過ParmaHam
#奶奶絕世功夫 #意腸背後的血淚屎
#全有機無添加 #得意洋洋腸
#舟車勞頓旅行必備
#一腸在手看門口
#世界各地任我走
全有機無添加 在 臺灣首款#無添加【100%有機綜合蔬果汁】 新鮮上市販售囉 ... 的推薦與評價
家樂福全台各大門市 武高田農村好物網: https://www.wkt.com.tw/. ... <看更多>