【Balance Bike Park @New Town Plaza 新城市廣場 】
🌟 商場外的平衡車公園
直線、平路已經滿足唔到澄兄嘅平衡車癮，屋企附近俾踩平衡車嘅地方又唔多👉🏻👈🏻。
知道 #新城市廣場 開咗個 #平衡車公園，仲要係 #免費 開放 俾2-6歲(身高80-120cm) 嘅小車手，梗係同澄兄去留低幾條腳毛😆！
以 #野外叢林 為主題，有非洲象🐘、長頸鹿、犀牛等野生動物，澄兄喺森林飛車探險好刺激啊！
我地仲用 The Point by SHKP 500分換咗恐龍車貼，同 #個人化車牌，可以整澄兄個名，一定唔會同人撞車款啦。#DIY愛車貼貼樂 有8款靚靚車貼架！(只適用於Strider車款)
賽道大約2米闊， #多個轉彎位，仲有兩個 #小斜台，啱晒初學得黎又 #想有少少刺激嘅車手！車道兩旁欄杆都包上 #防護欄，地面係膠面，媽媽可以放心兼放手俾小朋友踩車！
⛑️ 頭盔要戴，口罩都記得要戴呀。
🌟 登記成為 The Point 會員就可以免費預留入場證，每場次 15分鐘，亦有少量 walk-in 名額。
#冇車點算？
新手或者路經想玩但冇帶車都唔怕，The Point by SHKP 會員用500分就可以 #借平衡車同保護裝備😉。（即時免費登記成為會員，即場送你500迎新積分，便可即時租借平衡車及保護裝備）
#識少少想學多少少？
有經驗嘅小車手，可由7月18日起，每逢星期六、日及公眾假期以優惠價$30元登記「週末Fun Ride」，租借平衡車及保護裝備，會有 #駐場助教 提供簡單指引，提升你嘅技術！
同期亦有 #暑期課程「Little Riders週末追風學堂」，由兒童戶外玩樂專家 Jollymap主理一系列涵蓋平衡車體驗班單節、親子基礎、基礎探索班（初班）及技術提升班（中班）嘅平衡車專業教學課程，詳情到 www.jollymap.com 了解及報名。
Jollymap.com 快樂地圖
🚲🔸🚲🔸🚲🔸🚲🔸🚲🔸🚲🔸
Balance Bike Park @ New Town Plaza
📅 開放日期： 即日起
🕛 開放時間：上午7時至晚上10時 (上午11時至晚上7時為平衡車試玩時段，需預先網上登記)
📍開放地點：新城市廣場1期3樓平台
#NewTownPlaza #新城市廣場 #BalanceBikePark #平衡車公園 #香港打卡 #BalanceBike #平衡車 #澄兄湜弟去邊玩
冇車點算 在 [新手養車] 車車無哂電死火，點算好？ 善用迷你過江龍 - YouTube 的推薦與評價
車電一般用了兩三年可能都會開始出現問題，例如：突然無電開不動引擎，又或者在行駛中停車時突然冇電， ... [新手養車] 車車無哂電死火， 點算 好？ ... <看更多>