閣過兩工，2019著欲結束啊，有一件代誌真值得甲己歡喜，彼著是我完成了-教育部台語能力認證，這嘛是我從事台語工課十一年來，一直感覺礙虐的所在，進前我一直佇思考，到底甘有需要用考試來証明甲己的母語？當然嘛有朋友是激烈反對，毋過我路尾e決定，猶是想欲支持政府所推動的母語教育政策。
台灣人上需要團結，逐工e冤家量債祙予母語活起來，我用行動來表達對母語e敬意，若是你認同，嘛邀請你同齊推廣你的母語。
這擺我甲太太作伙報名，著是因為阮愛台灣，嘛感謝台語予阮了解甲己的文化，嘛是母語才會當予咱熟似甲己是啥人。
食果子拜樹頭本晟著應當做。
冷冷的冬天，收著通過考試e証書，心內嘛開始燒熱。
#合照是阮後生細輪仔幫阮翕e相真有意義。
#考試e全勤紀念品真讚毋甘用
