我之前講過幾次，呢兩屆政府做得最差嘅係佢地好on9咁DQ晒啲後生仔，大陸叫你消滅香港民主，唔係真係直接DQ晒就會無民主架！
你地係咪無晒商界人材，得返班劏房友？打低競爭對手的方法並唔一定係要對方執粒，也可以係全面收購對手。你睇下在體制內嘅反對派幾乖？在立法會同你打生打死係一回事，某些議員收左工連自己結婚都會請埋民建聯，仲會一齊開心大合照。呢啲就係成功馴化的反對派，也是政府最應該圈養的一群，小罵幫大忙，等大家覺得自己的聲音被聽見，正所謂禁不如疏，自然長治久安。只要你餵得佢地夠肥，他們還會為保自己的利益去自動吃子，那需要政府自己弄髒雙手？
好啦，DQ 左Gphone拉埋佢坐牢，諗住佢會失去政治能量從此日日唉聲嘆氣，由gphone變iphone（Sor... 搞下gag姐）? 泛民有一句說話係真嘅：坐監真係會令你嘅人生更精采，但佢漏左一句，就係「若果你是政客的話」。你能被極權政府抓去坐監，大概是政治界的人權獎了，在本地當然無用，但拎住「香港回歸後最年輕政治犯」這個title，在國際社會上就很精采了。
不要忘了，你就算再唔妥gphone都好，佢都係上過Times封面的萬人敵，不是在香港出入馬會的尊貴議員、也不是在網上吠來吠去的KOL（例如我）能比擬的。你覺得自己有影響力嘅話，你試下同佢一齊去美國國會門前行個圈，睇下班記者會幫邊個影相？
你可以話佢係小政棍，我會話他可圈可點，但誰也不能否認他隨時比任何一個特區官員，在外國更有政治能量。
好啦，你DQ佢嘛，咁佢咪出去闖囉，依家你係咪仲頭痕呀？你最on9嘅嘢，就係將啲司長位俾晒建制、俾左垃圾桶，呢班人本來就無本事可言，簡單來說就是做人唔精做鬼唔靈，你就算俾啲三四等嘅位佢地，佢地都會奶架啦。點解唔將啲靚位留返去收買人心，而係拎去餵狗？
孤陰不生、獨陽不長，一個政府缺乏「反對派」，終究是不行的，對政府來說他們是「必要之惡」。光是有容乃大是不足夠的，你還要有包容到底的器量，不是你成日話要聽年輕人的聲音，但講唔夠兩句又拉又鎖又叫人港獨廢青，有容乃大還需要堅挺到底，否則你望下鄭司長那對慘不忍睹的法律罅，真係要學超人講句：何堪再摘？
#你唔好俾我批死
#佢遲早入聯合國
#到時候你仲頭痕
到時候你仲頭痕 在 容易黏得歪七扭八➰，唔小心仲會癡返轉頭，真係幾頭痕 ... 的推薦與評價
... 到貨⏰ 市面上大部分都係一卷卷嘅雙面膠⭕，容易黏得歪七扭八➰，唔小心仲會癡返轉頭，真係幾頭痕 ！ 呢個時候，你就需要呢個3M Scotch雙面膠紙啦 ！... ... <看更多>