《嚇死HR之「唔該我想呃婚假」》
薯仔公司最近有位入左職幾個月嘅同事打嚟問左我一個好神奇嘅問題⋯⋯
「喂喂～薯仔，我係炸薯部奇哥呀，近排忙唔忙呀？」
我心諗邊位奇哥呀？唔好扮friend 喎！
「哦...奇哥...有咩幫到你？」
「我呢...有啲假期嘅野想問下你」
「哦，冇問題，你staff number幾號？幫你睇睇」
「9527」
「ok..你想問咩？」
「我下個禮拜結婚呀」
結婚？！果一刻除左恭喜我都唔知講咩好...不過我好似唔係問你結左婚未喎...呀奇哥莫非你想請我飲？嗱！唔好諗住要我俾人情呀，我見過你一次咋，我唔俾㗎！
「哦...恭喜晒...咁...其實有咩幫到你？」
「其實我想問呢，我地公司有冇婚假㗎？」
「有呀，full time同事有五日，奇哥你過左試用期可以請婚假」
「哦，咁就好喇，咁我會申請喇」
一切都似乎好正常，但就係呢個時候我見到啲好奇怪嘅野......由於頭先攞左奇哥號員工編號，所以已經登入左佢HR系統嘅個人資料，佢婚姻狀態嗰欄係「已婚」喎！我心諗係咪入錯資料，但又見到有埋佢老婆個名，照計我地唔會老作個老婆俾佢。莫非奇哥離左婚冇更新資料？
「呀..奇哥呀，我係電腦資料入面見到你結左婚...結左婚係攞唔到婚假㗎。請問你係咪未更新資料？」
「呀........呀.....呀...」
奇哥突然好似有口難言咁...喂奇哥，唔好好似無著衫俾人捉姦在床咁嘅聲好喎......嗱..我扮唔知啦最多，喂喂.....出句聲啦！佢「呀....」咗十秒之後就話：
「哦...其實我可唔可以改返做未婚，到時放完假再改返結婚？因為我都係入職前一個月先結婚咋」
嗚哇！奇哥你咪玩啦，邊有得咁屈機㗎，咁咪可以無限放婚假。唔知大家有冇打鑊佢嘅衝動，我有呀！我真係有！
「呀奇生，如果要改嘅話只可以改離婚或者喪妻。但你之後「再婚」攞婚假嘅話，你到時要提交結婚證明文件，證明你係啱啱結婚。而如果你咁短時間再婚又搵返同一個老婆嘅話，我諗公司會需要你解釋下....」
「呀.....咁呀...唔緊要啦...哈哈！我都係問下啫，唔該晒！」
奇哥真係好奇怪...竟然打上嚟人事部問下可唔可以呃婚假，同啲騙徒打假電話去差館呃呀婆錢有咩分別？
#騙徒手法層出不窮
#婚假都呃冇陰公呀冇陰公
#嚇死HR #HR #求職 #搵工 #面試 #見工 #HR小薯蓉
Photo source: whatscap
-----------------------------------
《奇形怪狀CV系列之鶴仙人親筆信》
https://www.facebook.com/hrpotato/posts/556470364502511:0
《見工奇行種系列之「不能打開的信封」》
https://www.facebook.com/hrpotato/posts/566184016864479:0
《嚇死HR之黑帝炒人》
https://www.facebook.com/hrpotato/posts/576790775803803:0
《見工奇行種系列之我係萬能Key》
https://www.facebook.com/hrpotato/posts/584673738348840:0
嚴禁非法轉載
Copyright © HR小薯蓉. All rights reserved.
到職前結婚婚假 在 桃園市政府勞動局- 勞工在到職前結婚，能請婚假嗎?... | Facebook 的推薦與評價
勞雇關係於勞工受僱當日起算，始有勞動基準法之適用，故勞工於到職前結婚，法令並未課與雇主應給予婚假之義務。惟勞動基準法係為規定勞動條件最低之法令， 勞雇雙方如有較 ... ... <看更多>