［世風日下 道德淪亡］知唔知呢單案件最令人齒冷係咩地方？呃錢？唔係，香港人咁多年都呃人錢架啦。鐵通扑頭？係衰啲，呃錢偷錢搶錢都算，扑乜鬼頭。但香港咁多年都有人扑頭架啦！
成件事，最令人心寒嘅就係：仆街！連美心月餅都要有特權講關係！咩世界！
你話嘉麟樓畀人扑頭都話丫！食美心都畀人扑頭，真係做鬼都唔馨香。你同閰羅王講佢都指住你嚟笑啦！
又，借機推返我啲舊文。係，月餅我都寫過文，仲係兩篇。我應該係香港第一個 月餅分析員！
http://bit.ly/31Op6XN 月餅分析員- 當賣月餅都有book building
http://bit.ly/31PBKpj 半島鐵盒 - 月餅金融學
後來諗返，啲嘢可能係寫錯。但的確，當年嘉麟樓，好似真係賣月餅都收入億幾，因為賣幾十萬盒（CLS !）。我推論返，凈利，冇一億都有六七千萬。而當年成間大酒店利潤都只係五六億，N咁多間酒店加埋收租物業先賺五六億，而一間酒店入面一間酒店一種產品賣一陣就六七千萬，幾得人驚
而家諗返，照計賣月餅，純利我估冇咁重掛（但到式有幾多？啲成本在邊？）。但，都應該仲係好驚人的。
（自首：當年我都好似炒過嘉麟樓月餅，好似賺咗幾十蚊。囡囡話返我知原來呢期興炒美心，真係佢清楚過我）
（自首：當時都有啲貨買返屋企自用，自己食。等於啲友炒燶埃瘋就自用咁，冇得輸。結果我放在雪櫃，我阿麻當普通棋子餅咁食咗幾個。呼。冇耐就死埋。呼）
