唉呀，這位客官！
小編我看你印堂發黑，似有不祥之兆
沒關係，大師來給你一帖解藥，
聽完妃姊的歌，便能化解你的危機，
讓你事事順心又如意！😁😁😁
Youtube頻道收聽👉
https://youtu.be/Y4aadT8uPAY
印堂發黑化解 在 Facebook 的最佳貼文
印堂發黑化解 在 林公子生活遊記 旅遊情報 Facebook 的最佳解答
「親，代表聖物法力強大喔。」
【阿公講鬼】：《古曼碌葛真相》
我有個朋友，佢叫Kelvin，之前嘅故事都有提過佢，不過唔係阿公系列咁解。佢十分嗜賭，唔捨得去旅行，唔捨得食貴嘢，但捨得用成份糧去賭，賭贏咗啲錢，又用嚟繼續賭，都唔知有咩意義。
有日同Kelvin食飯，佢拎咗個外表睇落黑色有毛嘅吊飾出嚟，我問佢咩嚟。
「碌葛。」Kelvin。
「我知你係碌柒，我問你拎住乜啊。」
「佢真係叫碌葛啊，入面嗰隻係夭折嘅貓胎嚟。」
「嘩！我頂你咩，食緊飯拎出嚟。」
「我想問吓你阿公睇唔睇得出呢隻碌葛，係真定假，正定陰？」Kelvin將佢手上嘅碌葛愈拎愈近，我幾乎同隻貓屍嘴對嘴咁濟。
成餐飯佢不斷問咗我好多有關古曼童、入靈、碌葛、佛牌嘅問題。老老實實，我識條佛珠咩！梗係交畀阿公啦！
據Kelvin所講，賣佛牌嘅商人堅稱，呢隻碌葛只係入靈，但唔係陰牌，係靈唔係鬼。
「呢舊嘢你喺邊度買？」我問。
「淘寶！」Kelvin。
「嘩，會唔會爆炸嫁…」
Kelvin話，自從買咗呢隻貓碌葛之後，身體就出現問題，以前去投注站肯定龍精虎猛，而家一入去就頭暈暈企都企唔穩，淘寶賣家話「親，代表聖物法力強大喔。」
Kelvin聽完信以為真繼續去賭錢，但結果都無話贏好多錢，有時仲逢賭必輸。每次去完投注站，返到屋企嗰晚肯定會發噩夢。
個噩夢每次一開始都喺自己間房，佢聽到貓叫所以扎醒，一擘大眼就見到擺碌葛嘅聖壇前，有隻好巨型嘅貓坐喺度，隻貓幾乎有人咁高，對住個碌葛不停「喵喵喵」咁叫。
每次Kelvin都意識到自己發夢，想搏命整醒自己，但一醒，見隻貓根本無消失，先知佢仲喺個夢入面…斷斷續續嘗試幾次，終於畀隻大貓發現咗佢，就會跳起飛撲過去，到嗰一刻Kelvin先真正從噩夢中扎醒。
呢個噩夢幾乎每星期都發兩三次，時間一次比一次長，醒極都仲喺夢入面，仲試過畀隻貓咬到食緊佢啲內臟都仲未醒到，個夢愈來愈真實，佢好驚總有一日，會畀隻貓咬死。
「點啊阿公？」我問阿公。
「我係感應到有靈喺入面，但暫時無乜惡意，純粹係佢影響你氣場令你時運低。但睇你個樣，印堂發黑，周不時喘氣，你而家賭錢都唔會有得贏。」阿公望完Kelvin個貓碌葛答佢。
「但係我有跟足晒吩咐，供養隻碌葛嫁喎。」Kelvin。
「首先，你知唔知碌葛點嚟先？」阿公。
阿公話，最正統嘅貓碌葛，要隻貓女懷九胎，全部夭折，連隻貓女都死埋，先用嚟製成到碌葛。因為咁樣死太唔吉利，怕影響到周圍嘅人，所以先製成碌葛去畀信徒供養，化解怨氣。
「你算好好彩，隻貓靈能量唔太強，只係影響到你發噩夢，所以你唔會有咩事，超渡咗佢就可以。」
「咪住先！我幾千蚊買返嚟嫁！等我叫賣家退錢先！」
於是，Kelvin就上網同個賣家理論，阿公企喺旁邊一邊睇一邊鬧個賣家，但意識到對住個螢幕大聲鬧，對方都聽唔到，就去咗沖杯茶，慳返啖氣暖肚。
最後，賣家唔肯退錢，堅持自己嘅碌葛係經過開光嘅貓靈，類似山靈、地神靈、守護靈，係唔會害人。仲講咗句「親～你不會當佛祖和耶穌是鬼吧？」
阿公一睇到就發火：「狗屁不通！混淆視聽！萬物皆有靈，神佛係比人高級好多嘅靈 / 能量，俗少少講，類似外星人，只係生存喺另一世界嘅能量。
道家就有好多神佛，我畫道符，借助神佛嘅能量幫忙，打個譬如，雷祖劈道雷落嚟，佢唔係將自己化身成一道雷落嚟嘛。
相反，入靈嘅佛牌，有動物靈、男靈、女靈、嬰靈…佢要幫你，就要留喺塊佛牌嘅周圍受到你供奉，而唔同你入廟拜神，神自然會收到你嘅供奉。神佛係咪鬼？當然唔係，但人、鬼、神佛都係存在於宇宙間嘅能量，只係有強弱之分。正如警察係咪人吖？係～權力大啲，佢有槍咁解啫。」阿公。
「但而家警察好多警察都唔係人。」我。
「咁又係…仲有啊，佢講咩山靈、地神靈法力大好多，就更加唔可信，個法師何德何能，可以請到咁高級嘅靈入去呢？如果只係供奉，而唔係請入佛牌，根本同一般正牌、戴個十字架無分別。」
「照咁講，古曼童同養鬼仔有咩分別？」我問。
「兩者都係遊魂野鬼、夭折、意外去世嘅靈，分別在於古曼係同法師溝通後，自願成為弟子修行，自願幫助供養佢嘅人身體健康事事順利，而個靈亦順便提升功德。養鬼仔係強行用咒將遊魂困入物件上，供養者同隻鬼仔，一買一賣功德，純粹交易關係。」
「但我唔想蝕錢啊，師傅！你可唔可以幫我將隻貓靈轉做有用嘅錢，畀我供養佢！我會準時捐血、捐錢、念經，咁咪皆大歡喜囉！」Kelvin。
「唔得！」阿公一口拒絕。
「我畀返錢你吖。」
「我只會收錢幫你超渡佢。首先，我唔贊成供養任何靈體，呢個世界講求嘅係能量流通。正如泰國好多家庭都會將古曼童擺喺屋企，每日念經幫佢積德，但定期會有法師嚟加持，換一批新嘅靈入去，若果你唔係咁樣做，個靈不斷積德都無用，你唔放佢去投胎，最後只會有反效果。」
佢有咗靈性就會向你追債，不斷要求你畀功德佢。又或者隻靈已經離開左，你不斷供養緊周圍嘅遊魂，佢哋更難請走。」
「咁我養到佢投胎囉。」
「你供養佢唔係大晒嘅！咪住先…點解頭先個泰國人識講中文？」阿公皺眉，原來佢一直都以為淘寶個賣家係泰國法師。
「咩啊…我喺淘寶買嫁喎，賣家話喺泰國運嚟。」
阿公飲咗啖茶，摸一摸佢下巴啲鬍鬚，坐喺張古董木凳上面，同Kelvin講…
「我有個朋友，都係做道士。時代變咗喇，大家都好少搵道士做事，近年佢就上咗大陸賣呢啲佛牌，問我一唔一齊做。我同佢講…咁樣犯戒喎。佢話賺到咁多錢，寧願犯戒啦。」
阿公：「你想唔想知大陸啲碌葛點嚟？不如我帶你去見識吓。」
（下）http://bit.ly/2dTlzyD
*如果巴打絲打想阿公繼續講故，記得like + share，你用1秒撳制，我用幾粒鐘寫故嫁。*
＝＝＝＝
【阿公講鬼】全集：http://bit.ly/2cAEzAU
《Siri無啦啦開著咗…》
《迷路殭屍》
《慈母回魂》
《隔離鄰宅》
《遊地獄》
《養鬼仔》
《看門狗》
《催情降頭》
《狐仙吃童》
