里奧叔叔的台灣創業路《5》
做生意一定要保持開放接受既態度，里奧並非一個好叻既人，但做每件事都會好認真博曬命去做，而且對每件事情既接受程度都好高，做生意本就應該靈活變通，世界上本來就沒有一種生意可以一成不變而做得長久，做咩生意重點都係要知道點做得好。
里奧叔叔移民台灣之前雖然都係從事e commerce 行業，簡單講就係網上賣產品，由十幾年前擺D貨上美國ebay 賣到最後生產D產品運去美國賣，模式雖然不停改變，但主要都係靠外國既平台例如ebay or amazon . 係台灣，呢種模式似乎唔多work , 除非你賣既貨係熱門產品而且價錢比其他人平，否則產品亦唔係咁易賣得好，萬一產品不在流行，又或者競爭對手越黎越多，在難以突破既情況下生意亦會變得難做。
小眾品牌以數位行銷宣傳+產品服務口碑鸁盡台灣消費者
在台灣，無論從事飲食又好，做零售產品業、服務業都好，消費者都好鐘意「跟風」，嚟台灣旅遊過既朋友都知道唔難發現有好多鋪頭會大排長龍，當你又去跟大家排隊消費之後，你又會覺得其實並唔係真係好特別🤣，但起碼呢次既排隊就為商家制造左一次「出名」既機會，能唔能夠紅得耐保持客流量增長 始終都要睇營運者既功夫。
里奧叔叔經過8,9個月對台灣市場既了解後，最後決定朝呢個方向開始發展一個小眾品牌，將里奧叔叔想做既產品配合digital marketing 由小小的home office 做起，而投資金額亦非常有限 (200萬台幣內），一切在「睇餸食飯」既情況下開始，就係咁就開始左里奧叔叔既台灣創業路。
一腳踢營運，將投資額計算到最低
產品準備好啦，因為要睇餸食飯既關系當時產品種類唔多 但勝在產品做到里奧叔叔既要求，一部份貨品存放係里奧叔叔當時係高雄租住既1400呎單位內，嗱…里奧對營運生意雖然有一定經驗，不過都唔會係未有明朗發展前作大投資，又雖然當時租住既單位屬於中上豪宅，但絕對要以最低既投入去試營運，什麼office 倉庫，什麼裝修零售店面一概唔會投資，既然係睇餸食飯就梗係自己一人公司搞掂曬啦。
五大平台 缺一不可🖐☝️
之前都有講過 facebook , IG , youtube , google , website 係台灣影響力好大，要做好digital marketing唔可以唔識，除左呢5個之外仲有Dcard & PTT 呢兩個本地既social media ，咁唔識點算呀？……學呀大佬，里奧叔叔當時其實都係半路出家邊做邊學，但好有信心朝呢個方面唔會錯得去邊。
單日爆單做足17小時
開始啦，里奧好唔容易自己整左個唔多好睇既網站，產品除左網站外都同時在台灣電商平台發售，facebook 係當時主要既宣傳平台，大約一星期開始有客落單啦🤟🤟🤟。
記得當時都覺得唔錯，一日都有5,6單order , 話左邊做邊學 就緊係日日睇資料啦，大約做左2個月左右，突然有一晚既生意好唔妥😰😰.
點解今晚既生意爆上5倍既？
待續…………
請大家分享，多些人追蹤就是給里奧叔叔的最大鼓勵🙏🏼🙏🏼
請分享 請分享 請分享
#里奧叔叔的台灣創業路
台灣創業ptt 在 [問卦] 沒人發現台灣創業五年內失敗率高達99%！ - 批踢踢實業坊 的推薦與評價
相關內容