//本Page Patreon經已開通，請訂閱支持本Page運作（估唔到而家Run個Page都係要搵命搏），謝謝！ 連結： https://bit.ly/2TvzIaF //
有關71抗爭可以有好多角度進行分析，包括面對斷水式鎮壓之下，流水式抗爭應該點樣應對、講下揮刀救人義士被捕究竟媒體駛唔駛負責任；講下勇武抗爭今日點樣回潮，而警暴點樣瘋狂執法、講下71衝擊立法會一週年究竟個意義係邊……但其實響我番屋企嘅過程入面，有樣嘢Chok撚住度氣嬲到連文都寫唔出。
即係當前線濫打濫捕到仆街之際，我加入幾個Whatsapp群組、Facebook Friend Circle卻一片歡欣之聲：因為英國政府終於宣佈放寬BNO申請移民限制，只要居英5+1年就可以正式成為英國公民啦！果種歡欣氣氛，同現實世界我目擊果種沈重，彷彿係兩個互不關連嘅平行世界。
響我嘅生活圈子，當然都係同我差唔多年紀，唔少經濟能力都係介乎能夠同唔能夠移民呢條界線之間：要搞台灣移民之類唔係唔得，但係又唔捨得香港份好工、正於起飛期嘅事業，尤其係唔捨得未供完層樓。BNO移民唔單止大大降低咗移民嘅複雜程度，仲可以而家即走又得，等多陣見再唔對路先走又得，甚至已有人直頭開始問長住英國有咩娛樂，會唔會太悶之類。
另一方面，上至政黨、下至濕尻KOL，亦都紛紛爭相走去Claim「成功爭取BNO平權」呢單功績：講到自己點樣獨具慧眼、點樣靠自己神早努力不懈先換黎今日英國政府嘅放行──少呃嘅就順道叫市民投自己一票，大呃嘅經已開始搞啲移民Q&A，為日後開辦英國移民顧問公司舖定哂路。
諗到呢度我不禁又要大叫一次
屌你老母！
知唔知當你地歡天喜地嘅時候，有幾撚多人比人拉咗入警署？知唔知今日果位揮刀救人義士、電單車衝破路障義士，隨時要坐幾十年監？全靠你先知之明、努力不懈先爭取倒BNO平權番黎？我屌你老母啦！唔撚係而家香港有成千幾人被告，隨時成個世代都被共產黨抹殺，英國會基於人道立場作出呢個咁寬鬆嘅移民政策？究竟要有幾無恥先夠膽走出黎Claim呢單功勞？
當日傳出BNO平權有望，有個連登仔寫文叫大家千祈唔好離棄一班97年以後、無申請BNO資格嘅後生仔。但去到今日，叫人唔好走果班經已會比人屌番轉頭話「邊個叫人唔好走就係帶風向搞分化五毛」，又話乜撚嘢「離開香港先可以響海外建立反對黨」、「響外國先有更大反共空間」，甚至我親耳聽住一個人響街度講：「我去英國唔代表放棄抗爭、我都會繼續捐錢支持手足」
我屌你老母啦！
而家響海外仲唔撚夠多香港人？溫哥華都住到變Hong哥華啦，但呢班「海外港僑」響成場運動入面發揮咗幾多作用？咪臭係捐錢捐錢同捐錢囉！多得呢班「海外港僑」狂買贖罪券，而家燒山、世涼、大班、蔡東豪之流每個年收入過千萬；再加埋佢地下面果班執口水尾KOFollowers求其執件都月入十萬八萬──本來每個人都有自己消費選擇我都算撚數，問題係成班撚樣捐咗錢當做咗嘢，仲要走黎對班本土勇武指指點點話呢個係鬼果個係鬼。
以呢班垃撚圾為參考？乜你覺得佢地人數多咗十倍、廿倍，會對香港民主抗爭有幫助咩？
近年呢半年仲有留響抗爭前線嘅人都會知，唔好話勇武，就連落街掩護勇武嘅和理非嘅人數都愈來愈少，差佬每次一驅散人群，班廢老廢中就真係直接搭黨鐵番屋企繼續睇直播就算，而唔係逗留響現場睇下有無嘢幫倒手，更不論果班剩係識得響網上睇直播捉鬼，然後周圍走去挑機幫飯民KOL護航嘅垃圾。
我只係唏噓，一班後生前線義士幫香港爭取倒個BNO移民機會番黎，佢地血都未撚流乾，經已有班大人響度開哂Party食人血饅頭，諗緊移民之後直頭可以現場睇英超……藍屍廢老無資格移民英國呢個就梗架啦，但上面呢班平時聲大大、覺得投咗票課完金就對香港大有貢獻嘅黃屍廢老廢中，唔通又有資格咩？
怕死當然係人之常情，逃走亦無可厚非；甚至乎我經已接受咗香港人就係「壓力愈大、抗爭愈細」呢個現實，隨住共產黨鎮壓力度愈嚴苛、離開抗爭隊伍嘅人愈多呢個情況亦難以逆轉──BNO只係比呢班幸運兒響倉皇出逃之時，一個豪華版救生圈。
我當然無可能、亦唔會反對英國為香港廢中廢老大開方便之門，但只求一樣嘢，唔撚該要走要移民嘅，就低調咁走；唔撚好當住一班再無前途嘅無名英雄、一堆死人開香檳慶祝；走佬就係走佬，唔撚好反黑為白，講撚到自己移民就係一種抗爭，尻吹埋啲乜撚嘢「海外反共大計」，仲要屌尻番果班求你地唔好走嘅後生仔轉頭，話佢地係分化撚。
