到底老夫子嘅耐人尋味出現過幾多次？
┌──────────────┐
港呢啲←即LIKE全新專頁！
└──────────────┘
#呢個係一個耐人尋味嘅問題 #老夫子 #耐人尋味 #港呢啲
呢個係一個耐人尋味嘅問題 在 港呢啲 Facebook 的精選貼文
同時也有1部Youtube影片，追蹤數超過3萬的網紅楊岳橋Alvin Yeung，也在其Youtube影片中提到，【財政預算案三讀發言】（14/05/2020）轉授權力與撥款令 2020-21年度財政預算案今日在立法會三讀，我在發言所指出的兩個問題──財政司司長轉授權力與撥款令──容許財爺自行批錢予政府部門、亦容許部門之間將公帑調來調去，立法會無法過問，無法反對。 除2020-21年度新批出的258億，警隊...
「呢個係一個耐人尋味嘅問題」的推薦目錄：
呢個係一個耐人尋味嘅問題 在 楊岳橋Alvin Yeung Youtube 的精選貼文
【財政預算案三讀發言】（14/05/2020）轉授權力與撥款令
2020-21年度財政預算案今日在立法會三讀，我在發言所指出的兩個問題──財政司司長轉授權力與撥款令──容許財爺自行批錢予政府部門、亦容許部門之間將公帑調來調去，立法會無法過問，無法反對。
除2020-21年度新批出的258億，警隊2019-20年度另外鬼祟拎到34億。
1. 除咗每年等財政預算案批錢，警隊仲有一啲陰濕招數，靜靜雞cap到公帑，立法會同一般市民都難以監察；
2. 根據《公共財政條例》第8(3)條，財政司司長可運用財委會轉授嘅權力，毋須經立法會審議或批准，即可批錢俾政府部門。2019-20財政年度，財政司司長運用轉授權力，總共批咗30億9千8百幾萬給警隊，其中有22億5千1百萬係警員OT津貼。根據資料，2019-20年度，警員OT津貼總額為25億2千萬；
3. 轉授權力亦可用嚟更改人事編制，2019-20年度，財政司司長運用轉授權力對警隊348個職位作出變更，相信大部份係無經立法會審議及批准嘅新職位；
4. 另外一個值得關注的撥款渠道，係部門之間嘅「撥款令」。根據《公共財政條例》第14(4)條，一個政府部門嘅管制人員，可以透過簽署撥款令，將部門預算轉俾另一個部門。一般而言，每一項撥款令嘅金額上限為1千萬，但一個政府部門每年可以簽幾多項撥款令並不設上限。即是話，簽十項1千萬的撥款令，夾埋就係1億，程序上係可行；
5. 2019-20年度，警隊通過撥款令機制，總共由其他部門暗中拎咗3億3千7百萬公帑。對比過去四年，足足增長3至4倍。保安局解釋，其他政府部門簽俾警隊嘅撥款令，用途多數係加強保安，例如購置大型水馬，以及請警察做政府建築物保安；
6. 我就想問，點解其他政府部門買水馬，要經過警隊採購咁得意嘅？正常嚟講，如果有一個產品，好多政府部門都需要用到，例如口罩，通常由物流署負責招標、採購。更耐人尋味嘅係，街上面可以明確見到，大型水馬上面用中英雙語標示「警察 POLICE」字樣。即是話，這些水馬明明係其他政府部門用自己部門的預算出資採購，但訂購返嚟嘅水馬，又明顯變成警隊管轄嘅財產。既然如此，點解當初警隊不獨資採購、反而要不同部門「籌旗」夾錢買呢？
7. 先唔好忖測有無人過河濕腳，但成個操作，猶如黑社會收保護費一樣。明明每年的預算案已經批咗好多公帑俾警隊，俾他們維持全港治安，但當政府建築物需要警隊保護嘅時候，警隊居然要其他部門另外交一筆錢買水馬。香港嘅公共財政，居然淪落到爛仔收陀地呢個地步；
8. 所以贊成通過財政預算案嘅保皇黨議員，其實都俾政府搵咗老襯。就算立法會唔批准財政預算案，財政司司長一樣可以毋須問准立法會，就幾廿億幾廿億咁直接簽俾警隊，人手編制加幾多都得。特區政府會唔會感謝保皇黨？北京會唔會感謝保皇黨？其實係唔會㗎。
