Search
可以好欣賞同喜歡嘅歌手
同台演出主持Chill Club
我的確係好鬼死幸福🥰
@maubolung
#chillclub
#學習之旅
#多謝6號同我一齊合唱
#雖然我真係無你咁高音
#但係可以同台演出好開心
#又多一個美好回憶
#豬籠墟事變
#你地嘅歌係好有taste
#我笑到見牙唔見眼
#開心嘛
#這些機會是屬於我的
#3集其實唔夠喉
#啱啱開始connect到就道別
#希望你地黎緊演唱會一切順利
#香港人嘅音樂
#聽音樂真係要聽live
#咁先感受到個情感
#快啲走啦Covid
#我想睇liveshow
#我想做liveshow
#好掛住有觀眾
#開始精神錯亂亂講野
#其實諗住同老婆散步
#佢依家嬲我掛住post嘢
#搞到佢都post嘢
#好啦
#我返去兩人世界嘅懷抱啦
#拜拜
「舊的不去新的不來」，有了這句話，我們似乎就可以理直氣壯地，扔掉那支棄置在房間角落、滿布灰塵、但當初連睡覺都要抱着的結他。不知道從甚麼時候開始，「維修」這個行業漸漸在日常生活中淡去，維修被嫌棄成「花錢又花心機」，還不如買過一件新的。用金錢來衡量事物的價值，彷彿成為今天社會上的默契。
「維修呢件事，係需要花心機同時間嘅，係一門講求手工藝嘅生意。」全職結他維修員徐洪聲無奈地道出這個事實。而在每件事都要求夠新、夠快的年代，阿聲仍然選擇相信，一件樂器的價值與它的價錢無關。
樂器價值 源於回憶
如果音樂是用以抒發情感，那樂器就是用來承載記憶。阿聲說，他遇過一位客人拿着一支「夜冷」級的結他，就是那種在路邊幾十元就能買到的款式，然後拜託阿聲維修，更表示不惜付出比結他價值更高的維修費。後來阿聲才知道，這個客人並不會彈結他，堅持維修只因為這是爸爸留下的遺物，希望修理好後學彈，從音韻中尋找爸爸的足跡，「值唔值得維修就唔係由我去決定嘅，而係你自己，究竟需唔需要去整返好支結他。」這就是阿聲的信念。
在阿聲看來，維修結他是一種溝通、一種教育。他會花上半小時甚至一小時去了解客人買結他的背景，想要有怎樣的音色，想要彈奏怎樣的曲風。最後，他還會教客人保養樂器的方法，解釋哪些細節可以自己調較，遇到哪些問題才需要找專人修理。和市面上的機械化工序不同，大概就是這種既「度身訂造」又「趕客」的方式，令阿聲的客人少了，朋友卻多了。
維修的執着 源於日本匠人精神
「不求有功，但求無過」，相信是不少人的打工哲學，但阿聲就不以為然。阿聲曾到訪日本東京御茶之水ESP音樂學校兩次，看到了當地人製作出無可挑剔的樂器，感受到日本人對於職業的一份堅持。他決定將這種堅持、這種在工作中不斷思考與改良的心態帶回香港，即使改變不了其他人，也至少要帶回自己的工作室，「其實香港都有好多好有特色嘅手工藝，都可能因為一啲社會因素，而唔能夠承傳落去，我覺得係好可惜嘅一件事。」
不被尊重 源於金錢效率掛帥
面對不同的客人，有人會嫌維修費貴講價，有人會嫌棄維修時間太長：「佢會覺得，點解你整呢件嘢要一千蚊，八百蚊都得喇，你整得咁快。」阿聲對此深感唏噓：「你問我一支結他大約要維修幾耐，其實真係好難答，一般嚟講，由於我要做好詳細嘅檢查、做資料收集、要同客人匯報，甚至可能我會有一份好詳細嘅維修報告。講求手工藝嘅生意，其實最慘嘅地方就係，可能你睇到我今日整三個鐘、四個鐘或者一日，其實可能我第一次(維修呢款結他)嘅時候，可能我試咗、重覆咗好多次，或者我花咗好多心思，甚至金錢去學習，先會得到呢個成果。」
「如果你咩事都將錢放喺第一位，一定會犧牲咗啲嘢，例如你想快啲拎返結他，咁可能我就需要忽略一啲細節，你唔能夠畀一個相對好嘅價錢，同樣你未必能夠得到100%嘅服務。」網上資訊發達，不消一分鐘就能搜尋到各種維修資訊和價格，亦是着重細節的維修師傅不受尊重的原因之一，阿聲感慨地說。
而面對客人，阿聲不時都會被問到：「個結他值唔值得整啊？」今集《港。故》用7分鐘，帶大家思考一下，舊了、故障了的物件，值不值得維修，應該由誰來決定。
------------
《港。故》：東網每周專題習作，講故事、講香港人的故事。
FB：http://bit.ly/oncckonggu_FB
IG：http://bit.ly/oncckonggu_IG
Youtube：http://bit.ly/oncckonggu_Youtube
我學習做YouTube的地方：http://goo.gl/zNT6Ck
黑豹第一日上映我已經睇咗兩次，今次想用一個角度嚟貫穿今次嘅影評－就係「對比」。未講點解係對比之前我想大家睇黑豹唔係當佢係一部英雄電影去睇，而係用點解黑豹會係MCU十週年嘅頭炮電影去睇。雖然同以往嘅英雄電影一樣，劇情上都有一個公式，但無論喺鏡頭、畫面、對白、角色等等都有一定程度嘅象徵意義喺入面，而我會用「對比」呢個角度去探討呢種種方面嘅象徵意義。
(劇透)
先講講電影比我嘅感覺，一套兩個鐘多啲嘅電影節奏拿揑相當之唔錯，對白有一定嘅深度去建構每個角色嘅性格，唔同場面嘅對白交代到唔同嘅背景關係，例如一開頭T’Challa返到Wakanda同媽媽阿妹嘅對白會感受到佢地嘅溫馨，華生飾演嘅CIA人員審問偷汎合金嘅KLAUE個陣可以知道KLAUE走私Vibranium嘅背景啦，同埋會知道外面嘅人係真係對Wakanda一無所知。順帶一提，KLAUE就喺Age of Ultron到已經係走私Vibranium，佢隻手就係比Ultron斬斷。除咗對白拍攝手法都充分呈現到Wakanda係一個點嘅國度，首先會有好多wide shot比觀眾睇到成個Wakanda嘅picture，另外我好鐘意好多「一take過」嘅鏡頭令到個空間感好強，呢種類型嘅鏡頭會令觀眾更加容易遊覽一個好大嘅空間，例如舉行儀式個陣女侍衛團用長矛打地嘅震動落水再出返天空wide shot去瀑布、賭場入面嘅打鬥由上面嘅Okoye一take影落下面嘅Nakia再cut去T’Challa打到上樓上同KLAUE對持射爆咗個錢箱，仲有華生喺實驗室起身，令幾個shot都係我個人最鐘意。
言歸正傳，我地開始入「對比」呢個角度。
十年前後的對比
十年前，MCU第一部電影IRONMAN，已經同樣地都係英雄起始電影。其實我自己會覺得MARVEL STUDIO係特燈揀黑豹做十週年頭炮嚟同IRONMAN做一個對比。首先，英雄嘅特徵其實係幾相似：超有錢、有高科技support、同樣地都係用盔甲嘅英雄。其次，故事劇情都係圍繞住英雄性格嘅改變。我會認為MARVEL STUDIO想透過用同樣都係英雄起始電影，呢十年佢地有幾大改變。而講述T’Challa作為一個國王點樣蛻變嘅故事正正可以象徵住呢一點。
Tony Stark同T’Challa嘅分別係咩呢？十年前MARVEL喺破產嘅情況底下問銀行借錢搞MCU，但個陣如果佢地失敗就會失去差不多全部角色嘅電影版權（我會推薦超粒方出嘅邁向無限之戰IRONMAN篇比大家睇）。作為第一部MCU作品，IRONMAN講嘅係一個風流自大嘅天才點樣改變，喺個陣嘅Tony Stark你唔會搵到成熟嘅感覺，就好似IRONMAN電影本身，係一個各方面都能力有限嘅新嘗試，我認為IRONMAN嘅成功會喺因為本身英雄選角得啱同副甲好型呢D因素，因為我本身覺得睇英雄電影呢件事就係大概知道劇情係點，入去只係會集中睇D動作場面同英雄點型法身上；而經歷十年嘅黑豹，由T’Challa性格已經話到比大家知佢本身已經夠成熟成為一個國王，故事就係話比大家知佢要點樣去成為一個獨當一面嘅國王，亦同Marvel一樣，MCU已經喺一個成熟發展嘅階段，以十週年頭炮嘅黑豹話比大家知，一部英雄電影係可以建構出Marvel獨當一面嘅深度。
所以我會認為故事藉著用「對比」呢個角度話比觀眾知黑豹比起十年前已經係一個有故事兼且成熟嘅英雄，所以電影入面都會有好多「轉變」帶出對比感。
先講主角T’Challa嘅轉變
T’Challa喺電影嘅形象由一開始已經係好冷靜沈穩，無論喺開頭同Bako嘅挑戰儀式最後叫Bako投降話啲族人需要佢再去到中段佢同華生嘅交談show到佢嘅外交能力。但有一樣嘢佢需要改變就係Wakanda過於傳統嘅思想，而佢點先可以察覺到呢樣嘢再改變呢？其實電影一開頭已經舖咗路。一開頭喺飛船嘅時候Okoye叫T’Challa見到佢個ex Nakia嘅時候唔好嚇親，佢就話 I never freeze 佢從來都唔會嚇親，但佢一見到Nakia就真係比佢嚇親，喺果個時候嘅Nakia係一個扮難民嘅間諜，呢一個嚇親可以係一個唔知道外邊世界苦難嘅國王見到呢啲苦難而被嚇親，電影中Nakia可以代表住兩樣嘢：1. 一粒改變Wakanda傳統嘅嘅種子 2. 相對代表住國民嘅離心。所以喺電影開頭已經喺T’Challa同Nakia嘅相遇，T’Challa潛意識已經被落下種子要改變Wakanda，亦呼應T’Challa想成為一個好國王嘅心。咁點解佢嘅轉變就一定係變好先，電影亦都透過好多場景比較呈現：
(一) 同先王嘅對比
T’Challa同爸爸喺祖先平原對話，從兩次對話嘅比較可以見到先王T’Chaka都有呈現一種只為國家著想只為國家做事嘅感覺。第一次個仔同佢講話仲未ready，佢就反問返個仔「你唔係已經準備咗做國王好耐喇咩？」，個仔就話係未ready無咗佢。第一次對話已經表現到先王對於國家以外甚至親情都擺喺後嘅感覺，比起先王T’Challa更加有自己嘅情感，之後佢爸爸就話It’s hard for a good guy to be a king，就正正講緊先王認為T’Challa重感情係一個好人，但咁樣好難做到一國之君，相反不理一切只跟隨制度去做就更簡單。連埋第二次嘅對話嘅比較，比起重親情嘅T’Challa，佢可以不理親情殺咗細佬掉低個侄，所以第二次對話最後T’Challa指摘爸爸係錯嘅時候已經不再迷惘，象徵當下已經用自己嘅見解打破Wakanda嘅傳統思想。喺畫面上我地都可以留意到第一次對話背景係黑夜，可以象徵當時T’Challa當時仲有迷惘；而第二次對話以清晨做背景，象徵T’Challa嘅醒覺。
除咗呢兩幕嘅對白仲有喺Zuri同T’Challa講完佢老豆嘅黑歷史之後話「We must maintain the lie」，下一幕就係T’Challa同Nakia講出呢個秘密。呢一幕嘅剪接好快話比觀眾知佢係唔會接受先代一成不變而造成嘅惡果，再將呢個秘密話比一個象徵改變嘅女伴知。仲有一幕就係當T’Challa問Baku借兵嘅時候佢話佢唔代表歷代皇帝，呢句說話表面係打動Baku，亦代表佢係打破歷代傳統開始統一緊Wakanda。
(二) 國王嘅對比
電影用Killmonger呢位皇帝同T’Challa比較，顯得T’Challa嘅轉變更具意義。佢嘅堂兄弟係一個充滿仇恨嘅皇帝同樣地想打破Wakanda傳統制度，Killmonger非常激進獨裁。雖然都係一個Wakanda人，黑人問題令佢喺外界充滿仇恨，眼中只有仇恨會令一個人失去理智；相比之下，同樣面對殺父之仇嘅T’Challa喺美國隊長內戰最後理解事情真相化解仇恨，但電影表現嘅Killmonger連真相都無理解到最後帶著仇恨死亡，因為最後當T’Challa想救佢嘅時候，Killmonger都係睇成一種要救返佢囚禁佢嘅仇恨而選擇離開。反映著即使要破舊立新都好，太過激進都係會物極必反，過於保守又會太過無情帶嚟惡果，凡事都要有個平衡立新得嚟都要保護到國家。電影中亦有用武器同裝備去象徵呢件事，兩次嘅挑戰儀式T’Challa都用咗攻守兼備嘅武器，表現除咗進取嘅態度亦有沈住氣嘅防守意識，相反Killmonger用嘅全攻形亦反映佢激進嘅態度；另外喺黑豹嘅suit upgrade個陣T’Challa同阿妹講原本套甲係”The idea by not being noticed”，所以佢揀咗紫色嘅甲，而Killmonger係用比較顯眼嘅金色，都有表達T’Challa沈實嘅一面，同埋如果紫色代表心型藥草的話，我會覺得係即使佢要改變制度都好，尊重而且保留傳統嘅美德都好重要。
其實講到呢度，黑豹對於主角T’Challa嘅背景、感情建構同埋同其他人物嘅關係已經落咗唔少功夫。跟著我地再可以睇下電影點樣表達點解跳出傳統思想咁重要。
有句對白印象好深刻，當Nakia叫Okoye一齊逃走個陣，Okoye話雖然佢好想跟佢哋走，因為要「效忠國家」所以佢唔走，呢度又一個例子表現盲從令人甚至放棄感情都唔敢違抗制度，作為對比嘅Nakia聽到Okoye叫佢「效忠國家」佢嘅回應就係佢會「拯救國家」save the country。先王T’Chaka講過佢掉低個侄係因為「He chose Wakanda」又係一個例子表現盲從令人無情，所以有自己思想嘅T’Challa當時話佢老豆係錯準備去執佢D蘇州屎個陣，都已經講緊盲從傳統令人無情甚至後患無窮，要有自己嘅思想先可以改變國家，獨當一面。 呢個思想係咪都講緊Marvel Cinematic Universe唔再好似傳統英雄電影咁，以十年第一炮嘅黑豹去表達MCU可以破舊立新地塑造一套獨當一面嘅英雄電影。順帶一提當Killmonger燒哂D心形藥草下一幕係一個鏡頭調轉嘅畫面影住佢行去坐上王位，燒草表達緊消毀傳統，連接畫面調轉暗示成個國家會被呢個行為顛覆同埋表達Wakanda政權已經被佢推翻。
最後電影以兩個首尾呼應嘅對比去令黑豹完滿。
第一係喺開頭嘅挑戰儀式T’Challa大叫佢係”Son of T’Chaka”之後一鼓作氣勝咗場比賽，到最後mid-credit scene嘅conference再以”Son of T’Chaka”介紹自己，以同一句對白但兩個不同場面首尾表達T’Challa已經由憤概轉變成熟。第二就係，十年前後嘅首尾呼應，十年前嘅IRONMAN最後Tony Stark係記招同世人宣布自己係IRON-MAN，有一種逞英雄嘅感覺；十年後以一個特徵相似嘅英雄黑豹，同樣地要顯示比世人知Wakanda有能力幫助出面嘅世界，十年轉變，黑豹係代表成個國家，而且最後嘅鏡頭同樣地都係影住佢地嘅笑容T’Challa嘅笑係充滿自信而Tony Stark當時嘅笑係有猶豫係入面㗎，所以透過呢一個十年嘅首尾呼應，Marvel係同大家講：MCU已經唔係代表住英雄電影咁簡單，而係不再猶豫、自信地話你知係代表住一個世界。
最後送返啲彩蛋比大家
1.當阿妹Shuri見到哥哥對鞋嘅時候大叫”What are thoooose!?”，係一個外國嘅vine joke嚟，大家可以上網search下。
2.當華生送入Shuri個Lab嘅時候佢話 ”Another broken white guy?” 即係話之前都有一個白人送過入嚟，就係講緊End-credit scene嘅Bucky喇。
3.反派Killmonger出生地Oakland其實係導演Ryan Coogler嘅出生地同埋係一個1966年成立都係叫Black Panther嘅政治團體嘅成立地，仲係喺Marvel出咗黑豹呢個角色幾星期後成立。
4.飾演T’Challa爸爸同佢爸爸後生時候嘅演員係兩父子嚟：Atandwa Kani, John Kani
電影有起碼3個位係向漫畫致敬
－同犀牛打鬥
－被扔落瀑布
－黑豹裝嘅金色頸鍊
相關影片：
看黑豹必知的漫畫知識
https://youtu.be/IY9Y0559IG0
《黑豹》Black Panther 香港版製作特輯 - 彩蛋！
https://youtu.be/_fnPV4i_Zx8
【影評+片尾畫面】黑豹|彩蛋
https://youtu.be/tebkAeKCcAE
想留意更多我的動態，記得緊貼Ernest Docrazy
Ernest Docrazy社交平台：
Ernest Docrazy channel:
https://www.facebook.com/DuoCRAZYTokyo/
Ernest DoCRAZY facebook:
https://www.facebook.com/ErnestDoCRAZY/
Ernest instagram:
https://www.instagram.com/ernest_pch/
想和我一樣30天升10000訂閱：http://goo.gl/zNT6Ck
Supper Moment溫柔革命演唱會: 3個最有感覺位及啟發
琴晚睇完Supper Moment嘅溫柔革命演唱會，今日真係忍唔住要拍條片分享內心個種滾動。睇開我channel嘅朋友就知道我希望分享各種正能量比大家，希望藉少少綿力影響更多人。第一次睇Supper Moment嘅show係兩年前九展同我嘅同學一齊睇，係可以感動到攬埋一齊流眼淚，之後就到今次會展，睇住佢地慢慢成功，由細場玩到去大場，信念依然不變，唱live越來越好聽，真係好感動！今次我想分享比大家嘅係Supper Moment溫柔革命演唱會令我感受得最深最滾動嘅3個地方。
Supper Moment 溫柔革命演唱會: 3個最有感覺位
1. Sunny話佢自己係Supper之中比較容易頹，無我們想像中無時無刻都咁正面，有好多辛酸都寫咗喺啲歌度。聽完佢咁講之後我忽然覺得聽佢地D歌有另一種深一層嘅體會。因為喺台上嘅佢睇落好輝煌同正面，而當佢咁樣講完之後提醒我地佢都係一個普通人，睇落好似成日好正面，但其實都有好多鬱結同低落嘅時候，只不過Sunny會透過佢嘅音樂同歌詞抒發出嚟，正正因為咁所以Supper Moment嘅歌先能夠令咁多人有共鳴，所以喺我聽完呢番說話之後再想像返佢寫歌時嘅反差真係有更深嘅滾動。 尤其係佢唱懂得快樂個陣，真係好入好入！
2. Supper Moment 每次出show都會有幾首歌令現場所有人都感動到好想喊，我兩年前第一次喺Music Zone同班朋友攬埋一舊一齊唱小伙子唱到眼濕濕，仲有最後唱無盡嘅時候。今次嘅溫柔革命演唱會洋蔥位走唔甩一定係唱最後晚餐嘅時候。唱呢首歌之前播咗一段Gary講嘢嘅片，話佢一開始係被Supper嘅歌詞打動，話喺Supper Moment首歌到有句話唔好愧對自己嘅生命打動到佢。最早期有人話Supper肉酸，Gary就好似佢地老豆咁點都信佢地撐佢地，直到最後今年逝世，而呢個離開就好似象徵住佢完成左呢個任務，貢獻自己嘅生命比一班有志氣嘅樂隊，同時間亦都代表住一個開始，因為Sunny話呢個「溫柔革命」就係會喺未來十年令更多嘅樂隊由細場玩到上大台，雖然Sunny無講出口，但我覺得佢要繼承Gary嘅意志，幫助更多獨立樂隊被更多人認識。播完條片，佢唱最後晚餐嘅時候，我以為佢一定會喊同埋講D野，因為我已經眼濕濕加上我隔離個位已經喊哂口，而最感動我嘅係相反Sunny無講D乜嘢無流過眼淚，佢全神將所有情感都貫注喺呢首歌入面將佢送比Gary，呢首最後晚餐我諗會係最好聽最感動嘅一次，比起Supper喺呢個時候喊同講嘢，我覺得佢地將所有感情擺哂喺音樂上嚟得更專業更感人。呢一part我感受到佢地對Gary無限嘅思念同敬意。
3. 最後當然就係呢一個演唱會嘅主題「溫柔革命」令我有好大感覺，頭先提過，呢個「溫柔革命」嘅意義就係佢地會喺未來十年令更多嘅樂隊由細場玩到上大台，希望有更多類型嘅音樂比大家感受，呢個係一個偉大嘅精神。Supper每次最感染到我嘅都係佢地團火，Sunny嘅眼神每次都好堅定好有火咁話比台下嘅人知佢熱衷夾band熱衷音樂，透過佢地嘅歌，我地可以感受到現實中嘅唏噓，而最重要係唏噓嘅背後往往都帶住冀盼，所以Supper Moment唔單止係一隊band，佢地仲係熱血嘅精神領袖，鼓勵更多人唔好愧對生命，熱血地活一次。佢地堅持自己鐘意做嘅嘢十年，有思想有努力地做好自己，最後能夠登上大舞台繼續感染無數嘅人，我就諗如果由呢一刻開始計十年，十年後大家又會變成點，我又會變成點。透過呢段睇後感，我想分享嘅係我地嘅生命只有一次，每個人都有屬於自己最鐘意做嘅嘢，希望社會嘅洗禮唔好令大家忘記曾經有過嘅目標同理想，呢個社會比我地嘅框框太多，令到我地誤以為自己被逼要做一啲自己唔想做嘅事，而其實我地可以做到嘅比我地認知嘅更多，只要呢個世界有一個人做到過其實你都可以做到，重點係我地嘅態度。我地經常抱怨、不滿地去做嘢定我地識欣賞、感恩正面去做嘢已經可以令你經歷兩個世界嘅分別。睇完Supper嘅演唱會，佢地除左影響我去繼續堅持同努力做好自己之外，希望呢條片都可以影響埋你～去支持Supper Moment，並為自己最想做嘅目標進發！
唔好意思因為都病左好幾日好早訓未拍到一個人的捉迷藏，我會呢幾日拍埋佢！我係Ernest，多謝你睇我channel，我地下次見！
Supper Moment 幸福之歌 溫柔革命演唱會
https://youtu.be/4TvqcA4RPjU
Supper Moment 無盡 溫柔革命演唱會
https://youtu.be/ZmIuSO1LkNE
Supper Moment 無盡
https://youtu.be/4PACFmxlHm8
想留意更多我的動態，記得緊貼Ernest DoCRAZY
Ernest DoCRAZY社交平台：
Ernest DoCRAZY channel:
https://www.youtube.com/c/ErnestDoCRAZYTV
Ernest DoCRAZY facebook:
https://www.facebook.com/ErnestDoCRAZY/
Ernest DoCRAZY instagram:
https://www.instagram.com/ernest_pch/
RANDOM形柳(@keungson.jer) on Instagram: “忙極都要整整小寶啲相先咁鬼靚#條滑浪 ... 穿上保暖的Moncler服飾，讓我能盡情感受到生活的美好，自然流露出真摰的情感，和 ... ... <看更多>
MC 張天賦- 老派約會之必要A Gentleman's Guide to Old-Fashioned Dating (Official Music Video)MC張天賦穿越永恆的情歌《老派約會之必要》 「我要 ... ... <看更多>
咁先感受到個情感 在 追巴氏- 超譯試當真：係咁先啦（試映劇場） 有諗過將試映劇場 ... 的推薦與評價
作者好厲害嘅地方，就係當許賢講緊呢堆嘢嘅時候，鏡頭去咗後面做緊燈光嘅仁兄身上（6:08-6:18）。（頭先謝票場修哥都提到，呢個位係佢Final Cut擺返好嘅）燈光先生其實1:49 ... ... <看更多>