《哥斯拉大戰金剛》泰坦巨獸有靈性？唔敢打爆中銀？
～ 這電影唔會討論劇情，因為無乜好野講，純粹以怪獸打交精彩度來說，爽爆滿分之作！海上大戰同結局由青馬橋開始，將香港打倒稀巴爛一幕，勁度十足，絕對係經典場面。睇左幾次機械哥斯拉，今趟有驚喜，真係發揮到它的威力，最終要兩大巨獸聯手，才分出勝負，這編排亦屬意料之內，但動作編排咁正，就算明知結局係拍拍蘿柚走左去呢種，都係好鬼收貨，哥斯拉今次成熟左，臨走識講番句：「唔該！」
～一直有留意兩大巨獸如何拆爛成個中西區同灣仔，拆合和的旋轉餐廳好正，唔少知名建築物被破壞，不過，好似唔多覺眼中銀被打冧，佢完整無損嘅畫面反而睇到，匯豐都無塌下來，但明顯受損，如果我睇漏，歡迎指正，之前其他電影都見到中銀被打冧，如《超級戰艦：異形海戰》，今次負責製作的Legendary，是中國萬達集團的字公司，可能因此就住就住，order兩隻巨獸唔准打爆中銀。
~回顧一下這三部曲，《哥斯拉大戰金剛》故事承接2017年《金剛：骷髏島》（Kong：Skull Island）和2019年《哥斯拉II：王者巨獸》（Godzilla: King of the Monsters）的劇情，2017年版已經提出「君主計劃」，指出地心另有洞天，可能是泰坦神獸起源地，結局時更出現四大神獸決戰壁畫，2019年版主角換了哥斯拉，劇情講古生物學家艾瑪令到古代泰坦巨獸復活，三頭龍甦醒，惹來哥斯拉同牠決鬥，最後變成包括摩斯拉和拉頓在內的四大神獸大決鬥，結局死剩哥斯拉，結局又係壁畫顯示哥斯拉曾經同金剛大戰，今集講召回地質學家Nathan，希望為送金剛回地心家園，但被哥斯拉發現，前來追殺，於是展開連場大戰。
故事可分成撐金剛組和支持哥斯拉組，今次主角明顯是金剛，好多編幅描述她和女童建立友情，令金剛較有人性，不過，個人就支持哥斯拉組，因為有《怪奇物語》的Eleven(Millie Bobby Brown响度飾演MaDison，她和父親都是上集連戲角色，她母親是喚醒泰坦巨獸，死於上集的艾瑪，另外小栗旬是飾演上集渡邊謙之子，不過這角色真係唔做好過做，無乜作為，浪費了小栗旬。
#哥斯拉大戰金剛
