#婊揚好人好事
香港個著名維港光害婊演「幻彩fing噹噹」上年用一億港元更新，升級為新版光源污染外，當然也少不得被批食錢項目。不過睇返美樂士多呢單野，似乎叫親幻彩同噹噹，都真係唔多老實。
話說一個港媽帶埋小朋友，諗住去扭人地美樂士多個幻彩噹噹，扭下一個，唔中大噹噹，再扭一個，又唔中。唔好話港媽，就算係我，扭極都遇唔到一個大噹噹，我都會嬲到想扭爆佢個噹噹，所以佢一口氣花幾百蚊將機內所有的噹噹波扭晒出黎（聽到都覺得痛，I mean扭到手痛），結果發現全機冇一個號碼係會中到個大噹噹。
之後港媽梗係上網鬧爆佢啦，大佬，咁做生意仲唔老實過香港政府啊～
然後，美樂士多就出左下面呢個聲明，至於大家收唔收貨，就真係見仁見智。店方話店員自己藏了大噹噹的號碼、但亦有唔少網民質疑係跟公司指示做野，到底信邊個？天知地知你知我知，睇下邊個最白癡。
我個人比較好奇的是，何謂「找到不會出錯的方式」？意思是不會出現店員收起大獎紙條的方式？咁鋪頭有閉路電視架嘛？如果真要監守自盜，又豈止偷你一個大噹噹？我還是建議該分店先關門點倉，睇下有冇唔見其他貨吧？全地球咁多地方都有扭蛋，係得貴公司搵唔到「不會出錯的方式」咁趣緻？
咁啦，我私人幫你拆掂佢，你咁樣解釋好難過到執法機構，與其推俾店員，不如索性話幻者，虛幻也；彩者，中彩也；叫得幻彩，意思就是中彩的機會本來就是虛幻，當然可以抽足咁多個，都唔會中大獎啦，係咪？幻覺黎架啫，嚇我唔到嘅！
最後，提提大家，十賭九騙、十抽十騙，隻隻game都話SSR 2倍活動，結果課完一大輪金，咪又係得一堆SR... 話說我玩左近一年嘅《陰陽師》，我_你，開頭抽左200次都係得SR，黑到解鎖成就「非猶」，簡直黑到我懷疑人生，然後終於來左一隻SSR— 閻魔，隔了一會兒再抽，終於又再中SSR，點知都係閻魔... 俾條生路我行下可以嗎？！
課金抽SSR，真係仲衰過課金買啲虛幻幣掘礦合約。咦？離題了？算啦，你由得我吐下苦水啦...
#什麼叫絕望抬起眼望望
#留給我用來形容前面景況
#識唱一齊唱
#終於用乞碎片的方法乞左隻妖刀姬
#仲抽到隻鬼切
#光宗耀祖
#呢個故事教訓大家
#唔好睇少土豪港媽玩家的課金能力
#我諗起與龍共舞張六合彩全餐
#解決方法係每人每日限抽三次
#解決問題要由提出問題的人著手
#呢啲大陸招數不用我教了吧
唔好睇少土豪港媽玩家的課金能力 在 倫敦人妻先生手記- #婊揚好人好事香港個著名維港光害婊 ... - Facebook 的推薦與評價
什麼叫絕望抬起眼望望#留給我用來形容前面景況#識唱一齊唱#終於用乞碎片的方法乞左隻妖刀姬#仲抽到隻鬼切#光宗耀祖#呢個故事教訓大家#唔好睇少土豪港媽玩家的課金能力# ... ... <看更多>