//一個區議員，一個想做區議員的 wannabe ，請看看這個page：所謂民生議題，民生無小事，不是口號，而是需要實踐的。除非這些區議員wannabes，是將「關注民生」當成是「建設民主中國」一樣的口號，叫叫而已，不用真做，那就可以混口飯吃，吃人血饅頭吃下去。否則，住在那區的人，要真切的感受到你做過什麼「改變社區」，才會有可能真的改變。
如果你有看過一套電影，叫《夏菲米克的時代》，夏菲米克是同性戀者，當時美國仍沒有現在那麼開放。夏菲米克是如何超越性向，取得議席的呢？執狗屎。他住的社區，放狗人士都愛讓愛犬到處拉屎，令很多人不滿。他就著實的，一步一步的，親身去執狗屎，從而進入體制。// by 健吾 姐姐。
事實上，我身邊都有朋友參選區議員，我同佢講「唔好X票（我唔寫粗口嘅）」，幸好佢係生意人無稜角，這個問題不大。
咁點樣先可以贏區議會選舉呢？姐姐講得好清楚：搞民生，唔好淨係叫口號。就好似一間公司咁，區議員係行政架構裡最前線的人，你諗下如果你問個junior做左啲乜，佢話負責做strategic planning，咁manager同director 負責落場砌呀？！區議會就係落場砌嘅地方，建制派延長到紅綠燈多兩秒，我地笑佢地咁都成功爭取好on9，但如果你係行動不便嘅呀伯呀婆呢？多兩秒好過一秒都爭取唔到呀！咁我投邊個好？
你口號可以好崇高，叫建設民主中國無問題，話「保衛銀河系、防止索克天皇嘅侵略」都冇問題，但你必須要有「實務」去backup 你啲口號，修身齊家治國平天下，一個連水浸位都處理唔到嘅人，點樣令我信服你有能力處理更大嘅政治議題，甚至推動普選？你治好了細區，才好跟我說大區、甚至整個香港的策略，否則，這跟一個新入公司的junior跟老闆說：「我要重組你間公司」一樣的令人難以信服。
至於X票（音:Diu ）呢件事，好好笑，你入農場之前已經知呢班係豬、某區特別多港豬，豬要嘅係飼料，你就同佢講飼料、你就俾飼料佢，就係咁簡單。等同依家我地要嘅係五大素求，林鄭早前緊急派糖派飼料，係唔會有效。民之所欲、可在你心？如果你俾唔到該區的居民想要的東西，而你推你想要的東西，在他們眼內，你也不過是一個暴君，只是打著一個漂亮旗號、不把豬餵飽的暴君。
政治係好污糟，先小人後君子，先餵飽啲豬再慢慢教育返佢地做人。港豬善忘，但好記仇，你X過佢一次，佢記你十世。你到底要唔要贏？要贏就先和豬一起泥漿浴吧！
#我講完區議會選舉了
#唔希望選舉時我仲未休到筆
#大家加油吧
【工作態度 區政之道】有老友去新界選區議會，決定孤注一擲，只用政治議題，搏一鋪。我祝福佢。因為佢果區，政治性好強，上次立會補選可見，民主派選民佔多，扯起支民主派大旗，有機會突圍。
但係，大佛選區，中高產較多，我的評估，係選民比較關注，代議士的工作態度。
第一，不鬧對家，更不會鬧同路人。請支持我地團隊的朋友，唔好鬧同路人。不割蓆，不分化。佢地響前線衝，槍林彈雨，冒住性命危險爭取民主，值得尊敬。
第二，謙卑待民，各有各做。我地係相信，區議會係基層賦權的第一步，選民相當聰明，佢地自然會作出選擇。我地要相信選民，依靠選民，信賴選民，低頭做事，不惡言相向，不高傲自大，不做林鄭第二。
雖然返工係辛苦，但係，區事就是眾人的事。軒尼詩道莊士敦道三角位，有兩件事令街坊好上心：
其一，平日鴿群聚集，有街坊拋下食物於此餵食，但有時候為了爭食，部分鴿群在馬路被轉彎的汽車撞死。如何處理人類與野鴿以至選區後山（中西區較多）的野豬問題，遲d再傾。
其二，就係每逢大雨，呢度就水浸。每論係上班族定係街坊，都十分狼狽。咁就係要同路政署／運輸署一齊解決啦。
唔希望選舉時我仲未休到筆 在 John Tsang 曾俊華 - Facebook 的推薦與評價
年，我個人仲有個小小嘅願望，就係希望今年可以衝出香港，可以飛轉美國，去東岸探望屋企嘅老人家，之後再去西岸探下幾年冇見嘅細佬妹。前排我想搵張我同佢哋嘅合照，但搵勻 ... ... <看更多>