《🍕意式美食+高質雪糕甜品🍨-Pt.2》
前一篇講咗呢間餐廳，前菜、主食同甜品都好食😋，一次講唔晒今日繼續講❤️
.
📍M6和牛拼虎蝦（$185）
M6 Wagyu Beef And Prawn
和牛切成薄片鋪滿批底🐂，拼上爽口蝦肉🦐同三色椒🫑做配料。🉑能由於牛肉太薄，唔講基本上食唔出有牛味🤔，好彩蝦肉有預先調味加上番茄醬批底🍅，食落味道都唔錯。呢間餐廳供應薄底Pizza，批邊煙韌口感唔錯。一個8件，份量好夠食。
.
📍燒頂級豬腩肉南瓜意大利飯（$168）
Triple A Grade Braised Pork Belly And Pumpkin Risotto
意大利飯好有驚喜😍!食落幾香南瓜味🎃，而且調味調適當，味道豐富👍🏻。配料除咗有南瓜粒仲有榛子果仁，榛子脆卜卜令口感更有層次，仲有助增添風味😋。不過最驚喜一定喺嗰幾片豬腩肉🐖，外層燒到焦香，入口柔軟，加上半肥瘦油脂甘香，值得推薦❤️。
.
📍龍蝦汁大蝦扁意粉（$172）
Tomato, Fennel, Asparagus, Lobster Cream
意粉煮得煙韌冇過腍，醬汁唔少但食唔出龍蝦味👉🏻👈🏻，配料有蝦、蘆筍同車厘茄，要讚下蝦肉量多，彈牙又鮮味🦐！整體味道未見有驚喜，而且份量好少，價錢偏貴。
.
📍意大利雪糕軟包（$48）
Brioche Bun
呢款嘅雪糕軟包都係必食🥯，外層喺鬆軟麵包包住一層自選口味嘅雪糕，又凍又熱嘅感覺真係最正。雪糕揀咗花生味🥜，再配搭焦糖醬真係非常好食😋，另外仲可以揀三款配料。呢款甜品唔係咁多地方有食，一人食一個都唔過份🤟🏻。
.
📍意大利雪糕杯（$65）
Gelato Cup
呢到嘅雪糕類甜品真喺必試🍦！用上DOLCI Gelato就知有一定質素。雪糕有得自選款式，另外可以配搭一款醬料同3款配料。今次試咗朱古力味🍫同榛子味🌰，2款都唔會過甜而且味道辨識度好高，雪糕口感軟滑，另外揀咗朱古力醬、紅莓脆脆、乳酪脆脆同朱古力碎做配料，味道真係好好，真係好有衝動試晒咁多款雪糕😆🤟🏻。
.
其實夜晚嘅圓方唔係間間餐廳都咁多人，當日所見唯獨呢一間係能夠坐滿人。食完後發現唔單止嘢食味道唔錯，而且店員嘅服務都好好🥰，難怪人流會比其他食店多咁多。
.
Cafe Deco Pizzeria (尖沙咀)
尖沙咀柯士甸道西1號ELEMENTS圓方火區2樓2133號舖
