欣賞嘅人我都會鬧、唔鍾意嘅人我都會讚──當然，討厭嘅人做衰嘢，我仲會屌多兩錢重
//本Page Patreon經已開通，請訂閱支持本Page運作（估唔到而家Run個Page都係要搵命搏），謝謝！ 連結： https://bit.ly/2TvzIaF //
初選結束，同雷動一樣就算我批評再多都已改變唔倒現實，唯有暫時擺低，再睇下後續發展。
馮達浚退選符合機制
第一個最大餘波自然係馮達浚先勝選再敗選、然後先堅持參選再宣佈退選。老實講成年事佢都幾慘：就係因為當日戴妖團隊嘅失誤令機密數據流出，提早公佈電子點票結果先至令佢空歡喜一場，而家成件事幾個責任者拍拍屁股走人，卻係要馮達浚自己承受公眾嘅責難，其實都幾唔公平。
然後有好多參與初選、評論初選、甚至作為候選人本身，去到今日仍然唔明白點解有啲選區係會有超過「當選可能性」數目嘅名單參選，仍然分唔清「有約束力」、「無約束力」初選嘅分別，亦係好撚可悲：即係支持或者反對任何制度之先，係咪應該先花啲功夫了解下制度嘅優劣先呢？
講過好多次，「無約束力」初選嘅好處係可以令民調落後、但仍有機會嘅候選人響選戰期間慢慢累積番人氣，比個機會市民多啲認識佢，從而揀出真正適合嘅候選人，最好嘅例子就係上屆民調一度跌至0嘅慢必。馮達浚初選可以先排第四再排第五，其實就正正切合咗「無約束力初選」嘅意義：既然大家票數咁接近，咪齊齊入閘選到最後先決定邊個退選囉。即係如果連呢一層都未諗倒，我唔覺得有資格去評論馮達浚參選啱唔啱呢個問題囉。
不過馮達浚要退選亦唔係基於群眾壓力，而係響九西個初選制度下，佢本身就有好大機會要被篩走：理論上九西雖然話係等初選結果先至由參選人決定究竟留番幾多人可以繼續入閘選9月大選，但你諗下贏咗果頭4個驚比個機會你反勝、輸咗包尾無可能反勝果幾個又覺得自己都棄咗選點解得你一個可以繼續選，真係在情在理都無理由比掹車邊嘅你繼續選落去，對初選制度一知半解嘅群眾壓力，都無乜機會會比你留低。
咁而家個九西初選制度同九東一早講定留5席唔同，係由參選者自行決定最終可以留低幾多條名單繼續選丫嘛，咁佢地決定咗只留四席，咁你排第五無得選，當然符合程序公義啦。
區諾軒算是一個人物
第二個餘波就係，響中聯辦瘋狂恐嚇之下，區諾軒宣佈全面退出初選工作，而趙家賢同戴耀廷亦相隨退出。對於成個初選過程、又或者區諾軒當日響議會嘅表現，我當然係有好多意見，但既然我條題叫得〈區諾軒是個人物〉，就唔想響篇文入面讚佢幾句就鬧足十句，所以就只集中講呢個指定範圍。
有好多人話區諾軒退出初選、甚至連立法會議員都唔敢連任係貪生怕死，但我係唔同意呢種講法。首先要做一個響共產政權下被接受嘅花瓶反對派其實唔難，你睇下爛鴿訟棍黨唔少成員、功能組別五妖，就係一個好好嘅例子：作為一個「扮民主派」繼續奶政府鞋底，只要深黃傻粉繼續存在，兩者其實係無矛盾架。
區諾軒自從被DQ後，我之前有評論分析過，佢挾住呢個DQ光環下屆一定可以選番入去，而客觀結果就係佢無戀棧呢個月入十幾萬嘅權位──唔好同我講十幾萬人工對好多人黎講濕濕碎，我都先唔好講立法會議員呢個身份其實係可以有好多界外利益，你睇初選爛鴿黨原封不動走去參加，就知份糧有幾吸引啦。
再者，怕死乃人之常情，試問邊個唔怕死？我過去年幾次次發完夢響屋企諗番轉頭都驚餐死啦。咁而家中聯辦擺明就係要煮死初選喎，作為搞手你點可能唔驚呢？我唔知區諾軒搞呢壇嘢嘅時候有無預過今日呢個結果，但同垃圾會議員唔同，作為初選召集人，呢個位既無人工，反而要承擔無謂嘅風險，好明顯唔係為咗私利而做。
響呢度又要教下大家，咩叫「欣賞飯民嘅進步」同埋點樣先可以「過去嘅事我地可以放低」：咁而家區諾軒唔再參選做垃圾會議員，佢以前響議會表現只要唔係大奸大惡，咪可以擺低唔理囉；我反對初選嘅立場無變、我鬧佢嘅嘢從來無錯，但唔代表區諾軒走去挑戰強權呢個勇氣唔值得嘉許Bor。
而家佢擺低哂政壇所有嘢咁瀟洒，拒絕議員呢份高薪厚祿，走去玩埋啲高風險無回報嘅火，響我眼中佢當然算係一個人物。不過響度忠告佢，今舖共產黨唔係講笑，除非你想學黃之鋒做烈士，否則為安全起見都係盡早離開香港為上策──當然而家比唔比你走，又係另一個問題鳥。
莫奶肛交棒避初選欽點心情愉快
雖然同樣放棄連任，但莫奶肛卻係完全唔可以同區諾軒相比。首先區諾軒響議會最多都只能叫係懶，卻無幫政府作惡；然而莫奶肛響做垃圾會議員咁耐以黎，唔單止成撚日唔開會唔投票，仲要多番幫政府護航議案撐創科局、亞投行成立搞到今日變成公帑黑洞、網絡廿三條反應遲鈍兼同單仲楷企響版權持有者一方、支持水炮車撥款更係罪無可恕──即係唔撚通譚耀宗落台你就會放過佢咩！
然後更卑鄙嘅係，初選啱啱先公佈結果無耐，莫奶肛就宣佈退選，目的係乜？自然係想親自欽點候選人啦。莫奶肛雖然響議會庸碌無為，但無可否認多年黎靠手段同利益，養咗一班IT走狗：甚至連當日反對創科局成立嘅「前線科技人員」竟然最終都可以比佢收服奶佢鞋底，所以都收埋唔少鐵票。但如果佢早早退佈退選呢？拿撐佢就唔代表撐佢欽點嘅轉世靈童Bor，等陣個個撲出黎話要搞初選仲得了嘅？
咁去到而家呢一刻先公佈退選，咪大條道理話「唔夠時間搞初選」囉，得番一個欽點候選人，咪順理成章肛交棒心情愉快囉。然後我最奇怪嘅係，當香港人咁撚執著於初選機制乜乜七七三不投，咁撚明目張膽繞過初選機制，卻係同教協葉建源拒絕初選一樣，通通視而不見──即係你班黃屍狗，唔該唔好再同我講乜撚用初選去反抗不公義啦，你連你個初選制度壞撚咗都捍衛唔倒呀！
在不瘋狂就等死成員退出 在 「在不瘋狂就等死」成員退出影片懶人包 - 老貓測3C 的推薦與評價
「在不瘋狂就等死」(Crazy Right Now)是台灣Youtube知名的網路搞笑短片團體，目前有104萬. ... <看更多>